ಕಪಿಲ ಸುಳಾದಿ
ಸಿದ್ಧಿದಾಯಕ ಶಿಷ್ಯಜನಪರಿಪಾಲ ಪರಮ
ಶುದ್ಧಾತ್ಮ ಸುಗುಣಸಾಂದ್ರ ಸುಖವಾರಿಧಿ
ನಿದ್ರಾರಹಿತ ನಿದ್ರಾರಮಣ ನಿರ್ವಿಕಾರ
ಚಿದ್ದೇಹ ಸರ್ವಕಾಲ ಸುಂದರಸಾರ
ಪದ್ಮಸಂಭವ ಬಲಿಪ್ರಕ್ಷಾಲಿತ ಪಾದ ಮಹಾ
ಹೃದ್ರೋಗನಾಶ ವೈಕುಂಠವಾಸ
ವಿದ್ಯಾತೀತ ವಿಶ್ವನಾಟಕ ನಾರಾಯಣ
ವಿದ್ಯಾಉದ್ಧಾರಕ ಉದಧಿಸದನ
ಸಿದ್ಧಾದಿವಿನುತ ಸಂತತಪಾತಾಳವಾಸಿ
ಬುದ್ಧಿವಿಶಾಲಮಹಿಮ ಪಾಪಹಾರಿ
ಖದ್ಯೋತವರ್ಣ ಸಕಲವ್ಯಾಪ್ತ ಆಕಾಶ ಅಮಿತ
ಬದ್ಧವಿಚ್ಛೇದ ನಾನಾ ರೂಪಾತ್ಮಕ
ಅದ್ವೈತಕಾಯ ಮಾಯಾರಮಣ ರಾಜೀವನೇತ್ರ
ಅದ್ವಯ ಅನಾದಿಪುರುಷ ಚಿತ್ರ
ಕರ್ದಮಮುನಿಸೂನು ವಿಜಯವಿಠ್ಠಲ ಕಪಿಲ
ನಿರ್ದೋಷ ಕರುಣಾಬ್ಧಿ ಸರ್ವರಾಧಾರಿ || ೧ ||
ಆದಿಮನ್ವಂತರದಿ ಜನಿಸಿದ ಮಹದೈವ
ಆದಿಪರಬೊಮ್ಮ ಬೊಮ್ಮನಯ್ಯ ಜೀಯ
ಸಾಧುಜನರ ಪ್ರಿಯ ಸಂತತಮುನಿತಿಲಕ
ಬೋಧಶರೀರ ಭಕುತರ ಮನೋಹರ ಹರಿ
ಮಾಧವ ಸಿರಿ ವಿಜಯವಿಠ್ಠಲ ವಿಮಲೇಶ
ಮೋದಮತಿಯ ಕೊಡುವ ಕಪಿಲ ಭಗವನ್ಮೂರ್ತಿ || ೨ ||
ಘನ ಮಹಿಮ ಗೌಣಾಂಡದೊಳಗೆ ಲೀಲೆಯಿಂದ
ಜನಿಸಿ ಮೆರೆದೆ ಬಿಂದು ಸರೋವರದಲ್ಲಿ
ಮಿನುಗುವ ದ್ವಯಹಸ್ತ ಅಪ್ರಾಕೃತಕಾಯ
ಇನನಂತೆ ಒಪ್ಪುವ ಶಿರೋರುಹವೋ
ಕನಕ ಪುತ್ಥಳಿಯಂತೆ ಕಾಂತಿ ತ್ರಿಭುವನಕ್ಕೆ
ಅನವರತ ತುಂಬಿ ಸೂಸುತಲಿದಕೋ
ಜನನಿ ದೇವಹೂತಿಗೆ ಉಪದೇಶವನು ಮಾಡಿ
ಗುಣ ಮೊದಲಾದ ತತ್ವವ ತಿಳಿಸಿದೆ
ತನುವಿನೊಳಗೆ ನೀನೇ ತಿಳಿದು ತಿಳಿದೇ ನಿತ್ಯ
ಜನರನ್ನು ಪಾಲಿಸುವ ಕಪಿಲಾಖ್ಯನೆ
ಅನುದಿನದಿ ನಿನ್ನ ಧ್ಯಾನವಮಾಡಿ ಮಣಿಯಿಂದ
ಎಣಿಸುವ ಸುಜನಕ್ಕೆ ಜ್ಞಾನ ಕೊಡುವೆ
ಎಣೆಗಾಣೆ ನಿನ್ನ ಲೋಚನದ ಶಕ್ತಿಗೆ ಸಗರ
ಜನಪನಂದನರನ್ನು ಭಂಗಿಸಿದೆ
ಅನುಮಾನವಿದಕಿಲ್ಲ ನಿನ್ನ ನಂಬಿದ ಮೂಢ
ಮನುಜನಿಗೆ ಮಹಾಪದವಿ ಬರುವುದಯ್ಯ
ಮುನಿಕುಲೋತ್ತಮ ಕಪಿಲ ವಿಜಯವಿಠ್ಠಲರೇಯ
ಎನಗೆ ಯೋಗಮಾರ್ಗವನು ತೋರೋ ತವಕದಿಂದ || ೩ ||
ಕಪಿಲ ಕಪಿಲಯೆಂದು ಪ್ರಾತಃಕಾಲದಲೆದ್ದು
ಸಪುತ ಸಾರಿಗೆಯಲ್ಲಿ ನುಡಿದ ಮಾನವನಿಗೆ
ಅಪಜಯ ಮೊದಲಾದ ಕ್ಲೇಶಗಳೊಂದಿಲ್ಲ
ಅಪರಿಮಿತ ಸೌಖ್ಯ ಅವನ ಕುಲಕೋಟಿಗೆ
ಗುಪುತನಾಮವಿದು ಮನದೊಳಗಿಡುವುದು
ಕಪಟಜೀವರು ಈತನು ಒಬ್ಬ ಋಷಿಯೆಂದು
ತಪಿಸುವರು ಕಾಣೋ ನಿತ್ಯನರಕದಲ್ಲಿ
ಕೃಪಣವತ್ಸಲ ನಮ್ಮ ವಿಜಯವಿಠ್ಠಲರೇಯ
ಕಪಿಲಾವತಾರವನು ಬಲ್ಲವಗೆ ಬಲುಸುಲಭ || ೪ ||
ಬಲಹಸ್ತದಲ್ಲಿ ಯಜ್ಞಶಾಲೆಯಲ್ಲಿ ಕಂ-
ಗಳ ಕಪ್ಪಿನಲಿ ಹೃದಯಸ್ಥಾನ, ನಾಭಿಯಲ್ಲಿ
ಜಲದಿ ಗಂಗಾಸಂಗಮದಲ್ಲಿ ಗಮನದಲ್ಲಿ
ತುಲಸಿಪತ್ರದಲ್ಲಿ ತುರಗ ತುರುವಿನಲ್ಲಿ
ಮಲಗುವ ಮನೆಯಲ್ಲಿ ನೈವೇದ್ಯ ಸಮಯದಲ್ಲಿ
ಬಲು ಕರ್ಮಬಂಧಗಳು ಮೋಚಕವಾಗುವಲ್ಲಿ
ಚೆಲುವನಾದವನಲ್ಲಿ ವಿದ್ಯೆ ಪೇಳುವನಲ್ಲಿ
ಫಲದಲ್ಲಿ ಪ್ರತಿಕೂಲವಿಲ್ಲದ ಸ್ಥಳದಲ್ಲಿ
ಬೆಳೆದ ದರ್ಭೆಗಳಲ್ಲಿ ಅಗ್ನಿಯಲ್ಲಿ ಹರಿವ
ಜಲದಲ್ಲಿ ಜಾಂಬುದ ನದಿಯಲ್ಲಿ ಶ್ಲೋಕದಲ್ಲಿ
ಬಲಿಮುಖ ಬಳಗದಲ್ಲಿ ಆಚಾರಶೀಲನಲ್ಲಿ
ಘಳಿಗೆ ಆರಂಭದಲ್ಲಿ ಪಶ್ಚಿಮ ಭಾಗದಲ್ಲಿ
ಪೊಳೆವ ಮಿಂಚಿನಲಿ ಬಂಗಾರದಲಿ ಇನಿತು
ಕಾಲಕಾಲಕ್ಕೆ ಬಿಡದೆ ಸ್ಮರಿಸು ಕಪಿಲಪರಮಾತ್ಮನ್ನ
ಗೆಲುವುಂಟು ನಿನಗೆಲವೋ ಸಂಸಾರದಿಂದ ವೇಗ
ಕಲಿಯುಗದೊಳಗಿದೆ ಕೊಂಡಾಡಿದವರಿಗೆ
ಖಳರ ಅಂಜಿಕೆಯಿಲ್ಲ ನಿಂದಲ್ಲಿ ಶುಭ ಯೋಗ
ಬಲವೈರಿನುತ ನಮ್ಮ ವಿಜಯವಿಠ್ಠಲರೇಯ
ಇಳೆಯೊಳಗೆ ಕಪಿಲಾವತಾರನಾಗಿ ನಮ್ಮ ಭಾರ ವಹಿಸಿದ || ೫ ||
ತಮ ಪರಿಚ್ಛೇಧ ಈತನ ಸ್ಮರಣೆ ನೋಡು
ಹೃತ್ಕಮಲದೊಳಗೆ ವಿಜಯವಿಠ್ಠಲನ ಚರಣಾಬ್ಜ || ೬ ||
Kapila Suladi
siddhidaayaka shiShyajanaparipaala parama
SuddhAtma suguNasAMdra suKavAridhi
nidrArahita nidrAramaNa nirvikAra
ciddEha sarvakAla suMdarasAra
padmasaMBava baliprakShAlita pAda mahA
hRudrOganASa vaikuMThavAsa
vidyAtIta viSvanATaka nArAyaNa
vidyAuddhAraka udadhisadana
siddhAdivinuta saMtatapAtALavAsi
buddhiviSAlamahima pApahAri
KadyOtavarNa sakalavyApta AkASa amita
baddhavichChEda nAnA rUpAtmaka
advaitakAya mAyAramaNa rAjIvanEtra
advaya anAdipuruSha chitra
kardamamunisUnu vijayaviThThala kapila
nirdOSha karuNAbdhi sarvarAdhAri || 1 ||
AdimanvaMtaradi janisida mahadaiva
Adiparabomma bommanayya jIya
sAdhujanara priya saMtatamunitilaka
bOdhaSarIra Bakutara manOhara hari
mAdhava siri vijayaviThThala vimalESa
mOdamatiya koDuva kapila BagavanmUrti || 2 ||
Gana mahima gauNAMDadoLage lIleyiMda
janisi merede biMdu sarOvaradalli
minuguva dvayahasta aprAkRutakAya
inanaMte oppuva SirOruhavO
kanaka putthaLiyaMte kAMti triBuvanakke
anavarata tuMbi sUsutalidakO
janani dEvahUtige upadESavanu mADi
guNa modalAda tatvava tiLiside
tanuvinoLage nInE tiLidu tiLidE nitya
janarannu pAlisuva kapilAKyane
anudinadi ninna dhyAnavamADi maNiyiMda
eNisuva sujanakke jnAna koDuve
eNegANe ninna lOcanada Saktige sagara
janapanaMdanarannu BaMgiside
anumAnavidakilla ninna naMbida mUDha
manujanige mahApadavi baruvudayya
munikulOttama kapila vijayaviThThalarEya
enage yOgamArgavanu tOrO tavakadiMda || 3 ||
kapila kapilayeMdu prAtaHkAladaleddu
saputa sArigeyalli nuDida mAnavanige
apajaya modalAda klESagaLoMdilla
aparimita sauKya avana kulakOTige
guputanAmavidu manadoLagiDuvudu
kapaTajIvaru Itanu obba RuShiyeMdu
tapisuvaru kANO nityanarakadalli
kRupaNavatsala namma vijayaviThThalarEya
kapilaavatAravanu ballavage balusulaBa || 4 ||
balahastadalli yajnaSAleyalli kaM-
gaLa kappinali hRudayasthaana, nABiyalli
jaladi gaMgAsaMgamadalli gamanadalli
tulasipatradalli turaga turuvinalli
malaguva maneyalli naivEdya samayadalli
balu karmabaMdhagaLu mOcakavAguvalli
celuvanAdavanalli vidye pELuvanalli
Paladalli pratikUlavillada sthaLadalli
beLeda darBegaLalli agniyalli hariva
jaladalli jAMbuda nadiyalli SlOkadalli
balimuKa baLagadalli AcAraSIlanalli
GaLige AraMbhadalli pashcima bhaagadalli
poLeva miMcinali baMgAradali initu
kAlakAlakke biDade smarisu kapilaparamAtmanna
geluvuMTu ninagelavO saMsAradiMda vEga
kaliyugadoLagide koMDADidavarige
KaLara aMjikeyilla niMdalli SuBa yOga
balavairinuta namma vijayaviThThalarEya
iLeyoLage kapilAvatAranAgi namma BAra vahisida || 5 ||
tama parichChEdha Itana smaraNe nODu
hRutkamaladoLage vijayaviThThalana caraNAbja || 6 ||
