ಕೇಶವ ನಾಮ
ಈಶ ನಿನ್ನ ಚರಣ ಭಜನೆ ಆಸೆಯಿಂದ ಮಾಡುವೆನು
ದೋಷರಾಶಿ ನಾಶಮಾಡು ಶ್ರೀಶ ಕೇಶವ ||ಪ||
ಶರಣು ಹೊಕ್ಕೆನಯ್ಯ ಎನ್ನ ಮರಣ ಸಮಯದಲ್ಲಿ
ನಿನ್ನ ಚರಣ ಸ್ಮರಣೆ ಕರುಣಿಸಯ್ಯ ನಾರಾಯಣ ||೧||
ಶೋಧಿಸೆನ್ನ ಭವದ ಕಲುಷ| ಭೋಧಿಸಯ್ಯ ಜ್ಞಾನವೆನಗೆ
ಬಾಧಿಸುವ ಯಮನಭಾದೆ ಬಿಡಿಸು ಮಾಧವ ||೨||
ಹಿಂದನೇಕ ಯೋನಿಗಳಲಿ ಬೆಂದು ಬಂದು ನೊಂದೆ ನಾನು
ಇಂದು ಭವದ ಬಂಧ ಬಿಡಿಸೋ ತಂದೆ ಗೋವಿಂದ ||೩||
ಭ್ರಷ್ಟನೆನಿಸಬೇಡ ಕೃಷ್ಣ ಇಷ್ಟು ಮಾತ್ರ ಬೇಡಿಕೊಂಬೆ|
ಶಿಷ್ಟರೊಡನೆ ಇಟ್ಟು ಕಷ್ಟ ಬಿಡಿಸು ವಿಷ್ಣುವೆ||೪||
ಮೊದಲು ನಿನ್ನ ಪಾದಪೂಜೆ ಮುದದಿ ಮಾಡುವೆನು
ನಾನು ಹೃದಯದಲ್ಲಿ ಅಡಗಿರಯ್ಯ ಮಧುಸೂದನ ||೫||
ಕವಿದುಕೊಂಡು ಇರುವ ಪಾಪ ಸವೆದು
ಹೋಗುವಂತೆ ಮಾಡಿ ಯಮನ ಬಾಧೆಯನ್ನು ಬಿಡಿಸೋ ತ್ರಿವಿಕ್ರಮ||೬||
ಕಾಮಜನಕ ನಿನ್ನ ನಾಮ ಪ್ರೇಮದಿಂದ
ಪಾಡುವಂತೆ ನೇಮ ಎನಗೆ ಪಾಲಿಸಯ್ಯ ಸ್ವಾಮಿ ವಾಮನ ||೭||
ಮದನನಯ್ಯ ನಿನ್ನ ಮಹಿಮೆ ವದನದಲ್ಲಿ
ಬರುವಂತೆ ಹೃದಯದಲ್ಲಿ ಸದನಮಾಡೋ ಮುದದಿ ಶ್ರೀಧರಾ ||೮||
ಹುಸಿಯನಾಡಿ ಹೊಟ್ಟೆ ಹೊರೆವ ವಿಷಯದಲ್ಲಿ
ರಸಿಕನೆಂದು ಹುಸಿಗೆಹಾಕದಿರು ಎನ್ನ ಹೃಷಿಕೇಶನೇ ||೯||
ಅಬ್ಧಿಯೊಳಗೆ ಬಿದ್ದು ನಾನು ಒದ್ದು ಕೊಂಬೆನಯ್ಯ
ಭವದಿ ಗೆದ್ದು ಪೋಪ ಬುದ್ಧಿ ತೋರೋ ಪದ್ಮನಾಭನೇ ||೧೦||
ಕಾಮ ಕ್ರೋಧ ಬಿಡಿಸಿ ನಿನ್ನ ನಾಮ ಜಿಹ್ವೆಯೊಳಗೆ
ನುಡಿಸು ಶ್ರೀ ಮಹಾನುಭಾವನಾದ ದಾಮೋದರ ||೧೧||
ಪಂಕಜಾಕ್ಷ ನೀನೆಯನ್ನ ಮಂಕು ಬುದ್ದಿಯನ್ನ ಬಿಡಿಸಿ
ಕಿಂಕರನ್ನ ಮಾಡಿಕೊಳ್ಳೊ ಸಂಕರುಷಣ ||೧೨||
ಏಸು ಜನ್ಮ ಬಂದರೇನು ದಾಸನಾಗಲಿಲ್ಲ ನಾನು
ಘಾಸಿ ಮಾಡದಿರು ಇನ್ನು ವಾಸುದೇವನೇ ||೧೩||
ಬುದ್ಧಿ ಶೂನ್ಯನಾಗಿ ನಿನಗೆ ಕದ್ದ ಕಳ್ಳನಾದೆ
ಎನ್ನ ತಿದ್ದಿ ಹೃದಯ ಶುದ್ಧಿ ಮಾಡೋ ಪ್ರದ್ಯುಮ್ನನೇ ||೧೪||
ಜನನಿ ಜನಕ ನೀನೆ ಎಂದು ನೆನೆವೆನಯ್ಯ
ದೀನ ಬಂಧೋ ಎನಗೆ ಮುಕ್ತಿ ಪಾಲಿಸಿಂದು ಅನಿರುದ್ಧನೇ ||೧೫||
ಹರುಷದಿಂದ ನಿನ್ನ ನಾಮ ಸ್ಮರಿಸುವಂತೆ ಮಾಡು
ಪ್ರೇಮ ಇರಿಸು ನಿನ್ನ ಚರಣದಲ್ಲಿ ಪುರುಷೋತ್ತಮ||೧೬||
ಸಾಧು ಸಂಗ ಕೊಟ್ಟು ನಿನ್ನ ಪಾದ ಭಜಕನೆನಿಸು
ಎನ್ನ ಭೇದ ಮಾಡದಿರು ಇನ್ನು ಅಧೋಕ್ಷಜ ||೧೭||
ಚಾರು ಚರಣ ತೋರಿ ಎನಗೆ ಪಾರುಗಾಣಿಸಯ್ಯ
ಕೊನೆಗೆ ಭಾರ ಹಾಕಿರುವೆ ನಿನಗೆ ನಾರಸಿಂಹನೆ ||೧೮||
ಸಂಚಿತಾರ್ಥ ಪಾಪಗಳನು ಕಿಂಚಿತಾದ್ರು
ಯಿಡದಂತೆ ಮುಂಚಿತಾಗಿ ಕಳೆಯಬೇಕು ಸ್ವಾಮಿ ಅಚ್ಯುತ ||೧೯||
ಜ್ಞಾನ ಭಕ್ತಿ ಕೊಟ್ಟು ನಿನ್ನ ಧ್ಯಾನದಲ್ಲಿ ಇಟ್ಟು
ಎನ್ನ ಹೀನಬುದ್ಧಿ ಬಿಡಿಸೋ ಮುನ್ನ ಜನಾರ್ದನ ||೨೦ ||
ಜಪ ತಪಾನುಷ್ಟಾನವನ್ನು ಒಪ್ಪುವಂತೆ ಮಾಡಲಿಲ್ಲ
ತಪ್ಪು ಕೋಟಿ ಕ್ಷಮಿಸಬೇಕು ಉಪೇಂದ್ರನೆ ||೨೧||
ಮೊರೆಯಿಡುವೆನಯ್ಯ ನಿನಗೆ ಸೆರೆಯಬಿಡಿಸೊ ಭವದಿ
ಎನಗೆ ಇರಿಸು ನಿನ್ನ ಭಕ್ತರೊಡನೆ ಪರಮಪುರುಷ ಶ್ರೀಹರಿ ||೨೨||
ಹುಟ್ಟಿಸಬೇಡಯ್ಯ ಇನ್ನು ಹುಟ್ಟಿಸಿದಕೆ ಪಾಲಿಸಿನ್ನು
ಇಷ್ಟು ಮಾತ್ರ ಬೇಡಿಕೊಂಬೆ ಶ್ರೀಕೃಷ್ಣನೇ ||೨೩||
ಸತ್ಯವಾದ ನಾಮಗಳನು ನಿತ್ಯದಲ್ಲಿ ಪಠಿಸುವರಿಗೆ
ಅರ್ತಿಯಿಂದ ಸಲಹುವನು ಕರ್ತೃ ಕೇಶವ ||೨೪||
ಮರೆತು ಬಿಡದೆ ಹರಿಯ ನಾಮ ಬರೆದು ಓದಿ ಕೇಳಿದರೆ
ಕರೆದು ಮುಕ್ತಿ ಕೊಡುವ ನೆಲೆಯಾದಿಕೇಶವ ||೨೫||
Keshava Nama
Isha ninna caraNa Bajane AseyiMda mADuvenu
dOSharASi naashamADu SrIsha kEshava ||pa||
sharaNu hokkenayya enna maraNa samayadalli
ninna charaNa smaraNe karuNisayya nArAyaNa ||1||
shOdhisenna Bavada kaluSha| BOdhisayya jnAnavenage
bAdhisuva yamanaBAde biDisu mAdhava ||2||
hiMdanEka yOnigaLali beMdu baMdu noMde naanu
iMdu Bavada baMdha biDisO taMde gOviMda ||3||
BraShTanenisabEDa kRuShNa iShTu mAtra bEDikoMbe|
shiShTaroDane iTTu kaShTa biDisu viShNuve ||4||
modalu ninna pAdapUje mudadi mADuvenu
nAnu hRudayadalli aDagirayya madhusUdana ||5||
kavidukoMDu iruva pApa savedu
hOguvaMte mADi yamana bAdheyannu biDisO trivikrama||6||
kAmajanaka ninna nAma prEmadiMda
pADuvaMte nEma enage pAlisayya svAmi vAmana ||7||
madananayya ninna mahime vadanadalli
baruvaMte hRudayadalli sadanamADO mudadi SrIdharA ||8||
husiyanADi hoTTe horeva viShayadalli
rasikaneMdu husigehAkadiru enna hRuShikESanE ||9||
abdhiyoLage biddu nAnu oddu koMbenayya
Bavadi geddu pOpa buddhi tOrO padmanABanE ||10||
kAma krOdha biDisi ninna nAma jihveyoLage
nuDisu SrI mahAnuBAvanAda dAmOdara ||11||
paMkajAkSha nIneyanna maMku buddhiyanna biDisi
kiMkaranna mADikoLLo saMkaruShaNa ||12||
Esu janma baMdarEnu dAsanAgalilla nAnu
GAsi mADadiru innu vAsudEvanE ||13||
buddhi SUnyanAgi ninage kadda kaLLanAde
enna tiddi hRudaya Suddhi mADO pradyamnanE ||14||
janani janaka nIne eMdu nenevenayya
dIna baMdhO enage mukti pAlisiMdu aniruddhanE ||15||
haruShadiMda ninna nAma smarisuvaMte mADu
prEma irisu ninna caraNadalli puruShOttama||16||
sAdhu saMga koTTu ninna pAda Bajakanenisu
enna BEda mADadiru innu adhOkShaja ||17||
cAru caraNa tOri enage pArugANisayya
konege BAra hAkiruve ninage nArasiMhane ||18||
saMcitArtha pApagaLanu kiMcitAdru
yiDadaMte muMcitAgi kaLeyabEku svAmi acyuta ||19||
j~jAna Bakti koTTu ninna dhyAnadalli iTTu
enna hInabuddhi biDisO munna janArdana ||20||
japa tapAnuShTAnavannu oppuvaMte mADalilla
tappu kOTi kShamisabEku upEMdrane ||21||
moreyiDuvenayya ninage sereyabiDiso Bavadi
enage irisu ninna BaktaroDane paramapuruSha SrIhari ||22||
huTTisabEDayya innu huTTisidake pAlisinnu
iShTu mAtra bEDikoMbe SrIkRuShNanE ||23||
satyavAda nAmagaLanu nityadalli paThisuvarige
artiyiMda salahuvanu kartRu kESava ||24||
maretu biDade hariya nAma baredu Odi kELidare
karedu mukti koDuva neleyAdikESava ||25||
