ಲಕ್ಷುಮಿ ನಾರಾಯಣ ಜಯ
ಲಕ್ಷುಮಿ ನಾರಾಯಣ ||ಪ||
ಲಕ್ಷುಮಿ ನಾರಾಯಣ ನಮ್ಮ
ರಕ್ಷಿಸೋ ನಾರಾಯಣ ||ಅಪ||
ಸರ್ವಲೋಕ ಶರಣ್ಯ ಶಾಶ್ವತ
ಸರ್ವ ವಂದಿತ ಪಾದ ದಾನವ ||
ಗರ್ವಹರಣ ಗದಾಧಾರಣ
ಪರ್ವತಾರಿ ವರಪ್ರದ ||೧||
ನಂಬಿಕೊಂಡಿಹೆ ನಿನ್ನ ದಿವ್ಯ
ಪದಾಂಬುಜಗಳನು ಸರ್ವಕಾಲದಿ ||
ಅಂಬುಜಾಲಯೆ ಸಹಿತ
ಮನದೊಳಗಿಂಬುಗೊಳು ಕಮಲಾಂಬಕ ||೨||
ಆರು ಸಂಖ್ಯೆಯ ಕಳ್ಳರೆನ್ನನು
ಗಾರು ಮಾಡುವರಾದರಿಂದತಿ ||
ಧೀರ ನಿನ್ನ ಪದಾರವಿಂದಕೆ
ದೂರುವೆನು ರಘುವೀರನೇ ||೩||
ದುರ್ಮತಿಗಳಾದಸುರ ಹರಣಕೆ
ಬ್ರಹ್ಮಗರ್ಭನು ಬಂದು ತುತಿಸಲು ||
ಧರ್ಮ ಸಂಸ್ಥಾಪಿಸುತತಿಶುಭ
ಕರ್ಮ ತೋರುವ ಕರುಣಿಯೇ ||೪||
ಸಪ್ತ ಋಷಿಗಳ ಕೂಡಿಕೊಂಡತಿ
ಭಕ್ತಿಯಿಂದಲಿ ನಿನ್ನ ಭಜಿಸಿದ ||
ಸತ್ಯವ್ರತನಿಗೆ ಸಕಲ ಶ್ರುತಿಗಳ
ತತ್ತ್ವ ತಿಳಿಸಿದ ಮತ್ಸ್ಯನೇ ||೫||
ಅಮರ ದೈತ್ಯರು ಅಂಬುನಿಧಿಯೊಳು
ಭ್ರಮಣಗೊಳಿಸಲು ಮುಳುಗಿಕೊಂಡಿಹ
ಅಮಿತಗುರು ಮಂದರವ ಧರಿಸುವ
ಅಮೃತರಸ ತಂದಿತ್ತನೆ ||೬||
ಧಾತ್ರಿಯನು ಕದ್ದೊಯ್ದ ಹಾಟಕ
ನೇತ್ರನ ತೆಗೆದು ಬಿಸುಟು ವಿಧಾತೃ
ನಾಸಾಕುಹರ ಜನಿತ ಪವಿತ್ರ
ಯಜ್ಞಾವರಹನೇ ||೭||
ಹುಡುಗ ಪೇಳಿದ ಮಾತಿನಿಂದ
ಘುಡು ಘುಡಿಸಿ ಕಂಭದೊಳು ಬಂದ ||
ಸಿಡಿಲಿನಂತಿಹ ನಖದಿ ದೈತ್ಯನ
ಒಡಲ ಬಗೆದ ಕೋಪದಿಂದ ||೮||
ಮಾಣಿಯಂದದಿ ಪೋಗಿ ಭೂಮಿಯ
ದಾನಕೊಂಡಾ ನೆವನದಿ ||
ದಾನವಾಹೃತ ಧರೆಯ ಕಶ್ಯಪ
ಸೂನುಗಳಿಗೊಲಿದಿತ್ತನೇ ||೯||
ದುಷ್ಟ ಭೂಭುಜ ಭಾರದಿಂದಲಿ
ಕಷ್ಟಪಡುತಿಹ ಧರೆಯ ಕರುಣಾ
ದೃಷ್ಟಿಯಿಂದಲಿ ನೋಡಿ ಕೊಡಲಿಯ
ಪೆಟ್ಟಿನಿಂದಲಿ ನೃಪರ ಕಡಿದಾ ||೧೦||
ನೀರಜಾ ವದನಾರವಿಂದ ಮಹಾ
ರಸಾಸ್ವಾದನ ವರಕಪಿ ||
ವೀರನಿಗೆ ಸ್ವರಾಜ್ಯ ನೀಡಿದ
ಮಾರುತಿಗೆ ದಯ ಮಾಡಿದ ||೧೧||
ಬಾಲ ಲೀಲೆಯ ತೋರಿ ಗೋಪಿಕ
ಬಾಲೆಯರ ಕೂಡಾಡಿದ ||
ಖೂಳ ಕಂಸನ ಕೆಡಹಿ ದಾನವ
ಮೂಲ ಕಿತ್ತು ಬಿಸಾಡಿದ ||೧೨||
ದಾನವರ ಮೋಹಿಸುವೆನೆಂದನು
ಮಾನವಿಲ್ಲದೆ ನಗ್ನನಾಗಿ ||
ಹೀನ ಬುದ್ಧಿಯ ತಿಳಿಸಿ ತ್ರಿಪುರರ
ಹಾನಿಗೈಸಿದ ಬೌದ್ಧನೇ ||೧೩||
ಮಿಂಚ ನೋಡಿದ ಮೇಘದಂದದ
ಪಂಚವರ್ಣದ ತುರಗನೇರಿ ||
ಸಂಚರಿಸಿ ಮ್ಲೇಂಛರನು ಗೆಲಿದ ಶ್ರೀ
ಲೊಂಚಜೀವರ ವರದನೇ ||೧೪||
ಮಂಗಳಾಯುತ ನಿನ್ನ ಕರುಣಾ
ಪಾಂಗ ಸುಧೆಯನು ಕರೆದು ಶಿರದಲಿ ||
ತುಂಗ ವಿಷಯ ತರಂಗ ತಪ್ಪಿಸು
ಲಿಂಗ ಭಂಗದ ಸಿಂಗನೇ ||೧೫||
ಮಂದಿರದಿ ನೀ ಬಂದು ರಕ್ಷಿಪೆ
ಯೆಂದು ಸಕಲಾನಂದಗೊಂಡಿಹೆ ||
ಇಂದಿರೇಶನೇ ಎಂದಿಗೂ ಈ
ಅಂದದಿಂದಲಿ ನಿಂದು ಸಲಹೋ ||೧೬||
ಕೇಶವಾದಿ ಚತುರ ವಿಂಶತಿ
ಮಾಸಗಳಧಿಷ್ಠಾನ ನಿನಗೆ ||
ಪರೇಶ ಕಡೆಯಲಿ ಬರುವ ಕಾರ್ತೀಕ
ವಾಸಿ ದಾಮೋದರ ಹರೇ ||೧೭||
ಛಳಿಯೊಳೇಳುತ ಮುಳುಗಿ ಜಲದೊಳು
ಬಳಲಿ ಕರ್ಮವ ಮಾಡಲಾರೆ ||
ನಳಿನಜಾರ್ಚಿತ ನಿನ್ನ ಪಾದದ
ನೆಳಲ ನಂಬಿ ಸುಮ್ಮನಿರುವೆ ||೧೮||
ಅಖಿಳ ದೋಷ ನಿವಾರಣಾರ್ಭುತ
ಸಕಲ ಸದ್ಗುಣ ಧಾರಣ ||
ಮಕರ ಕುಂಡಲಧಾರಿ ವೇಂಕಟ
ಶಿಖರಸ್ಥಿತ ಸುಖಕಾರಣ ||೧೯||
ಪಕ್ಷಿವಾಹನವಂತೆ ನಿನಗೆ
ಸರ್ಪ ನಿನ್ನ ಶಯನವಂತೆ ||
ಮುಕ್ಕಣ್ಣಾ ಮೊಮ್ಮಗನಂತೆ
ಮುದ್ದು ಮುಖದ ಚೆಲುವನಂತೆ ||೨೦||
ಕಡಲ ಮಗಳ ಗಂಡನಂತೆ
ಕರಡಿ ಮಗಳು ಮಡದಿಯಂತೆ ||
ಹಡಗಿನಿಂದ ಬಂದೆಯಂತೆ
ಮಧ್ವಮುನಿಗೆ ಒಲಿದೆಯಂತೆ ||೨೧||
ದೇವರ ದೇವನೇ ಬಾರೋ
ದೇವಕೀ ನಂದನ ಬಾರೋ ||
ದೇವೇಂದ್ರನ ಸಲಹಿದ
ದೇವ ಬಾ ನರಹರಿಯೇ ||೨||
ಕೊಲ್ಲು ಬೇಗ ಖಳರ ಶ್ರೀ
ನಲ್ಲ ಮಧ್ವ ವಲ್ಲಭ ||
ಕೊಲ್ಲದಿದ್ದರೊಲ್ಲರಿವರು
ಕಲಿಯುಗದ ಕಳ್ಳರು ||೨೩||
ಎಲ್ಲ ಕೂಡಿ ನಿನ್ನ ಪೂಜೆಗೆ
ಕಲ್ಲು ಹಾಕುತಿರ್ದರುಗಡ ||
ಬಲ್ಲೆನವರ ಕೊಲೆಗಾರರ
ಹಲ್ಲು ಕೀಳದೆ ನಿಲ್ಲರು ||೨೪||
ಒಳ್ಳೆ ಮಾತನಾಡಲವರು
ಕೋಲಾಹಲವ ಮಾಡಿ ಬೈವರು ||
ಗೆಲುವ ಶಕ್ತಿ ಇಲ್ಲ ನಮಗೆ
ಬಲ್ಲೆ ನೀ ಮಧ್ವಗೊಲಿದವನೇ ||೨೫||
ಕಳ್ಳತನವನೊಲ್ಲೆನೆಂಬರು
ಮುಳ್ಳು ಮೊನೆಯಂತೆ ಹಾಯ್ವರು ||
ಚೆಲುವ ಹಯವದನ ಅವರ
ಕೊಲ್ಲು ಕೊಲ್ಲು ನಮ್ಮ ಗೆಲಿಸು ||೨೬||
lakShumi nArAyaNa jaya
lakShumi nArAyaNa ||pa||
lakShumi nArAyaNa namma
rakShisO nArAyaNa ||apa||
sarvalOka SaraNya shAshvata
sarva vaMdita pAda dAnava ||
garvaharaNa gadAdhAraNa
parvatAri varaprada ||1||
naMbikoMDihe ninna divya
padAMbujagaLanu sarvakAladi ||
aMbujAlaye sahita
manadoLagiMbugoLu kamalAMbaka ||2||
Aru saMKyeya kaLLarennanu
gAru mADuvarAdariMdati ||
dhIra ninna padAraviMdake
dUruvenu raGuvIranE ||3||
durmatigaLAdasura haraNake
brahmagarBanu baMdu tutisalu ||
dharma saMsthApisutatiSuBa
karma tOruva karuNiyE ||4||
sapta RuShigaLa kUDikoMDati
BaktiyiMdali ninna Bajisida ||
satyavratanige sakala SrutigaLa
tattva tiLisida matsyanE ||5||
amara daityaru aMbunidhiyoLu
BramaNagoLisalu muLugikoMDiha
amitaguru maMdarava dharisuva
amRutarasa taMdittane ||6||
dhAtriyanu kaddoyda hATaka
nEtrana tegedu bisuTu vidhAtRu
nAsAkuhara janita pavitra
yaj~jAvarahanE ||7||
huDuga pELida mAtiniMda
GuDu GuDisi kaMbhadoLu baMda ||
siDilinaMtiha naKadi daityana
oDala bageda kOpadiMda ||8||
mANiyaMdadi pOgi BUmiya
dAnakoMDA nevanadi ||
dAnavAhRuta dhareya kashyapa
sUnugaLigolidittanE ||9||
duShTa bhUbhuja BAradiMdali
kaShTapaDutiha dhareya karuNA
dRuShTiyiMdali nODi koDaliya
peTTiniMdali nRupara kaDidA ||10||
nIrajA vadanAraviMda mahA
rasaasvAdana varakapi ||
vIranige svarAjya nIDida
mArutige daya mADida ||11||
bAla lIleya tOri gOpika
bAleyara kUDADida ||
KULa kaMsana keDahi dAnava
mUla kittu bisADida ||12||
dAnavara mOhisuveneMdanu
mAnavillade nagnanAgi ||
hIna buddhiya tiLisi tripurara
hAnigaisida bauddhanE ||13||
miMca nODida mEGadaMdada
paMcavarNada turaganEri ||
saMcarisi mlEMCaranu gelida SrI
loMcajIvara varadanE ||14||
maMgaLAyuta ninna karuNA
pAMga sudheyanu karedu Siradali ||
tuMga viShaya taraMga tappisu
liMga BaMgada siMganE ||15||
maMdiradi nI baMdu rakShipe
yeMdu sakalAnaMdagoMDihe ||
iMdirESanE eMdigU I
aMdadiMdali niMdu salahO ||16||
kESavAdi catura viMSati
mAsagaLadhiShThaana ninage ||
parESa kaDeyali baruva kArtIka
vAsi dAmOdara harE ||17||
ChaLiyoLELuta muLugi jaladoLu
baLali karmava mADalAre ||
naLinajaarcita ninna pAdada
neLala naMbi summaniruve ||18||
aKiLa dOSha nivAraNArbhuta
sakala sadguNa dhAraNa ||
makara kuMDaladhAri vEMkaTa
shiKarasthita suKakAraNa ||19||
pakShivAhanavaMte ninage
sarpa ninna SayanavaMte ||
mukkaNNaa mommaganaMte
muddu muKada celuvanaMte ||20||
kaDala magaLa gaMDanaMte
karaDi magaLu maDadiyaMte ||
haDaginiMda baMdeyaMte
madhvamunige olideyaMte ||21||
dEvara dEvanE bArO
dEvakI naMdana bArO ||
dEvEMdrana salahida
dEva bA narahariyE ||2||
kollu bEga KaLara SrI
nalla madhva vallaBa ||
kolladiddarollarivaru
kaliyugada kaLLaru ||23||
ella kUDi ninna pUjege
kallu hAkutirdarugaDa ||
ballenavara kolegArara
hallu kILade nillaru ||24||
oLLe mAtanADalavaru
kOlAhalava mADi baivaru ||
geluva Sakti illa namage
balle nI madhvagolidavanE ||25||
kaLLatanavanolleneMbaru
muLLu moneyaMte hAyvaru ||
celuva hayavadana avara
kollu kollu namma gelisu ||26||
