ನೀನ್ಯಾಕೋ ನಿನ್ನ ಹಂಗ್ಯಾಕೋ | ಪುರಂದರ ವಿಠಲ | Ninyako Ninna Hangyako | Purandara Vittala

ಸಾಹಿತ್ಯ : ಶ್ರೀ ಪುರಂದರ ದಾಸರು (ಪುರಂದರ ವಿಠಲ)

Kruti: Sri Purandara dasaru (Purandara vittala)

ನೀನ್ಯಾಕೋ ನಿನ್ನ ಹಂಗ್ಯಾಕೋ |ಪ|| 

ನಿನ್ನ ನಾಮದ ಬಲವೊಂದಿದ್ದರೆ ಸಾಕೋ ||ಅಪ|| 

ಕರಿಮಕರಿಗೆ ಸಿಕ್ಕಿ ಮೊರೆಯಿಡುತ್ತಿರುವಾಗ || 

ಆದಿ ಮೂಲ ಎಂಬೋ ನಾಮವೇ ಕಾಯ್ತೋ ||೧|| 

ಬಾಲೆಯ ಸಭೆಯಲ್ಲಿ ಸೀರೆಯ ಸೆಳೆವಾಗ | 

ಕೃಷ್ಣ ಕೃಷ್ಣ ಎಂಬ ನಾಮವೇ ಕಾಯ್ತೋ ||೨|| 

ಯಮನ ದೂತರು ಬಂದು ಅಜಮಿಳನೆಳೆವಾಗ | 

ನಾರಾಯಣನೆಂಬೋ ನಾಮವೇ ಕಾಯ್ತೋ ||೩|| 

ಪ್ರಹ್ಲಾದನ ಪಿತ ಬಾಧಿಸುತ್ತಿರುವಾಗ | 

ನರಹರಿ ಎಂಬ ನಾಮವೇ ಕಾಯ್ತೋ ||೪|| 

ಆ ಮರ ಈ ಮರ ಧ್ಯಾನಿಸುತ್ತಿರುವಾಗ | 

ರಾಮ ರಾಮ ಎಂಬ ನಾಮವೇ ಕಾಯ್ತೋ ||೫|| 

ಹಸುಳೆ ಆ ಧ್ರುವರಾಯ ಅಡವಿಗೆ ಪೋಪಾಗ | 

ವಾಸುದೇವ ಎಂಬ ನಾಮವೇ ಕಾಯ್ತೋ ||೬|| 

ನಿನ್ನ ನಾಮಕೆ ಸರಿ ಕಾಣೆನೋ ಜಗದೊಳು | 

ಘನ್ನ ಮಹಿಮ ಸಿರಿ ಪುರಂದರ ವಿಠಲ ||೭|| 

nInyAkO ninna haMgyAkO |pa|| 

ninna nAmada balavoMdiddare sAkO ||apa|| 

 

karimakarige sikki moreyiDuttiruvAga || 

Adi mUla eMbO nAmavE kAytO ||1|| 

 

bAleya saBeyalli sIreya seLevAga | 

kRuShNa kRuShNa eMba nAmavE kAytO ||2|| 

 

yamana dUtaru baMdu ajamiLaneLevAga | 

nArAyaNaneMbO nAmavE kAytO ||3|| 

 

prahlAdana pita bAdhisuttiruvAga | 

narahari eMba nAmavE kAytO ||4|| 

 

A mara I mara dhyAnisuttiruvAga | 

rAma rAma eMba nAmavE kAytO ||5|| 

 

hasuLe A dhruvarAya aDavige pOpAga | 

vAsudEva eMba nAmavE kAytO ||6|| 

 

ninna nAmake sari kANenO jagadoLu | 

Ganna mahima siri puraMdara viThala ||7||