ಶ್ರೀ ಕೇಶವ ಪಂಚರತ್ನ ಕೀರ್ತನೆ
ಕೃಷ್ಣಮುರಾರಿ ಕೇಶವ ಮುರಾರಿ |
ಅಚ್ಯುತಾನಂತ ಗೋವಿಂದ ಮುರಾರಿ || ಪ ||
ವೇಷಧಾರಿಯಾಗಿ ಬಂದು ಅಸುರರ ಸಂಹರಿಸಿ |
ಭೂಸುರರಿಗ್ವರವನಿತ್ತ್ಯೋ ಕೇಶವ ಮುರಾರಿ || ೧ ||
ನಾ ತಾಳಲಾರೆನೊ ಲೋಕಾಧಿಪತಿಯೆ ಕಾಯೊ|
ಅನಾಥರಕ್ಷಕ ನಾರಾಯಣನೆ ಮುರಾರಿ || ೨ ||
ಮನಸು ನಿಲ್ಲದು ದೇವ ಮಾರನಟ್ಟುಳಿಗೆನ್ನ |
ಮನಕಾಗಿ ನೀನೆ ಬಾರೊ ಮಾಧವ ಮುರಾರಿ || ೩ ||
ಅನೇಕ ಗೋವ್ಗಳ ಕಾಯ್ದ ಗೋಪಾಲಮೂರುತಿ|
ಗೋಪಿಯರರಸ ಗೋವಿಂದ ಮುರಾರಿ || ೪ ||
ಕಟ್ಟಿದ ಕಾಮನೆಯ ಬಿಟ್ಟು ಕಳಚಿ ಮನ|
ದಿಷ್ಟಾರ್ಥವನೀವ ವಿಷ್ಣು ಮುರಾರಿ || ೫ ||
ಮಧುರವಾಕ್ಯಗಳಿಂದ ಮಂದಿರಕಾಗಿ ಬಾರೊ|
ಮನಸಿಜನಯ್ಯ ಮಧುಸೂದನ ಮುರಾರಿ || ೬ ||
ತಿದ್ದಿದ ಕಸ್ತುರಿತಿಲಕ ತಿಗುರಿದ ಪರಿಮಳಗಂದ |
ಮುದ್ದುನಸುನಗೆಯ ತ್ರಿವಿಕ್ರಮ ಮುರಾರಿ || ೭ ||
ಕಾಮಿನಿ ಅಗಲಿ ಬಂದು ಸೀಮೆನಾಳುವನೆಂದು|
ನೇಮವಾಕ್ಯದಿ ನಿಂದ ವಾಮನ ಮುರಾರಿ || ೮ ||
ಶ್ರೀಯರಸ ಮೇಳದಿ ರಮಿಸಿ ಬಹುಕಾಲದಿ|
ಸಿಂಧುಶಯನ ಶ್ರೀಧರನೆ ಮುರಾರಿ || ೯ ||
ಋಷಿಗಳಿಗ್ವರವನಿತ್ತು ಬೃಂದಾವನದಲ್ಲಿ ನಿಂದು|
ಹರುಷವಾರಿಧಿ ಹೃಷಿಕೇಶ ಮುರಾರಿ || ೧೦ ||
ಪಾವನ್ನ ಮೂರುತಿ ಪರಮದಯಾಳು ನೀನೆ |
ಪಾಲಿಸೊ ಶ್ರೀ ಪದ್ಮನಾಭ ಮುರಾರಿ || ೧೧ ||
ದಾನವರ ಮರ್ದಿಸಿ ಸುಮನಸರಿಗೊಲಿದ |
ದಾನದತ್ತನೆ ದಾಮೋದರನೆ ಮುರಾರಿ || ೧೨ ||
ಶಂಕೆಯಿಲ್ಲದೆ ಗೆಲಿಸು ಶಂಖಚಕ್ರವ ಧರಿಸಿ ಅ|
ಲಂಕಾರವಾದ ಸಂಕರ್ಷಣನೆ ಮುರಾರಿ || ೧೩ ||
ಶೇಷಶಯನ ಸಾಧು ಸಜ್ಜನರ ಪೋಷ |
ನೀ ಸಲವೊ ವಾಸುದೇವ ಮುರಾರಿ || ೧೪ ||
ಇದ್ದ ಗೋಪೇರ ಮನೆಯ ಕದ್ದು ಬೆಣ್ಣೆಯ ಮೆದ್ದ |
ಪದ್ಮದಳಾಕ್ಷ ಪ್ರದ್ಯುಮ್ನ ಮುರಾರಿ || ೧೫ ||
ಅನಿಮಿಷನಾಗಿ ಬಂದು ಯಾದವರನೆಲ್ಲ ಗೆಲಿದ |
ಆಮಹಾಮಹಿಮ ಅನಿರುದ್ಧ ಮುರಾರಿ || ೧೬ ||
ಪುನುಗುಕಸ್ತೂರಿಗಂಧ ಪರಿಮಳಪುಷ್ಪದಿಂದ |
ಪುಣ್ಯಮೂರುತಿಪುರುಷೋತ್ತಮನೆ ಮುರಾರಿ || ೧೭ ||
ರಕ್ಷಿಸೋ ನೀ ಎನ್ನ ಅಕ್ಷಯದಿಂದಲಿ |
ರಕ್ಷಿಸೋ ಅವನಿ ಅಧೋಕ್ಷಜ ಮುರಾರಿ || ೧೮ ||
ನಾನೇನ ಪೇಳಲಿ ನಗೆನಗೆಯಲ್ಲಿ ಅಕ್ಷಿ |
ಕ್ರೂರವಾಯಿತು ನಾರಸಿಂಹ ಮುರಾರಿ || ೧೯ ||
ಮೆಚ್ಚಿದೆ ನಾ ನಿನ್ನ ಪಕ್ಷಿವಾಹನಸ್ವಾಮಿ |
ಮುಚ್ಚುಮರೆಗಳ್ಯಾಕೊ ಅಚ್ಯುತ ಮುರಾರಿ || ೨೦ ||
ಜಾಣತನದಿ ಪೋಗಿ ಜಾರಸ್ತ್ರೀಯರನ್ನು |
ಒಡಗೂಡಿ ಆಡಿದ ಜನಾರ್ದನ ಮುರಾರಿ || ೨೧ ||
ಉಗುರಲ್ಲಿ ಹಿರಣ್ಯಕನ ಸೀಳಿ ಉರದಲ್ಲಿ ಮಾಲೆಯ ಧರಿಸಿ |
ಉಬ್ಬಲ್ಲಿ ಮೆರದ ಉಪೇಂದ್ರ ಮುರಾರಿ || ೨೨ ||
ಹಿರಣ್ಯಕನ ತನಯನಂದು ಕರೆಯೆ ಕಂಬದಿ ಬಂದ |
ಗರುವದಿಂದಲೆ ನರಹರಿಯೆ ಮುರಾರಿ || ೨೩ ||
ಅಟ್ಟ‍ಅಡವಿಯ ತಪಸು ಎಷು ದಿನವೊ ಸ್ವಾಮಿ |
ಪಟ್ಟಣಕಾಗಿ ಬಾರೊ ಕೃಷ್ಣಮುರಾರಿ || ೨೪ ||
ಎಲ್ಲರ ಸಲಹಿದ ಫುಲ್ಲಲೋಚನ ಸ್ವಾಮಿ |
ಪಾಲಿಸೊ ಶ್ರೀಹಯವದನ ಮುರಾರಿ || ೨೫ ||
Sri Keshava Pancharatna Keerthane
kRuShNa murAri kESava murAri |
acyutAnaMta gOviMda murAri || pa ||
vEShadhAriyAgi baMdu asurara saMharisi |
BUsurarigvaravanittyO kESava murAri || 1 ||
nA tALalAreno lOkAdhipatiye kAyo|
anAtharakShaka nArAyaNane murAri || 2 ||
manasu nilladu dEva mAranaTTuLigenna |
manakAgi nIne bAro mAdhava murAri || 3 ||
anEka gOvgaLa kAyda gOpAlamUruti|
gOpiyararasa gOviMda murAri || 4 ||
kaTTida kAmaneya biTTu kaLaci mana|
diShTArthavanIva viShNu murAri || 5 ||
madhuravAkyagaLiMda maMdirakAgi bAro|
manasijanayya madhusUdana murAri || 6 ||
tiddida kasturitilaka tigurida parimaLagaMda |
muddunasunageya trivikrama murAri || 7 ||
kAmini agali baMdu sImenALuvaneMdu|
nEmavAkyadi niMda vAmana murAri || 8 ||
SrIyarasa mELadi ramisi bahukAladi|
siMdhuSayana SrIdharane murAri || 9 ||
RuShigaLigvaravanittu bRuMdAvanadalli niMdu|
haruShavAridhi hRuShikESa murAri || 10 ||
pAvanna mUruti paramadayALu nIne |
pAliso SrI padmanABa murAri || 11 ||
dAnavara mardisi sumanasarigolida |
dAnadattane dAmOdarane murAri || 12 ||
SaMkeyillade gelisu SaMKacakrava dharisi a|
laMkAravAda saMkarShaNane murAri || 13 ||
SEShaSayana sAdhu sajjanara pOSha |
nI salavo vAsudEva murAri || 14 ||
idda gOpEra maneya kaddu beNNeya medda |
padmadaLAkSha pradyumna murAri || 15 ||
animiShanAgi baMdu yAdavaranella gelida |
AmahAmahima aniruddha murAri || 16 ||
punugukastUrigaMdha parimaLapuShpadiMda |
puNyamUrutipuruShOttamane murAri || 17 ||
rakShisO nI enna akShayadiMdali |
rakShisO avani adhOkShaja murAri || 18 ||
nAnEna pELali nagenageyalli akShi |
krUravAyitu nArasiMha murAri || 19 ||
meccide nA ninna pakShivAhanaswAmi |
muccumaregaLyAko achyuta murAri || 20 ||
jANatanadi pOgi jArastrIyarannu |
oDagUDi ADida janArdana murAri || 21 ||
uguralli hiraNyakana sILi uradalli mAleya dharisi |
ubballi merada upEMdra murAri || 22 ||
hiraNyakana tanayanaMdu kareye kaMbadi baMda |
garuvadiMdale narahariye murAri || 23 ||
aTTa^aDaviya tapasu eShu dinavo svaami |
paTTaNakAgi bAro kRuShNamurAri || 24 ||
ellara salahida PullalOcana svAmi |
pAliso SrIhayavadana murAri || 25 ||
