ಬಾರಯ್ಯ ಬಾ ಬಾ | ಗೋಪಾಲ ದಾಸರು | Barayya Baa Baa | Gopala Vittala

 

ಸಾಹಿತ್ಯ : ಶ್ರೀ ಗೋಪಾಲ ದಾಸರು (ಗೋಪಾಲ ವಿಠಲ)

Kruti:Sri Gopala dasaru (Gopala vittala)

ಬಾರಯ್ಯ ಬಾ ಬಾ ಭಕುತರ ಪ್ರಿಯ ಶ್ರೀನಿವಾಸ ರಾಯ

ಮಾರ ಜನಕ ಮುಕುತರೊಡೆಯ ದೇವಯ್ಯ ಜೀಯ || ಪ ||

ವಾರಿಜಲಯಪತೆ ವಾರಿಜನಾಭನೆ

ವಾರಿಜಭವಪಿತ ವಾರಿಜನೇತ್ರನೆ

ವಾರಿಜಮಿತ್ರ ಅಪಾರಪ್ರಭಾವನೆ

ವಾರಿಜಝಾಂಡದ ಕಾರಣ ದೊರೆಯೆ || ಅಪ ||

ಸ್ಯಂದನವೇರಿಬಪ್ಪ ರಂಗ ದೇವೋತ್ತುಂಗ

ನಂದ ನಂದನ ಅರಿಮದಭಂಗ ಕಾರುಣ್ಯಪಾಂಗ

ಸಿಂಧುಶಯನ ಸುಂದರಾಂಗ ಹೇ ನಾರಸಿಂಗ

ಕಂದ ವಿರಿಂಚಿಯು ನಂದಿವಾಹನ ಅಮರೇಂದ್ರ

ಸನಕ ಸನಂದನಾದಿ ಮುನಿ

ವೃಂದ ಬಂದು ನಿಂದು ಧೀಂ ಧೀಂ ಧೀಂ ಧಿಮಿಕೆಂದು

ನಿಂದಾಡಲು ಆನಂದದಿ ಮನಕೆ || ೧ ||

ಜಗತ್‌ಜನ್ಮಾದಿ ಕರ್ತ ಗೋವಿಂದ

ಉದರದಿ ಲೋಕವ ಲಘುವಾಗಿ ಧರಿಸಿದ ಮುಕುಂದ

ಭಕ್ತರ ಮನಕೆ ಝಗ ಝಗಿಸುತ ಪೊಳೆವಾನಂದ ನಿಗಮಾವಳಿಯಿಂದ

ಅಗಣಿತ ಮುನಿಗಣ ನಗ ಖಗ ಮೃಗ ಶಶಿ

ಗಗನ ಮಣ್ಯಾದ್ಯರು ಸೊಗಸಾಗಿ ಬಗೆ ಬಗೆ

ಪೊಗಳುತಲಿ ಬೇಗ ಜಿಗಿಜಿಗಿದಾಡಲು

ಮುಗುಳುನಗೆಯ ಮಹೋರಗಗಿರಿವಾಸ || ೨ ||

ತಡಮಾಡ ಬೇಡವೊ ಹೇ ನಲ್ಲ

ವಾಕು ಲಾಲಿಸು ಎನ್ನೊಡೆಯ ಗೋಪಾಲ ವಿಠ್ಠಲ

ದೇವ ಪರಾಕು 

ಅಡಿಗಳನಿಡು ಭಕ್ತವತ್ಸಲ ಶ್ರೀ ಲಕುಮಿನಲ್ಲ

ಮಡುವಿನೊಳಗೆ ಗಜ ಮೊರೆಯಿಡಲಾಕ್ಷಣ

ಮಡದಿಗೆ ಹೇಳದೆ ದಡದಡನೆ ಬಂದು

ಹಿಡಿದ ನಕ್ರನ ಬಾಯ ಕಡಿದು ಬಿಡಿಸಿದನೆ

ಸಡಗರದಲಿ ರಮೆಪೊಡವಿಯೊಡನೆ ಬೇಗ || ೩ ||

bArayya bA bA Bakutara priya SrInivAsa rAya

mAra janaka mukutaroDeya dEvayya jIya || pa ||

vArijalayapate vArijanABane

vArijaBavapita vArijanEtrane

vArijamitra apArapraBAvane

vArijaJAMDada kAraNa doreye || apa ||

syaMdanavEribappa raMga dEvOttuMga

naMda naMdana arimadaBaMga kAruNyapAMga

siMdhuSayana suMdarAMga hE nArasiMga

kaMda viriMciyu naMdivAhana amarEMdra

sanaka sanaMdanAdi muni

vRuMda baMdu niMdu dhIM dhIM dhIM dhimikeMdu

niMdADalu AnaMdadi manake || 1 ||

jagatjanmAdi karta gOviMda

udaradi lOkava laGuvAgi dharisida mukuMda

Baktara manake Jaga Jagisuta poLevAnaMda nigamAvaLiyiMda

agaNita munigaNa naga Kaga mRuga SaSi

gagana maNyAdyaru sogasAgi bage bage

pogaLutali bEga jigijigidADalu

muguLunageya mahOragagirivAsa || 2 ||

taDamADa bEDavo hE nalla

vAku lAlisu ennoDeya gOpAla viThThala

dEva parAku 

aDigaLaniDu Baktavatsala SrI lakuminalla

maDuvinoLage gaja moreyiDalAkShaNa

maDadige hELade daDadaDane baMdu

hiDida nakrana bAya kaDidu biDisidane

saDagaradali ramepoDaviyoDane bEga || 3 ||