ವಿಜಯರಾಯರ ಪಾದ | ಮೋಹನ ವಿಠಲ | Vijaya Rayara Paada | Mohana Vithala

 

ಸಾಹಿತ್ಯ : ಶ್ರೀ ಮೋಹನ ದಾಸರು

Kruti: Sri Mohana Dasaru

ವಿಜಯ ರಾಯರ ಪಾದ ನಿಜವಾಗಿ ನಂಬಲು 

ಅಜನಪಿತ ತಾನೆ ಒಲಿವಾ ||ಪ|| 

ದ್ವಿಜಕೇತನನ ಗುಣದ ವ್ರಜವ ಕೊಂಡಾಡುವ 

ಸುಜನ ಮಂದಾರನೀತ ಪ್ರಖ್ಯಾತ ||ಅ.ಪ.||

ವಿ ಎಂದು ನುಡಿಯಲು, ವಿಷ್ಣು ದಾಸನಾಗುವನು, 

ಜ ಎಂದು ನುಡಿಯಲು ಜನನ ಹಾನಿ 

ಯ ಎಂದು ಕೊಂಡಾಡೆ ಯಮಭಟರು ಓಡುವರು 

ರಾಯ ಎಂದೆನಲು ಹರಿಕಾವ ವರವೀವ ||೧|| 

ಇವರ ಸ್ಮರಣೆಯು ಸ್ನಾನ, 

ಇವರ ಸ್ಮರಣೆಯು ಧ್ಯಾನ, 

ಇವರ ಸ್ಮರಣೆಯು ಅಮೃತಪಾನ 

ಇವರ ಸ್ಮರಣೆ ಮಾಡೆ ಯುವತಿಗಕ್ಷಯವಿತ್ತ, 

ತ್ರಿವಿಕ್ರಮನೆ ಮುಂದೆ ನಿಲುವ ನಲಿವ ||೨|| 

ವಾರಣಾಸಿ ಯಾತ್ರೆ ಮೂರು ಬಾರಿ ಮಾಡಿ, 

ಮಾರಪಿತನೊಲುಮೆಯನು ಪಡೆದು || 

ಮೂರಾವತಾರದ ಮಧ್ವಮುನಿರಾಯರ, 

ಚಾರು ಚರಣವನು ಭಜಿಪ ಈ ಮುನಿಪ ||೩|| 

ಪುರಂದರ ದಾಸರ ಪರಮಾನುಗ್ರಹ ಪಾತ್ರ 

ಗುರುವಿಜಯ ರಾಯನೀತಾ || 

ಸಿರಿ ವಿಜಯ ವಿಠಲನ ಶ್ರೀನಿವಾಸಾಚಾರ್ಯರು 

ಹರಿಯಾಜ್ಞೆಯಿಂದ ಕೊಟ್ಟರು ದಿಟರು ||೪|| 

ದಾನಧರ್ಮದಿ ಮಹಾ ಔದಾರ್ಯ ಗುಣಶೀಲ

ಶ್ರೀನಿವಾಸನ ಪ್ರೇಮ ಕುವರ || 

ಮಾನವಿ ಸೀಮೆಯ ಚೀಕಲಪರವಿಯ ವಾಸ, 

ಮೋಹನ ವಿಠಲನ ನಿಜದಾಸ ಉಲ್ಲಾಸ ||೫|| 

vijaya rAyara pAda nijavAgi naMbalu 

ajanapita tAne olivA ||pa|| 

 

dvijakEtanana guNada vrajava koMDADuva 

sujana maMdAranIta praKyAta ||a.pa.||

 

vi eMdu nuDiyalu, viShNu dAsanAguvanu, 

ja eMdu nuDiyalu janana hAni 

ya eMdu koMDADe yamaBaTaru ODuvaru 

rAya eMdenalu harikAva varavIva ||1|| 

 

ivara smaraNeyu snAna, 

ivara smaraNeyu dhyAna, 

ivara smaraNeyu amRutapAna 

ivara smaraNe mADe yuvatigakShayavitta, 

trivikramane muMde niluva naliva ||2|| 

 

vAraNAsi yAtre mUru bAri mADi, 

mArapitanolumeyanu paDedu || 

mUrAvatArada madhvamunirAyara, 

cAru caraNavanu Bajipa I munipa ||3|| 

 

puraMdara dAsara paramAnugraha pAtra 

guruvijaya rAyanItA || 

siri vijaya viThalana SrInivAsAcAryaru 

hariyAj~jeyiMda koTTaru diTaru ||4|| 

 

dAnadharmadi mahA audArya guNaSIla

SrInivAsana prEma kuvara || 

mAnavi sImeya cIkalaparaviya vAsa, 

mOhana viThalana nijadAsa ullAsa ||5||