ಸ್ತ್ರೀಯರೆಲ್ಲರು ಬನ್ನಿರೆ | ಶ್ರೀನಿವಾಸನ ಪಾಡಿರೇ
ಜ್ಞಾನಗುರುಗಳಿಗೊಂದಿಸಿ | ಮುಂದೆ ಕಥೆಯ ಪೇಳುವೆ ||
ಗಂಗಾತೀರದಿ ಋಷಿಗಳು | ಅಂದು ಯಾಗವ ಮಾಡಿದರು
ಬಂದು ನಾರದ ನಿಂತುಕೊಂಡು | ಯಾರಿಗೆಂದು ಕೇಳಲು
ಅರಿತು ಬರಬೇಕು ಎಂದು | ಆ ಮುನಿಯು ತೆರಳಿದ
-ಭೃಗುಮುನಿಯು ತೆರಳಿದ
ನಂದಗೋಪನ ಮಗನ ಕಂದನ | ಮಂದಿರಕಾಗೆ ಬಂದನು
ವೇದಗಳನೆ ಓದುತಾ | ಹರಿಯನು ಕೊಂಡಾಡುತಾ
ಇರುವ ಬೊಮ್ಮನ ನೋಡಿದ | ಕೈಲಾಸಕ್ಕೆ ಬಂದನು
ಕಂಭುಕಂಠನು ಪಾರ್ವತೀಯು | ಕಲೆತಿರುವುದ ಕಂಡನು
ಸೃಷ್ಟಿಯೊಳಗೆ ನಿನ್ನ ಲಿಂಗ | ಶ್ರೇಷ್ಠವಾಗಲೆಂದನು
ವೈಕುಂಠಕ್ಕೆ ಬಂದನು | ವಾರಿಜಾಕ್ಷನ ಕಂಡನು
ಕೆಟ್ಟ ಕೋಪದಿಂದ ಒದ್ದರೆ | ಎಷ್ಟು ನೊಂದಿತೆಂದನು
ತಟ್ಟನೆ ಬಿಸಿನೀರಿನಿಂದ | ನೆಟ್ಟಗೆ ಪಾದ ತೊಳೆದನು
ಬಂದ ಕಾರ್ಯ ಆಯಿತೆಂದು | ಅಂದು ಮುನಿಯು ತೆರಳಿದ
ಬಂದು ನಿಂದು ಸಭೆಯೊಳಗೆ | ಇಂದಿರೇಶನ ಹೊಗಳಿದ
ಪತಿಯ ಕೂಡೆ ಕಲಹ ಮಾಡಿ | ಕೊಲ್ಹಾಪುರಕೆ ಹೋದಳು
ಸತಿಯು ಪೋಗೆ ಪತಿಯು ಹೊರಟು | ಗಿರಿಗೆ ಬಂದು ಸೇರಿದ
ಹುತ್ತದಲ್ಲೇ ಹತ್ತು ಸಾವಿರ ವರುಷ | ಗುಪ್ತವಾಗೇ ಇದ್ದನು
ಬ್ರಹ್ಮ ಧೇನುವಾದನು | ರುದ್ರ ವತ್ಸನಾದನು
ಧೇನು ಮುಂದೆ ಮಾಡಿಕೊಂಡು | ಗೋಪಿ ಹಿಂದೆ ಬಂದಳು
ಕೋಟಿ ಹೊನ್ನು ಬಾಳುವೋದು | ಕೊಡದ ಹಾಲು ಕರೆವುದು
ಪ್ರೀತಿಯಿಂದಲಿ ತನ್ನ ಮನೆಗೆ | ತಂದುಕೊಂಡನು ಚೋಳನು
ಒಂದು ದಿವಸ ಕಂದಗ್ಹಾಲು | ಚೆಂದದಿಂದಲಿ ಕೊಡಲಿಲ್ಲ
ಅಂದು ರಾಯನ ಮಡದಿ ಕೋಪಿಸಿ | ಬಂದು ಗೋಪನ ಹೊಡೆದಳು
ಧೇನು ಮುಂದೆ ಮಾಡಿಕೊಂಡು | ಗೋಪ ಹಿಂದೆ ನಡೆದನು
ಕಾಮಧೇನು ಕರೆದ ಹಾಲು | ಹರಿಯ ಶಿರಕೆ ಬಿದ್ದಿತು
ಇಷ್ಟು ಕಷ್ಟ ಬಂದಿತೆಂದು | ಪೆಟ್ಟು ಬಡಿಯೆ ಹೋದನು
ಕೃಷ್ಣ ತನ್ನ ಮನದಲ್ಯೋಚಿಸಿ | ಕೊಟ್ಟ ತನ್ನ ಶಿರವನು
ಏಳು ತಾಳೆಮರದ ಉದ್ದ | ಏಕವಾಗಿ ಹರಿಯಿತು
ರಕ್ತವನ್ನು ನೋಡಿ ಗೋಪ | ಮತ್ತೆ ಸ್ವರ್ಗಕ್ಕೇರಿದ
ಕಷ್ಟವನ್ನು ನೋಡಿ ಗೋವು | ಅಷ್ಟು ಬಂದ್-ಹೇಳಿತು
ತಟ್ಟನೆ ರಾಯ ಎದ್ದು ಗಿರಿಗೆ | ಬಂದು ಬೇಗ ಸೇರಿದ
ಏನು ಕಷ್ಟ ಇಲ್ಲಿ ಹೀಗೆ | ಯಾವ ಪಾಪಿ ಮಾಡಿದ
ಇಷ್ಟು ಕಷ್ಟ ಕೊಟ್ಟವಾಗೆ | ಭ್ರಷ್ಟಪಿಶಾಚಿಯಾಗೆಂದ
ಪೆಟ್ಟು ವೇದನೆ ತಾಳಲಾರದೆ | ಬೃಹಸ್ಪತಿಯ ಕರೆಸಿದ
ಅರುಣ ಉದಯದಲ್ಲೆದ್ದು | ಔಷಧಕ್ಕೆ ಪೋದನು
ಕ್ರೋಢರೂಪಿಯ ಕಂಡನು | ಕೂಡಿ ಮಾತನಾಡಿದನು
ಇರುವುದಕ್ಕೆ ಸ್ಥಳವು ಎನಗೆ | ಏರ್ಪಾಡಾಗಬೇಕೆಂದ
ನೂರು ಪಾದ ಭೂಮಿ ಕೊಟ್ಟರೆ | ಮೊದಲು ಪೂಜೆ ನಿಮಗೆಂದ
ಪಾಕ ಪಕ್ವ ಮಾಡುವುದಕ್ಕೆ | ಆಕೆ ಬಕುಳೆ ಬಂದಳು
ಭಾನುಕೋಟಿತೇಜನೀಗ | ಬೇಟೆಯಾಡ ಹೊರಟನು
ಮಂಡೆ ಬಾಚಿ ದೊಂಡೆ ಹಾಕಿ | ದುಂಡುಮಲ್ಲಿಗೆ ಮುಡಿದನು
ಹಾರ ಪದಕ ಕೊರಳಲ್ಹಾಕಿ | ಫಣೆಗೆ ತಿಲಕವಿಟ್ಟನು
ಅಂಗುಲಿಗೆ ಉಂಗುರ | ರಂಗಶೃಂಗಾರವಾದವು
ಪಟ್ಟೆನುಟ್ಟು ಕಚ್ಚೆ ಕಟ್ಟಿ | ಪೀತಾಂಬರವ ಹೊದ್ದನು
ಢಾಳು ಕತ್ತಿ ಉಡಿಯಲ್ ಸಿಕ್ಕಿ | ಜೋಡು ಕಾಲಲ್ಲಿ ಮೆಟ್ಟಿದ
ಕರದಿ ವೀಳ್ಯವನ್ನೆ ಪಿಡಿದು | ಕನ್ನಡೀಯ ನೋಡಿದ
ಕನಕಭೂಷಣವಾದ ತೊಡಿಗೆ | ಕಮಲನಾಭ ತೊಟ್ಟನು
ಕನಕಭೂಷಣವಾದ ಕುದುರೆ | ಕಮಲನಾಭ ಏರಿದ
ಕರಿಯ ಹಿಂದೆ ಹರಿಯು ಬರಲು | ಕಾಂತೆರೆಲ್ಲ ಕಂಡರು
ಯಾರು ಇಲ್ಲಿ ಬರುವರೆಂದು | ದೂರ ಪೋಗಿರೆಂದರು
ನಾರಿಯರು ಇರುವ ಸ್ಥಳಕೆ | ಯಾವ ಪುರುಷ ಬರುವನು
ಎಷ್ಟು ಹೇಳೆ ಕೇಳ ಕೃಷ್ಣ | ಕುದುರೆ ಮುಂದೆ ಬಿಟ್ಟನು
ಅಷ್ಟು ಮಂದೀರೆಲ್ಲ ಸೇರಿ | ಪೆಟ್ಟುಗಳನು ಹೊಡೆದರು
ಕಲ್ಲುಮಳೆಯ ಕರೆದರಾಗ | ಕುದುರೆ ಕೆಳಗೆ ಬಿದ್ದಿತು
ಕೇಶ ಬಿಚ್ಚಿ ವಾಸುದೇವ | ಶೇಷಗಿರಿಗೆ ಬಂದನು
ಪರಮಾನ್ನ ಮಾಡಿದ್ದೇನೆ | ಉಣ್ಣು ಬೇಗ ಎಂದಳು
ಅಮ್ಮ ಎನಗೆ ಅನ್ನ ಬೇಡ | ಎನ್ನ ಮಗನೆ ವೈರಿಯೇ
ಕಣ್ಣಿಲ್ಲದ ದೈವ ಅವಳ | ನಿರ್ಮಾಣವ ಮಾಡಿದ
ಯಾವ ದೇಶ ಯಾವೋಳಾಕೆ | ಎನಗೆ ಪೇಳು ಎಂದಳು
ನಾರಾಯಣನ ಪುರಕೆ ಪೋಗಿ | ರಾಮಕೃಷ್ಣರ ಪೂಜಿಸಿ
ಕುಂಜಮಣಿಯ ಕೊರಳಲ್ಹಾಕಿ | ಕೂಸಿನ ಕಂಕುಳಲೆತ್ತಿದಾ
ಧರಣಿದೇವಿಗೆ ಕಣಿಯ ಹೇಳಿ | ಗಿರಿಗೆ ಬಂದು ಸೇರಿದ
ಕಾಂತೆರೆಲ್ಲ ಕೂಡಿಕೊಂಡು | ಆಗ ಬಕುಳೆ ಬಂದಳು
ಬನ್ನಿರೆಮ್ಮ ಸದನಕೆನುತ | ಬಹಳ ಮಾತನಾಡಿದರು
ತಂದೆತಾಯಿ ಬಂಧುಬಳಗ | ಹೊನ್ನು ಹಣ ಉಂಟೆ೦ದರು
ಇಷ್ಟು ಪರಿಯಲ್ಲಿದ್ದವಗೆ | ಕನ್ಯೆ ಯಾಕೆ ದೊರೆಕಿಲ್ಲಾ
ದೊಡ್ಡವಳಿಗೆ ಮಕ್ಕಳಿಲ್ಲ | ಮತ್ತೆ ಮದುವೆ ಮಾಡ್ವೆವು
ಬೃಹಸ್ಪತೀಯ ಕರೆಸಿದ | ಲಗ್ನಪತ್ರಿಕೆ ಬರೆಸಿದ
ಶುಕಾಚಾರ್ಯರ ಕರೆಸಿದ | ಮದುವೆ ಓಲೆ ಬರೆಸಿದ
ವಲ್ಲಭೇನ ಕರೆವುದಕ್ಕೆ | ಕೊಲ್ಹಾಪುರಕೆ ಹೋದರು
ಗರುಡನ್ ಹೆಗಲನೇರಿಕೊಂಡು | ಬೇಗ ಹೊರಟುಬಂದರು
ಅಷ್ಟವರ್ಗವನ್ನು ಮಾಡಿ | ಇಷ್ಟದೇವರನ್ನು ಪೂಜಿಸಿ
ಲಕ್ಷ್ಮೀಸಹಿತ ಆಕಾಶರಾಜನ | ಪಟ್ಟಣಕ್ಕೆ ಬಂದರು
ಕನಕಭೂಷಣವಾದ ತೊಡುಗೆ | ಕಮಲನಾಥ ತೊಟ್ಟನು
ಕನಕಭೂಷಣವಾದ ಮಂಟಪ | ಕಮಲನಾಭ ಏರಿದ
ಕಮಲನಾಭಗೆ ಕಾಂತಿಮಣಿಯ | ಕನ್ಯಾದಾನವ ಮಾಡಿದ
ಕಮಲನಾಭ ಕಾಂತೆ ಕೈಗೆ | ಕಂಕಣವನ್ನೆ ಕಟ್ಟಿದ
ಶ್ರೀನಿವಾಸ ಪದ್ಮಾವತಿಗೆ | ಮಾಂಗಲ್ಯವನ್ನೆ ಕಟ್ಟಿದ
ಶ್ರೀನಿವಾಸನ ಮದುವೆ ನೋಡೆ | ಸ್ತ್ರೀಯರೆಲ್ಲರು ಬನ್ನಿರೇ
ಪದ್ಮಾವತಿಯ ಮದುವೆ ನೋಡೆ | ಮುದ್ದು ಬಾಲೆಯರ್ ಬನ್ನಿರೇ
ಶಂಕೆಯಿಲ್ಲದೆ ಹಣವ ಸುರಿದು | ವೆಂಕಟೇಶನ ಕಳುಹಿದ
ಲಕ್ಷ ತಪ್ಪು ಎನ್ನಲುಂಟು | ಪಕ್ಷಿವಾಹನ ಸಲಹೆನ್ನ
ಕೋಟಿ ತಪ್ಪು ಎನ್ನಲ್ಲುಂಟು | ಕುಸುಮನಾಭ ಸಲಹೆನ್ನ
ಶಂಕೆಯಿಲ್ಲದೆ ವರವ ಕೊಡುವ ವೆಂಕಟೇಶ ಸಲಹೆನ್ನ
ಭಕ್ತಿಯಿಂದಲಿ ಹೇಳ್ ಕೇಳ್ದವರಿಗೆ | ಮುಕ್ತಿ ಕೊಡುವ ಹಯವದನನು
ಜಯ ಜಯ ಶ್ರೀನಿವಾಸನಿಗೆ | ಜಯ ಜಯ ಪದ್ಮಾವತಿಗೆ
ಒಲಿದಂತಹ ಶ್ರೀಹರಿಗೆ | ನಿತ್ಯ ಶುಭಮಂಗಳ
ಶೇಷಾದ್ರಿಗಿರಿವಾಸ | ಶ್ರೀದೇವಿ ಅರಸಗೆ
ಕಲ್ಯಾಣಮೂರುತಿಗೆ | ನಿತ್ಯಜಯಮಂಗಳ
ಕಲ್ಯಾಣಮೂರುತಿಗೆ | ನಿತ್ಯಶುಭಮಂಗಳ
strIyarellaru bannire | SrInivAsana pADirE
j~jaanagurugaLigoMdisi | muMde katheya pELuve ||
gaMgAtIradi RuShigaLu | aMdu yAgava mADidaru
baMdu nArada niMtukoMDu | yArigeMdu kELalu
aritu barabEku eMdu | A muniyu teraLida
-BRugumuniyu teraLida
naMdagOpana magana kaMdana | maMdirakAge baMdanu
vEdagaLane OdutA | hariyanu koMDADutA
iruva bommana nODida | kailAsakke baMdanu
kaMBukaMThanu pArvatIyu | kaletiruvuda kaMDanu
sRuShTiyoLage ninna liMga | SrEShThavAgaleMdanu
vaikuMThakke baMdanu | vArijAkShana kaMDanu
keTTa kOpadiMda oddare | eShTu noMditeMdanu
taTTane bisinIriniMda | neTTage pAda toLedanu
baMda kArya AyiteMdu | aMdu muniyu teraLida
baMdu niMdu saBeyoLage | iMdirESana hogaLida
patiya kUDe kalaha mADi | kolhApurake hOdaLu
satiyu pOge patiyu horaTu | girige baMdu sErida
huttadallE hattu sAvira varuSha | guptavAgE iddanu
brahma dhEnuvAdanu | rudra vatsanAdanu
dhEnu muMde mADikoMDu | gOpi hiMde baMdaLu
kOTi honnu bALuvOdu | koDada hAlu karevudu
prItiyiMdali tanna manege | taMdukoMDanu cOLanu
oMdu divasa kaMdag~hAlu | ceMdadiMdali koDalilla
aMdu rAyana maDadi kOpisi | baMdu gOpana hoDedaLu
dhEnu muMde mADikoMDu | gOpa hiMde naDedanu
kAmadhEnu kareda hAlu | hariya Sirake bidditu
iShTu kaShTa baMditeMdu | peTTu baDiye hOdanu
kRuShNa tanna manadalyOcisi | koTTa tanna Siravanu
ELu tALemarada udda | EkavAgi hariyitu
raktavannu nODi gOpa | matte svargakkErida
kaShTavannu nODi gOvu | aShTu baMd-hELitu
taTTane rAya eddu girige | baMdu bEga sErida
Enu kaShTa illi hIge | yAva pApi mADida
iShTu kaShTa koTTavAge | BraShTapiSAciyAgeMda
peTTu vEdane tALalArade | bRuhaspatiya karesida
aruNa udayadalleddu | auShadhakke pOdanu
krODharUpiya kaMDanu | kUDi mAtanADidanu
iruvudakke sthaLavu enage | ErpADAgabEkeMda
nUru pAda BUmi koTTare | modalu pUje nimageMda
pAka pakva mADuvudakke | Ake bakuLe baMdaLu
BAnukOTitEjanIga | bETeyADa horaTanu
maMDe bAci doMDe hAki | duMDumallige muDidanu
hAra padaka koraLalhAki | PaNege tilakaviTTanu
aMgulige uMgura | raMgaSRuMgAravAdavu
paTTenuTTu kacce kaTTi | pItAMbarava hoddanu
DhALu katti uDiyal sikki | jODu kAlalli meTTida
karadi vILyavanne piDidu | kannaDIya nODida
kanakaBUShaNavAda toDige | kamalanABa toTTanu
kanakaBUShaNavAda kudure | kamalanABa Erida
kariya hiMde hariyu baralu | kAMterella kaMDaru
yAru illi baruvareMdu | dUra pOgireMdaru
nAriyaru iruva sthaLake | yAva puruSha baruvanu
eShTu hELe kELa kRuShNa | kudure muMde biTTanu
aShTu maMdIrella sEri | peTTugaLanu hoDedaru
kallumaLeya karedarAga | kudure keLage bidditu
kESa bichchi vAsudEva | SEShagirige baMdanu
paramAnna mADiddEne | uNNu bEga eMdaLu
amma enage anna bEDa | enna magane vairiyE
kaNNillada daiva avaLa | nirmANava mADida
yAva dESa yAvOLAke | enage pELu eMdaLu
nArAyaNana purake pOgi | rAmakRuShNara pUjisi
kuMjamaNiya koraLalhAki | kUsina kaMkuLalettidA
dharaNidEvige kaNiya hELi | girige baMdu sErida
kAMterella kUDikoMDu | Aga bakuLe baMdaLu
banniremma sadanakenuta | bahaLa mAtanADidaru
taMdetAyi baMdhubaLaga | honnu haNa uMTe0daru
iShTu pariyalliddavage | kanye yAke dorekillA
doDDavaLige makkaLilla | matte maduve mADvevu
bRuhaspatIya karesida | lagnapatrike baresida
shukaacaaryara karesida | maduve Ole baresida
vallaBEna karevudakke | kolhApurake hOdaru
garuDan hegalanErikoMDu | bEga horaTubaMdaru
aShTavargavannu mADi | iShTadEvarannu pUjisi
lakShmIsahita AkASarAjana | paTTaNakke baMdaru
kanakaBUShaNavAda toDuge | kamalanAtha toTTanu
kanakaBUShaNavAda maMTapa | kamalanABa Erida
kamalanABage kAMtimaNiya | kanyaadAnava mADida
kamalanABa kAMte kaige | kaMkaNavanne kaTTida
SrInivAsa padmAvatige | mAMgalyavanne kaTTida
SrInivAsana maduve nODe | strIyarellaru bannirE
padmAvatiya maduve nODe | muddu bAleyar bannirE
SaMkeyillade haNava suridu | veMkaTESana kaLuhida
lakSha tappu ennaluMTu | pakShivAhana salahenna
kOTi tappu ennalluMTu | kusumanaabha salahenna
shaMkeyillade varava koDuva veMkaTEsha salahenna
BaktiyiMdali hEL kELdavarige | mukti koDuva hayavadananu
jaya jaya SrInivAsanige | jaya jaya padmAvatige
olidaMtaha SrIharige | nitya SuBamaMgaLa
SEShAdrigirivAsa | SrIdEvi arasage
kalyANamUrutige | nityajayamaMgaLa
kalyANamUrutige | nityashubhamaMgaLa
