ಎನ್ನ ಬಿನ್ನಪ ಕೇಳೊ ಧನ್ವಂತ್ರಿ ದಯಮಾಡೊ ಸಣ್ಣವನು ಇವ ಕೇವಲ
ಬನ್ನಬಡಿಸುವ ರೋಗವನ್ನು ಮೋಚನ ಮಾಡಿ ಚೆನ್ನಾಗಿ ಪಾಲಿಸುವುದು ಕರುಣಿ || ಪ. ||
ಆರೋಗ್ಯ ಆಯುಷ್ಯ ಐಶ್ವರ್ಯವೆಂಬ ಈ ಮೂರುವಿಧ ವಸ್ತುಗಳು
ನಾರಾಯಣನ ಭಜಕರಾದವರ ಸಾಧನಕೆ ಪೂರಣವಾಗಿಪ್ಪವೊ
ಘೋರ ವ್ಯಭಿಚಾರ ಪರನಿಂದೆ ಪರ ವಿತ್ತಾಪಹಾರ ಮಾಡಿದ ದೋಷದಿ
ದರಿದ್ರರಾಗುವರು ಮೂರು ವಿಧದಿಂದಲಿ ಕಾರಣನು ನೀನೆ ದುಷ್ಕರ್ಮ ಪರಿಹರಿಸೊ ಸ್ವಾಮಿ || ೧ ||
ವಸುಮತಿಯ ಮೇಲಿನ್ನು ಅಸುರ ಜನರೆ ಬಹಳ ವಶವಲ್ಲ ಕಲಿಯ ಬಾಧೆ
ಬಿಸಿಲಿಂದ ಪೀಡಿತವಾದ ಸಸಿಗಳಂತೆ ಶಿಶುಗಳು ನಾವಿಪ್ಪೆವೊ
ಅಸುರಾರಿ ನಿನ್ನ ಕರುಣಾಮೃತದ ಮಳೆಗರೆದು ಕುಶಲದಿ ಪಾಲಿಸುವುದು
ಕೆಸರಿಂದ ಕೆಸರು ತೊಳೆದಂತೆ ಕರ್ಮದ ಪಥವು ಅಸುನಾಥ ಹರಿಯೆ ಸಲಹೋ ಸ್ವಾಮಿ || ೨ ||
ಅನ್ಯರನು ಭಜಿಸದಲೆ ನಿನ್ನನೆ ಸ್ಮರಿಸುತ್ತ ನಿನ್ನ ಚಿಹ್ನೆಗಳನ್ನೇ ಧರಿಸಿ
ನಿನ್ನ ನಾಮೋಚ್ಛರಿಸಿ ನಿನ್ನವರವನೆನಿಸಿ ನಿನ್ನಿಂದ ಉಪಜೀವಿಸಿ
ಅನ್ನ ಆರೋಗ್ಯವು ಅಲ್ಪವು ಆಗೆ ಅನ್ಯರಿಗೆ ಇನ್ನು ಆಲ್ಪರಿಯಬೇಕೇ
ನಿನ್ನ ಸಂಕಲ್ಪ ಭಕುತರನ್ನು ಪೋಷಿಪೆನೆಂದು ಘನ್ನ ಬಿರುದನ್ನ ಉಳುಹೊ ಸ್ವಾಮಿ || ೩ ||
ಆದಿವ್ಯಾಧಿಗಳು ಉನ್ಮಾದ ವಿಭ್ರಮ ನಾನಾ ಬಾಧೆಗೆ ಔಷಧವು ನೀನೇ
ಹೇ ದೇವ ನಿನ್ನ ಕರಕಮಲದಿಂ ಸುಧೆಗರೆದು ಸಾಧುಗಳ ಪಾಲಿಸುವ ನೀನೇ
ಮೋದ ಬಡಿಸುವಿ ನಿನ್ನ ಸಾಧಿಸುವವರಿಗೆ ಶುಭೋದಯಂಗಳ ನೀಡಿ
ಆದರಿಸಿ ಅವಗೆ ತವ ಪಾದ ಧ್ಯಾನವನಿತ್ತು ಸಾಧುಗಳೊಳಗಿರಿಸಿ ಮೋದಕೊಡು ಸರ್ವದಾ || ೪ ||
ನಿನ್ನವರಲಿ ಇವಗೆ ಇನ್ನು ರತಿಯನು ಕೊಡು ನಿನ್ನವನೆಂದು ಅರಿದು
ನಿನ್ನ ಪ್ರಾರ್ಥಿಸಿದೆ ನಾ ಅನ್ಯರಿಗೆ ಆಲ್ಪರಿಯೆ ಎನ್ನ ಪಾಲಿಸುವ ದೊರೆಯೇ
ಎನ್ನ ಮಾತಲ್ಲ ಇದು ಎನ್ನ ಹಿರಿಯರ ಮಾತು ಮನ್ನಿಸಬೇಕೋ ಕರುಣಿ
ಅನಂತ ಗುಣಪೂರ್ಣ ಗೋಪಾಲವಿಠಲ ಇನ್ನಿದನೆ ಪಾಲಿಸಯ್ಯ ಪ್ರಭುವೆ || ೫ ||
enna binnapa kELo dhanvaMtri dayamADo saNNavanu iva kEvala
bannabaDisuva rOgavannu mOchana mADi cennAgi pAlisuvudu karuNi || pa. ||
ArOgya AyuShya aiSvaryaveMba I mUruvidha vastugaLu
nArAyaNana BajakarAdavara sAdhanake pUraNavAgippavo
GOra vyaBicAra paraniMde para vittApahAra mADida dOShadi
daridrarAguvaru mUru vidhadiMdali kAraNanu nIne duShkarma parihariso svaami || 1 ||
vasumatiya mElinnu asura janare bahaLa vaSavalla kaliya bAdhe
bisiliMda pIDitavAda sasigaLaMte shishugaLu nAvippevo
asurAri ninna karuNAmRutada maLegaredu kuSaladi pAlisuvudu
kesariMda kesaru toLedaMte karmada pathavu asunAtha hariye salahO svAmi || 2 ||
anyaranu Bajisadale ninnane smarisutta ninna cihnegaLannE dharisi
ninna nAmOcCarisi ninnavaravanenisi ninniMda upajIvisi
anna ArOgyavu alpavu Age anyarige innu AlpariyabEkE
ninna saMkalpa Bakutarannu pOShipeneMdu Ganna birudanna uLuho svaami || 3 ||
AdivyAdhigaLu unmAda viBrama nAnA bAdhege auShadhavu nInE
hE dEva ninna karakamaladiM sudhegaredu sAdhugaLa paalisuva nInE
mOda baDisuvi ninna sAdhisuvavarige SuBOdayaMgaLa nIDi
Adarisi avage tava pAda dhyAnavanittu sAdhugaLoLagirisi mOdakoDu sarvadA || 4 ||
ninnavarali ivage innu ratiyanu koDu ninnavaneMdu aridu
ninna prArthiside naa anyarige Alpariye enna pAlisuva doreyE
enna mAtalla idu enna hiriyara mAtu mannisabEkO karuNi
anaMta guNapUrNa gOpAlaviThala innidane pAlisayya prabhuve || 5 ||
