ದ್ರೌಪದಿ ವಸ್ತ್ರಾಪಹರಣ
ವಾಸುದೇವಾಯ ನಮೋ ||ಪ||
ವಾಸುದೇವಾಯ ನಮೋ ವಾಸುಕೀ ಶಯನಾಯ ವಾಸವಾದ್ಯಖಿಳ ಸುರನಮಿತ ಚರಣಾಂಭೋಜ
ಭೂಸುರ ಪ್ರಿಯ ಭಜಕ ಪೋಷಕನೆ ರಕ್ಷಿಪುದು ಅನಾಥ ಬಂಧೋ ||ಅಪ||
ಶುಂಡಾಲ ಪುರದೊಳಗೆ ದುರುಳ ದುರ್ಯೋಧನನು ಪಾಂಡು ನಂದನರೊಡನೆ ಕಪಟ ಜೂಜವನಾಡಿ
ಗಂಡರೈವರ ಮುಂದೆ ದ್ರುಪದ ಸುತೆಯಳ ಸೆರಗ ಲಂಡ ದುಶ್ಯಾಸನ ಪಿಡಿದು ಅಂಡಲೆದು
ಸೂರತಿಯ ಸೆಳೆಯುತಿರೆ ದ್ರೌಪದಿಯ ಕಂಡು ಮನದೊಳು ಬೆದರಿ ಪರಮಾತ್ಮ ಪರಿಪೂರ್ಣ
ಪುಂಡರೀಕಾಕ್ಷ ರಕ್ಷಿಸು ಎಂದು ಮೊರೆಯಿಟ್ಟಳಂಡಜ ತುರಂಗಗಾಗ ||೧||
ಪತಿಗಳೈವರು ಸತ್ಯವ್ರತದಿ ಸುಮ್ಮನೆ ಇಹರು ಅತಿ ಕ್ಲೇಶಗೊಳುತಿಹರು
ವಿದುರ ಭೀಷ್ಮಾದಿಗಳು ಸುತರ ಮೇಲಣ ಮೋಹದಿಂದಂಜಿ ಸುಮ್ಮನಿಹ ಗತಲೋಚನದ ಮಾವನು
ಕುತಕದಲ್ಲಿಹರು ನೃಪ ಶಕುನಿ ಕರ್ಣಾದಿಗಳು ಹಿತವ ಚಿಂತಿಪರಾರು
ಈ ನೆರೆದ ಸಭೆಯೊಳಗೆ ಗತಿಯಿಲ್ಲದವರಿಗೆ ಸದ್ಗತಿ ನೀನೆ ಜಗದೊಳಗೆ ರತಿಪತಿಯ ಪಿತನೆ ಸಲಹೋ ||೨||
ಅತ್ತೆಯಲ್ಲವೆ ಎನಗೆ ಗಾಂಧಾರಿ ದೇವಿಯೆ ಮೃತ್ಯುವಂತಳೆವನಿವ ಬಿಡಿಸ ಬಾರದೆ ತಾಯೆ
ಉತ್ತಮಳು ನೀನು ಎಲೆ ಭಾನುಮತಿ ನೆಗೆಹೆಣ್ಣೆ ಇತ್ತ ದಯಮಾಡಿ ನೋಡೆ
ಸುತ್ತ ನೆರೆದಿಹ ಸಭೆಯ ಪರಿವಾರದವರೆಲ್ಲ ಪೆತ್ತುದಿಲ್ಲವೆ ಎನ್ನ ಪೋಲ್ವ ಪೆಣ್ಮಕ್ಕಳನು
ಹುತ್ತದೊಳು ಬಿದ್ದಂತ ಹಾವು ಸಾಯಲು ಬಹುದೆ ತತ್ವಬಾಹಿರರಾದಿರೆ ||೩||
ಆರಿಗೊದರಿದರೆನ್ನ ದೂರು ಕೇಳುವರಾರು ಪಾರುಗಾಣಿಸುವರ ಕಾಣೆ ನಾನಿದರೊಳಗೆ ಸಾರಿದರೆ
ಪೊರೆವ ಕಂಸಾರಿ ನೀನಲ್ಲದಿನ್ನಾರು ಎನಗಾಪ್ತ ಬಂಧು
ಮಾರಿದರು ಧರ್ಮದೇವತೆಗೆನ್ನ ವಲ್ಲಭರು ಭಾರ ನಿನ್ನದು ಎಂದು ನಂಬಿದ ಅನಾಥಳನು
ಕ್ಷೀರದೊಳಗದ್ದು ನೀರೊಳಗದ್ದು ಗತಿ ನೀನೇ ನಾರಾಯಣನೇ ರಕ್ಷಿಸು ||೪||
ಪಾವಕನ ಉರಿಯೊಳಗೆ ಹೊಕ್ಕು ಹೊರಡಲುಬಹುದು ಹಾವುಗಳ ಹೆಡೆಹಿಡಿದು ಎಳೆದೆಳೆದುತರಬಹುದು
ತೀವಿರ್ದ ಮಡುವ ಧುಮುಕಲಿ ಬಹುದು ಗರಳವನು ಸೇವಿಸಲಿ ಬಹುದು
ಜಗದಿ ಸಾವಿಗಂಜದೆ ಕೊರಳ ಕತ್ತರಿಸಿಕೊಳಬಹುದು ಜೀವವಿದ್ದಂತೆ ಲಜ್ಜೆಯ ತೊರೆಯಲಾರೆನೈ |
ಆವಪರಿಯಲಿ ನಿನ್ನ ನಂಬಿದ ಅನಾಥಳನು ದೇವಾಭಿಮಾನವ ಕಾಯೋ || ೫ ||
ಅಸುರ ಬೆನ್ನಟ್ಟಿ ಬರೆ ಪಶುಪತಿಯ ರಕ್ಷಿಸಿದೆ | ಋಷಿ ಶಾಪವ ಪರಿಯ ಅಂಬರೀಷನ ಕಾಯ್ದೆ |
ವಸುಧೆಯೊಳಗೆ ಕಲ್ಲಾಗಿ ಬಿದ್ದ ಅಹಲ್ಯೆಯ ಪೊರೆದೆ ಶಿಶು ಪ್ರಹ್ಲಾದಗೊಲಿದೆ |
ಹಸುಳೆ ಧ್ರುವರಾಯಂಗೆ ಹೆಸರುಳ್ಳ ಪದವಿತ್ತೆ || ದಶಕಂಠನನುಜಂಗೆ ಸ್ಥಿರ ಪಟ್ಟವನು ಕೊಟ್ಟೆ |
ಹೆಸರುಗೊಂಡರೆ ಮಗನ ಅಜಮಿಳನ ರಕ್ಷಿಸಿದೆ | ವಸುದೇವ ಸುತನೆ ಸಲಹೊ || ೬ ||
ಲಕ್ಷ್ಮೀ ಮನೋಹರನೆ ಇಕ್ಷುಚಾಪನ ಪಿತನೆ | ಯಕ್ಷ ಗಂಧರ್ವ ಅಮರೇಂದ್ರ ಮುನಿ ವಂದಿತನೆ |
ಅಕ್ಷಯನೆ ಆಟದಲಿ ಜಗವ ಪಾಲಿಸುತಿಹನೆ |
ಅಕ್ಷಾಸುರಾಂತಕನೆ ಅಜಪದವಿಯ ನಿತ್ತವನೆ | ದಕ್ಷಸುತೆ ಪತಿ ಸಖನೆ ಪಕ್ಷಿವಾಹನ
ದೇವ ರಕ್ಷಿಸು ಅನಾಥ ಬಂಧು || ೭ ||
ತಂದೆತಾಯಿಯು ನೀನೇ ಬಂಧು ಬಳಗವು ನೀನೆ | ಇಂದೆನ್ನ ಕುಲ ಸ್ವಾಮಿ ಗುರು ಪಿತಾಮಹ ನೀನೆ |
ಎಂದು ನಂಬಿದೆ ಎನ್ನ ಮಾನಾಭಿಮಾನದ ಮುಕುಂದ
ನಿನಗೊಪ್ಪಿಸಿದೆನು ಕೊಂದರೊಳ್ಳಿತು ನೀನೇ ಕಾಯ್ದರೊಳ್ಳಿತು ನೀನೆ ಎಂದು ಕಂಗಳ ಮುಚ್ಚಿ ಕರತಳಂಗಳ ನೆಗಹಿ
ಇಂದು ಪ್ರಾಣವ ಬಿಡುವೆನೆಂದು ನಿಶ್ಚಯಿಸಿ ಗೋವಿಂದ ಎಂದಳು ಮೃಗಾಕ್ಷಿ || ೮ ||
ಇಂತೆಂದು ದ್ರೌಪದಿಯು ಮೊರೆ ಇಡುವುದನು ಕೇಳಿ ಅಂತರಾತ್ಮಕ ಕೃಷ್ಣ ದ್ವಾರಕ ಪುರದೊಳಗೆ |
ಕಾಂತೆ ರುಕ್ಮಿಣಿ ಸತ್ಯ ಭಾಮೆಯ ಮಧ್ಯದಲಿ ಏಕಾಂತ ಭವನದೊಳು ಕುಳಿತು ||
ಕುಂತಿ ನಂದನರ ಸತಿಯುಟ್ಟುದಕ್ಷಯವಾಗಿ ಸಂತೋಷಗೊಳಲೆಂದು ವರವಿತ್ತ ಶ್ರೀ ಕೃಷ್ಣ |
ಎಂತುಂಟೋ ಹರಿ ಕರುಣ ನೆನೆವ ಭಕ್ತರ ಮೇಲನಂತ ವಸ್ತ್ರಗಳಾದುವು || ೯ ||
ಸೆಳೆಯುತಿರ್ದನು ಖಳನು ಬೆಳೆಯುತಿರ್ದುದು ಸೀರೆ ಪೊಳೆವ ಪೊಂಬಟ್ಟೆ ನಾನಾ ವಿಚಿತ್ರದ ಬಣ್ಣ ||
ಹೊಳಲು ತುಂಬುವ ತೆರದಿ ಸೆಳೆಸೆಳೆದು ಪಾಪಾತ್ಮ ಬಳಲಿ ಇಳೆಯೊಳಗೊರಗಿದ ||
ಕಳೆಯು ಕುಂದಿತು ಮೋರೆ ಕರ್ಣ ದುರ್ಯೋಧನರ ಬಳಿಯ ನಿಂತಿರ್ದ ದೂತರ ಕರೆದು ನೇಮಿಸಿದ
ತಳುಹದಿ ವಸ್ತ್ರಗಳ ಬೊಕ್ಕಸಕೆನಲು ನಳಿನಮುಖಿ ತಿಳಿದಳಾಗ || ೧೦ ||
ಸಿಟ್ಟಿನಲಿ ದ್ರೌಪದಿಯು ಕಣ್ತೆರೆದು ನೋಡಲಾ | ಬೆಟ್ಟದಂತೊಟ್ಟಿರ್ದ ವಸ್ತ್ರರಾಶಿಗಳೆಲ್ಲ |
ಸುಟ್ಟಗ್ನಿ ಹೊರ ಸೂಸಿ ನೆಟ್ಟನಾ ರಾಜಗೃಹ ಥಟ್ಟನಾಹುತಿಗೊಂಡಿತು |
ಕೊಟ್ಟಳೈ ಶಾಪವನು ಕಮಲ ಮುಖಿ ಕುರುಪತಿಗೆ ಕಟ್ಟಾಳು ಭೀಮಸೇನನ ಗದೆಯು ರಣದಲ್ಲಿ
ಕುಟ್ಟಿ ಬಿಸುಡಲಿ ನಿನ್ನ ತೊಡೆಗಳೆರಡನು ಎಂದು ಇಟ್ಟ ನುಡಿ ತಪ್ಪಲುಂಟೆ || ೧೧ ||
ಮೂಡಿದವು ಪ್ರತಿಸೂರ್ಯ ಧೂಮಕೇತುಗಳು ಓಡಾಡಿದವು ಗಗನದೊಳು ಹದ್ದು ಕಾಗೆಗಳು |
ಕೂಗಾಡಿದವು ಮೃಗಜಾತಿ ಚಲಿಸಿದವು ಶಿಲೆ ಪ್ರತಿಮೆ ರೂಢಿ ಗಡಗಡ ನಡುಗಿತು ||
ಕೂಡಿ ತೀಡಿದವು ನಕ್ಷತ್ರಗಳು ದಿವದಿ ಮಾತಾಡಿದವು ಅಶರೀರ ವಾಕ್ಯಗಳು ಪುರಜನರು ಕೇಡು
ಕೌರವಗಾಗದಿರದೆಂದು ನಿಶ್ಚಯಿಸಿ ಓಡಿ ಮನೆಗಳ ಪೊಕ್ಕರು || ೧೨ ||
ಹರುಷ ಭಟ್ಟರು ಮನದಿ ವಿದುರ ಭೀಷ್ಮಾದಿಗಳು ಸುರರು ನಾರದರೆಲ್ಲ ನೆರೆದರಂಬರದಲ್ಲಿ |
ಹರಸಿ ಜಯ ಜಯವೆಂದು ದ್ರೌಪದಿಯ ಸಿರಿ ಮುಡಿಗೆ ಸುರಿಸಿದರು ಹೂ ಮಳೆಗಳಾ ||
ಹರಿಯ ನಾಮಾವಳಿಯ ಪೊಗಳುತಲಿ ದಿವಿಜೇಂದ್ರ | ಮರಳಿ ಪೋದನು ತನ್ನ ಪಟ್ಟಣಕೆ ಧರೆಯೊಳಗೆ |
ಹರಿಯ ನೆನೆದವರೇನು ಧನ್ಯರೋ ದ್ರೌಪದಿಯ ಹರಿಯ ನಾಮವೇ ಕಾಯಿತು || ೧೩ ||
ಶ್ರೀವಾಸುದೇವನಾಜ್ಞಾಪಿಸಿದ ರುಕ್ಮಿಣಿಗೆ ದೇವಿ ಕೇಳೆನ್ನ ಭಾಷೆಯ ಮುಂದೆ ಅರ್ಜುನಗೆ |
ನಾವೇ ಸಾರಥಿಯಾಗಿ ಸಲಹುವೆವು ಅವರೆಮ್ಮ ಜೀವ ಪಾಂಡವರೆಂದನು |
ಆವನಿದನುದಯಕಾಲದೊಳೆದ್ದು ಭಕುತಿಯಲಿ | ಭಾವ ಶುದ್ಧಿಯಲೋದಿ ಭಜನೆ ಮಾಳ್ಪನೋ
ಅವನ ಸಾವಿರ ಜನ್ಮಗಳ ಸಂಚಿತಘರಾಶಿಗಳು ತಾವೇ ಹತವಹುದು ದಿಟವೋ || ೧೪ ||
ಮಂಗಳಂ ಝಷಕೂರ್ಮ ಕಿಟಿ ನೃಹರಿ ವಾಮನಗೆ ಮಂಗಳಂ ಭಾರ್ಗವಗೆ ರಘುರಾಮ ಕೃಷ್ಣನಿಗೆ |
ಮಂಗಳಂ ಬುದ್ಧ ಕಲ್ಕ್ಯಾದಿ ಅವತಾರನಿಗೆ ಮಂಗಳಂ ಕರುಣ ನಿಧಿಗೆ
ಮಂಗಳಂ ಶತಕೋಟಿ ಸೂರ್ಯ ಪ್ರಕಾಶನಿಗೆ | ಮಂಗಳಂ ದ್ರೌಪದಿಯ ಮಾನವನು ಕಾಯ್ದವಗೆ |
ಮಂಗಳಂ ಶ್ರೀಯರಸ ಪುರಂದರ ವಿಠಲಗೆ ಮಂಗಳಂ ಜಯ ಮಂಗಳಂ || ೧೫ ||
Draupadi Vastrapaharana
vaasudEvAya namO ||pa||
vaasudEvAya namO vAsukI shayanAya vaasavaadyakhiLa suranamita charaNAMbhOja
bhUsura priya bhajaka pOShakane rakShipudu anaatha baMdhO ||apa||
shuMDAla puradoLage duruLa duryOdhananu paaMDu naMdanaroDane kapaTa jUjavanaaDi
gaMDaraivara muMde drupada suteyaLa seraga laMDa dushyaasana piDidu aMDaledu
sUratiya seLeyutire droupadiya kaMDu manadoLu bedari paramaatma paripUrNa
puMDarIkaakSha rakShisu eMdu moreyiTTaLaMDaja turaMgagaaga ||1||
patigaLaivaru satyavratadi summane iharu ati klEshagoLutiharu
vidura bhIShmaadigaLu sutara mElaNa mOhadiMdaMji summaniha gatalOchanada maavanu
kutakadalliharu nRupa shakuni karNaadigaLu hitava chiMtiparaaru
I nereda sabheyoLage gatiyilladavarige sadgati nIne jagadoLage ratipatiya pitane salahO ||2||
atteyallave enage gaaMdhaari dEviye mRutyuvaMtaLevaniva biDisa baarade taaye
uttamaLu nInu ele bhaanumati negeheNNe itta dayamaaDi nODe
sutta nerediha sabheya parivaaradavarella pettudillave enna pOlva peNmakkaLanu
huttadoLu biddaMta haavu saayalu bahude tatvabaahiraraadire ||3||
aarigodaridarenna dUru kELuvaraaru paarugaaNisuvara kaaNe naanidaroLage saaridare
poreva kaMsaari nInalladinnaaru enagaapta baMdhu
maaridaru dharmadEvategenna vallabharu bhaara ninnadu eMdu naMbida anaathaLanu
kSheeradoLagaddu neeroLagaddu gati nInE naaraayaNanE rakShisu ||4||
paavakana uriyoLage hokku horaDalubahudu haavugaLa heDehiDidu eLedeLedutarabahudu
tIvirda maDuva dhumukali bahudu garaLavanu sEvisali bahudu
jagadi saavigaMjade koraLa kattarisikoLabahudu jIvaviddaMte lajjeya toreyalaarenai |
Avapariyali ninna naMbida anaathaLanu dEvaabhimaanava kaayO || 5 ||
asura bennaTTi bare pashupatiya rakShiside | RuShi shaapava pariya aMbarIShana kaayde |
vasudheyoLage kallaagi bidda ahalyeya porede shishu prahlaadagolide |
hasuLe dhruvaraayaMge hesaruLLa padavitte || dashakaMThananujaMge sthira paTTavanu koTTe |
hesarugoMDare magana ajamiLana rakShiside | vasudEva sutane salaho || 6 ||
lakShmI manOharane ikShucaapana pitane | yakSha gaMdharva amarEMdra muni vaMditane |
akShayane ATadali jagava paalisutihane |
akShaasuraaMtakane ajapadaviya nittavane | dakShasute pati saKane pakShivaahana
dEva rakShisu anaatha baMdhu || 7 ||
taMdetaayiyu nInE baMdhu baLagavu nIne | iMdenna kula svaami guru pitaamaha nIne |
eMdu naMbide enna maanaabhimaanada mukuMda
ninagoppisidenu koMdaroLLitu nInE kaaydaroLLitu nIne eMdu kaMgaLa mucci karataLaMgaLa negahi
iMdu praaNava biDuveneMdu nishcayisi gOviMda eMdaLu mRugaakShi || 8 ||
iMteMdu droupadiyu more iDuvudanu kELi aMtaraatmaka kRuShNa dvaaraka puradoLage |
kaaMte rukmiNi satya bhaameya madhyadali EkaaMta bhavanadoLu kuLitu ||
kuMti naMdanara satiyuTTudakShayavaagi saMtOShagoLaleMdu varavitta shrI kRuShNa |
eMtuMTO hari karuNa neneva bhaktara mElanaMta vastragaLaaduvu || 9 ||
seLeyutirdanu KaLanu beLeyutirdudu sIre poLeva poMbaTTe naanaa vicitrada baNNa ||
hoLalu tuMbuva teradi seLeseLedu paapaatma baLali iLeyoLagoragida ||
kaLeyu kuMditu mOre karNa duryOdhanara baLiya niMtirda dUtara karedu nEmisida
taLuhadi vastragaLa bokkasakenalu naLinamuKi tiLidaLaaga || 10 ||
siTTinali droupadiyu kaNteredu nODalaa | beTTadaMtoTTirda vastraraashigaLella |
suTTagni hora sUsi neTTanaa raajagRuha thaTTanaahutigoMDitu |
koTTaLai shaapavanu kamala muKi kurupatige kaTTaaLu bhImasEnana gadeyu raNadalli
kuTTi bisuDali ninna toDegaLeraDanu eMdu iTTa nuDi tappaluMTe || 11 ||
mUDidavu pratisUrya dhUmakEtugaLu ODaaDidavu gaganadoLu haddu kaagegaLu |
kUgaaDidavu mRugajaati calisidavu shile pratime rUDhi gaDagaDa naDugitu ||
kUDi tIDidavu nakShatragaLu divadi maataaDidavu asharIra vaakyagaLu purajanaru kEDu
kouravagaagadiradeMdu nishcayisi ODi manegaLa pokkaru || 12 ||
haruSha bhaTTaru manadi vidura bhIShmaadigaLu suraru naaradarella neredaraMbaradalli |
harasi jaya jayaveMdu droupadiya siri muDige surisidaru hU maLegaLaa ||
hariya naamaavaLiya pogaLutali divijEMdra | maraLi pOdanu tanna paTTaNake dhareyoLage |
hariya nenedavarEnu dhanyarO droupadiya hariya naamavE kaayitu || 13 ||
shrIvaasudEvanaaj~jaapisida rukmiNige dEvi kELenna bhaaSheya muMde arjunage |
naavE saarathiyaagi salahuvevu avaremma jIva paaMDavareMdanu |
AvanidanudayakaaladoLeddu bhakutiyali | bhaava shuddhiyalOdi bhajane maaLpanO
avana saavira janmagaLa saMcitagharaashigaLu taavE hatavahudu diTavO || 14 ||
maMgaLaM jhaShakUrma kiTi nRuhari vaamanage maMgaLaM bhaargavage raghuraama kRuShNanige |
maMgaLaM buddha kalkyaadi avataaranige maMgaLaM karuNa nidhige
maMgaLaM shatakOTi sUrya prakaashanige | maMgaLaM droupadiya maanavanu kaaydavage |
maMgaLaM shrIyarasa puraMdara viThalage maMgaLaM jaya maMgaLaM || 15 ||
