ನಾಗಶಯನನು ನಿನಗಾಗಿಯೆ ಬಂದಿಹೆ
ಬಾಗಿಲ ತೆಗೆಯೆ ಭಾಮೆ ನೀ
ಬಾಗಿಲ ತೆಗೆಯೆ ಭಾಮೆ || ಪ. ||
ಕೂಗುವ ನೀನ್ಯಾರೊ ಈಗ ಹೊತ್ತಲ್ಲ
ಕೂಗಬೇಡ ಪೋಗೋ ನೀ
ಕೂಗಬೇಡ ಪೋಗೋ || ಅ.ಪ.||
ನೀರೊಳು ಮುಳುಗಿ ನಿಗಮ ಚೋರನ ಗೆದ್ದ
ನೀರಜಾಕ್ಷನೆ ಭಾಮೆ ನಾ
ನೀರಜಾಕ್ಷನೆ ಭಾಮೆ
ನಾರುವ ಮೈಯನ್ನು ಎನ್ನಲ್ಲಿ ತೋರದೆ
ಸಾರು ಸಾರು ನೀ ದೂರ ರಂಗ
ಸಾರು ಸಾರು ನೀ ದೂರ || ೧ ||
ಮಂದರ ಗಿರಿಯನು ಬೆನ್ನಲಿ ಪೊತ್ತ
ಇಂದಿರೆಯರಸನೆ ಭಾಮೆ ನಾ-
ನಿಂದಿರೆಯರಸನೆ ಭಾಮೆ
ಇಂದು ನಿನಗೆ ತಕ್ಕ ಭಾರಗಳಿಲ್ಲವು
ಸಿಂಧುವಿನೊಳು ನೀ ಪೋಗೈ ಕೃಷ್ಣ
ಸಿಂಧುವಿನೊಳು ನೀ ಪೋಗೈ || ೨ ||
ಧರಣಿಗೆ ಸುಖವನು ತೋರಿದ ಸೂಕರ
ಪರಮಪುರುಷನೆ ಭಾಮೆ ನಾ
ಪರಮ ಪುರುಷನೆ ಭಾಮೆ
ವರಾಹರೂಪದ ನಿನ್ನ ಗುರುಗುರು ಶಬ್ದವ
ಅರಿವಳಲ್ಲವೊ ನೀ ಪೋಗೈ ರಂಗ
ಅರಿವಳಲ್ಲವೊ ನೀ ಪೋಗೈ || ೩ ||
ಬಾಲನ ತಾಪವ ಕೋಪದಿ ತರಿದ
(ಜ್ವಾಲ) ನಾರಸಿಂಹನೆ ಭಾಮೆ ನಾ
(ಜ್ವಾಲ) ನಾರಸಿಂಹನೆ ಭಾಮೆ
ಜ್ವಾಲೆಯ ವದನ ಕ್ರೂರ ಕಾರ್ಯಂಗಳ
ಕೇಳಿ ಅಂಜುವಳಲ್ಲ ಪೋಗೈ ರಂಗ
ಕೇಳಿ ಅಂಜುವಳಲ್ಲ ಪೋಗೈ || ೪ ||
ವಾಸವನನುಜನೆ ವಾಮನರೂಪನೆ
ನಾಶರಹಿತನೆ ಭಾಮೆ ನಾ
ನಾಶರಹಿತನೆ ಭಾಮೆ
ಕೂಸಿನ ರೂಪದಿ ಮೋಸವ ಮಾಡಿದಗೆ
ದಾಸಿಯೊಬ್ಬಳು ಬೇಕೇ ರಂಗ
ದಾಸಿಯೊಬ್ಬಳು ಬೇಕೇ || ೫ ||
ತಾತನ ಮಾತಿಗೆ ತಾಯಿಯನಳಿದ
ಖ್ಯಾತ ಭಾರ್ಗವನೆ ಭಾಮೆ ನಾ
ಖ್ಯಾತ ಭಾರ್ಗವನೆ ಭಾಮೆ
ಮಾತೆಯನಳಿದ ಘಾತುಕ ನಿನಗೆ
ದೂತಿಯೊಬ್ಬಳು ಬೇಕೇ ರಂಗ
ದೂತಿಯೊಬ್ಬಳು ಬೇಕೇ || ೬ ||
ದಶರಥನಂದನ ದಶಮುಖಭಂಜನ
ಪಶುಪತಿವಂದ್ಯನೆ ಭಾಮೆ ನಾ
ಪಶುಪತಿ ವಂದ್ಯನೆ ಭಾಮೆ
ಹಸನಾದ ಏಕಪತ್ನೀವ್ರತದವಗೆ
ಸುದತಿಯೊಬ್ಬಳು ಬೇಕೇ ರಂಗ
ಸುದತಿಯೊಬ್ಬಳು ಬೇಕೇ || ೭ ||
ಹದಿನಾರು ಸಾಸಿರ ನೂರೆಂಟು ಸುದತೇರ
ಬದಿಯಲಿಟ್ಟವನೆ ಭಾಮೆ ನಾ
ಬದಿಯಲಿಟ್ಟವನೆ ಭಾಮೆ
ಹದನಕ್ಕೆ ಬಾರದ ಮಾರ್ಗಂಗಳ್ಯಾತಕ್ಕೆ
ವದನ ಮುಚ್ಚಿಕೊಂಡು ಪೋಗೈ ರಂಗ
ವದನ ಮುಚ್ಚಿಕೊಂಡು ಪೋಗೈ || ೮ ||
ಬೌದ್ಧರಕುಲದಲ್ಲಿ ಹುಟ್ಟಿ ಅವರಂತೆ
ಮುಗ್ಧರ ಮಾಡಿದೆ ಭಾಮೆ ನಾ
ಮುಗ್ಧರ ಮಾಡಿದೆ ಭಾಮೆ
ಶುದ್ಧಗುಣಗಳೆಲ್ಲ ಇದ್ದಲ್ಲಿಗೆಪೇಳೆ
ವೃದ್ಧಳು ನಾನಲ್ಲ ಪೋಗೈ ರಂಗ
ವೃದ್ಧಳು ನಾನಲ್ಲ ಪೋಗೈ || ೯ ||
ವರ ತುರಗವನೇರಿ ಧರೆಯೆಲ್ಲ
ಚರಿಸಿದ ದೊರೆವರ ನಾನೆ ಭಾಮೆ
ಚರಿಸಿದ ದೊರೆವರ ನಾನೆ
ತುರಗದ ಚಾಕರಿಯೊಳಗಿರುವವನಿಗೆ
ತರುಣಿಯ ಭೋಗವು ಬೇಕೇ ರಂಗ
ತರುಣಿಯ ಭೋಗವು ಬೇಕೇ || ೧೦ ||
ಸರುವ ಪ್ರಾಣಿಗಳ ಉದರದೊಳಿಂಬಿಟ್ಟು
ಶರಧಿಯೊಳ್ಮಲಗಿದವ ಭಾಮೆ ನಾ
ಶರಧಿಯೊಳ್ಮಲಗಿದವ ಭಾಮೆ
ದೊರೆ ಹಯವದನನ ಚರಣಕ್ಕೆರಗುತ
ತೆರೆದಳು ಬಾಗಿಲ ಭಾಮೆ ಆಗ
ತೆರೆದಳು ಬಾಗಿಲ ಭಾಮೆ || ೧೧ ||
nAgaSayananu ninagAgiye baMdihe
bAgila tegeye BAme nI
bAgila tegeye BAme || pa. ||
kUguva nInyAro Iga hottalla
kUgabEDa pOgO nI
kUgabEDa pOgO || a.pa.||
nIroLu muLugi nigama cOrana gedda
nIrajAkShane BAme nA
nIrajAkShane BAme
nAruva maiyannu ennalli tOrade
sAru sAru nI dUra raMga
sAru sAru nI dUra || 1 ||
maMdara giriyanu bennali potta
iMdireyarasane BAme nA-
niMdireyarasane BAme
iMdu ninage takka BAragaLillavu
siMdhuvinoLu nI pOgai kRuShNa
siMdhuvinoLu nI pOgai || 2 ||
dharaNige suKavanu tOrida sUkara
paramapuruShane BAme nA
parama puruShane BAme
varAharUpada ninna guruguru Sabdava
arivaLallavo nI pOgai raMga
arivaLallavo nI pOgai || 3 ||
bAlana tApava kOpadi tarida
(jvAla) nArasiMhane BAme nA
(jvAla) nArasiMhane BAme
jvAleya vadana krUra kAryaMgaLa
kELi aMjuvaLalla pOgai raMga
kELi aMjuvaLalla pOgai || 4 ||
vAsavananujane vAmanarUpane
nASarahitane BAme nA
nASarahitane BAme
kUsina rUpadi mOsava mADidage
dAsiyobbaLu bEkE raMga
dAsiyobbaLu bEkE || 5 ||
tAtana mAtige tAyiyanaLida
KyAta BArgavane BAme nA
KyAta BArgavane BAme
mAteyanaLida GAtuka ninage
dUtiyobbaLu bEkE raMga
dUtiyobbaLu bEkE || 6 ||
daSarathanaMdana daSamuKaBaMjana
paSupativaMdyane BAme nA
paSupati vaMdyane BAme
hasanAda EkapatnIvratadavage
sudatiyobbaLu bEkE raMga
sudatiyobbaLu bEkE || 7 ||
hadinAru sAsira nUreMTu sudatEra
badiyaliTTavane BAme nA
badiyaliTTavane BAme
hadanakke bArada mArgaMgaLyAtakke
vadana muccikoMDu pOgai raMga
vadana muccikoMDu pOgai || 8 ||
bauddharakuladalli huTTi avaraMte
mugdhara mADide BAme nA
mugdhara mADide BAme
SuddhaguNagaLella iddalligepELe
vRuddhaLu nAnalla pOgai raMga
vRuddhaLu nAnalla pOgai || 9 ||
vara turagavanEri dhareyella
carisida dorevara nAne BAme
carisida dorevara nAne
turagada cAkariyoLagiruvavanige
taruNiya BOgavu bEkE raMga
taruNiya BOgavu bEkE || 10 ||
saruva prANigaLa udaradoLiMbiTTu
SaradhiyoLmalagidava BAme nA
SaradhiyoLmalagidava BAme
dore hayavadanana caraNakkeraguta
teredaLu bAgila BAme Aga
teredaLu bAgila BAme || 11 ||
