ರಂಗ ನಿನ್ನ ಕೊಂಡಾಡುವ ಮಂಗಳಾತ್ಮರ
ಸಂಗ ಸುಖವನಿತ್ತು ಕಾಯೋ ಕರುಣಾ ಸಾಗರ |ಪಾಂಡು| ||ಪ||
ಅರಿಯರೊ ನೀನಲ್ಲದೆ ಬೇರನ್ಯ ದೇವರ ಮರೆಯರೋ |
ನೀ ಮಾಡಿದ ಅನಿಮಿತ್ತುಪಕಾರ |ಪಾಂಡು| || ೧ ||
ತೊರೆಯರೋ ನಿನ್ನಂಘ್ರಿ ಸೇವ ಪ್ರತಿವಾಸರ
ಅರಿಯರೋ ಪರತತ್ವವಲ್ಲದ ಇತರ ವಿಚಾರ |ಪಾಂಡು| || ೨ ||
ಮೂಕಬಧಿರರಂತಿಪ್ಪರೋನೋಳ್ಪ ಜನಕೆ |
ಕಾಕುಯುಕುತಿಗಳನ್ನವರು ತಾರರೋ ಮನಕೆ |ಪಾಂಡು| || ೩ ||
ಸ್ವೀಕರಿಸರೋ ದೇವ ಅನರ್ಪಿತ ಒಂದು ಕಾಲಕ್ಕೆ |
ಆ ಕೈವಲ್ಯದ ಭೋಗ ಸುಖಗಳು ಅವರಿಗೆ ಬೇಕೇ |ಪಾಂಡು| || ೪ ||
ಜಯಾಜಯಲಾಭಾಲಾಭ ಮಾನಾಪಮಾನ |
ಭಯಾಭಯ ಸುಖದುಃಖ ಲೋಷ್ಠ ಕಾಂಚನ |ಪಾಂಡು| || ೫ ||
ಪ್ರಿಯಾಪ್ರಿಯ ನಿಂದಾಸ್ತುತಿಗಳೆಲ್ಲ ಅನುದಿನ |
ಶ್ರೀಯರಸನ ಚಿಂತಿಸುವರೋ ನಿನ್ನ ಅಧೀನ |ಪಾಂಡು| || ೬ ||
ಈಶಿತವ್ಯರೆಂಬೋರೆ ಏಕಾಂತ ಭಕ್ತರು |
ದೇಶ ಕಾಲೋಚಿತ ಧರ್ಮ ಕರ್ಮಾಸಕ್ತರು |ಪಾಂಡು| || ೭ ||
ಆಶಾಕ್ರೋಧಲೋಭ ಮೋಹಪಾಶಮುಕ್ತರು |
ಈ ಸುಜನರೆಲ್ಲಾ ಶಾಪಾನುಗ್ರಹಶಕ್ತರು |ಪಾಂಡು| || ೮ ||
ಕಂಡ ಕಂಡಲ್ಲೆಲ್ಲಾ ವಿಶ್ವರೂಪಕಾಂಬರೊ
ಉಂಡು ಉಣಿಸಿದ್ದೆಲ್ಲಾ ನಿನ್ನ ಯಜ್ಞವೆಂಬರೊ |ಪಾಂಡು| || ೯ ||
ಬಂಡುಣಿಯಂದದಿ ನಾಮಾಮೃತವ ಸವಿವರೊ |
ಹೆಂಡಿರು ಮಕ್ಕಳು ನಿನ್ನ ತೊಂಡರೆಂಬರೋ |ಪಾಂಡು| || ೧೦ ||
ಬಿಡರು ತಮ್ಮ ಸ್ವಧರ್ಮಗಳೇನು ಬಂದರು |
ಬಡರು ದೈನ್ಯ ಒಬ್ಬರಿಗು ಲೋಕವಂದ್ಯರು |ಪಾಂಡು| || ೧೧ ||
ಪಿಡಿಯರು ನಿನ್ನ ದ್ವೇಷಿಗಳಿಂದೇನು ಬಂದರು |
ಕೊಡುವರು ಬೇಡಿದಿಷ್ಟಾರ್ಥ ನಿತ್ಯಾನಂದರು |ಪಾಂಡು| || ೧೨ ||
ನಗುವರೋ ರೋಧಿಸುವರೋ ನಾಟ್ಯವಾಡುವರೋ |
ಬಗೆಯರೋ ಬಡತನ ಭಾಗ್ಯ ಭಾಗವತರು |ಪಾಂಡು| || ೧೩ ||
ತೆಗೆಯರೋ ನಿನ್ನಲ್ಲಿ ಮನವನೊಮ್ಮೆಯಾದರೋ |
ಜಗನ್ನಾಥವಿಠಲ ನಿನ್ನವರೇನು ಧನ್ಯರೋ |ಪಾಂಡು| || ೧೪ ||
raMga ninna koMDADuva maMgaLAtmara
saMga suKavanittu kAyO karuNA sAgara |pAMDu| ||pa||
ariyaro nInallade bEranya dEvara mareyarO |
nI mADida animittupakAra |pAMDu| ||1||
toreyarO ninnaMGri sEve prativAsara
ariyarO paratatvavallada itara vicAra |pAMDu| ||2||
mUkabadhiraraMtipparOnOLpa janake |
kAkuyukutigaLannavaru tArarO manake |pAMDu| ||3||
svIkarisarO dEva anarpita oMdu kAlakke |
A kaivalyada BOga suKagaLu Avarige bEkE |pAMDu| ||4||
jayAjayalABAlABa mAnApamAna |
BayABaya suKaduHKa lOShTha kAMcana |pAMDu| ||5||
priyApriya niMdAstutigaLella anudina |
SrIyarasana ciMtisuvarO ninna adhIna |pAMDu| ||6||
ISitavyareMbore EkAMta Baktaru
dESa kAlOcita dharma karmAsaktaru |pAMDu| ||7||
ASAkrOdhalOBa mOhapASamuktaru |
I sujanarElla SApAnugrahaSaktaru |pAMDu| ||8||
kaMDakaMDallellA viSvarUpakAMbaro
uMDu uNisiddellA ninna yaj~javeMbaro |pAMDu| ||9||
baMDuNiyaMdadi nAmAmRutava savivaro |
heMDiru makkaLu ninna toMDareMbarO |pAMDu| ||10||
biDaru tamma svadharmagaLEnu baMdaru |
baDaru dainya obbarigu lOkavaMdyaru |pAMDu| ||11||
piDiyaru ninna dvEShigaLiMdEnu baMdaru |
koDuvaru bEDidiShTArtha nityAnaMdaru |pAMDu| ||12||
naguvarO rOdhisuvarO nATyavADuvarO |
bageyarO baDatana BAgya BAgavataru |pAMDu| ||13||
tegeyarO ninnalli manavanommeyAdarO |
jagannAthaviThala ninnavarEnu dhanyarO |pAMDu| ||14||
