ಎಷ್ಟು ಸಾಹಸವಂತ | ಶ್ರೀ ವಾದಿರಾಜರ ಕೃತಿ | Eshtu Sahasavanta | Sri Vadirajaru

ರಚನೆ : ಶ್ರೀ ವಾದಿರಾಜರು (ಹಯವದನ) Kruti:Sri Vadirajaru (Hayavadana)

ಎಷ್ಟು ಸಾಹಸವಂತ ನೀನೆ ಬಲವಂತ ದಿಟ್ಟಮೂರುತಿ ಭಳಿರೆ ಭಳಿರೆ ಹನುಮಂತ ||ಪ|| ಅಟ್ಟುವ ಖಳರೆದೆ ಮೆಟ್ಟಿ ತುಳಿದು ತಲೆ ಕುಟ್ಟಿ ಚೆಂಡಾಡಿದ ದಿಟ್ಟ ನೀನಹುದೊ ||ಅಪ|| ರಾಮರಪ್ಪಣೆಯಿಂದ ಶರಧಿಯ ದಾಟಿ ಆ ಮಹಾಲಂಕೆಯ ಕಂಡೆ ಕಿರೀಟಿ ಸ್ವಾಮಿಕಾರ್ಯವನು ಪ್ರೇಮದಿ ನಡೆಸಿದಿ ಈ ಮಹಿಯೊಳು ನಿನಗಾರೈ ಸಾಟಿ ||೧|| ದೂರದಿಂದಸುರನ ಪುರವನ್ನು ನೋಡಿ ಭರದಿ ಶ್ರೀರಾಮರ ಸ್ಮರಣೆಯ ಮಾಡಿ ಹಾರಿದೆ ಹರುಷದಿ ಹರಿಸಿ ಲಂಕಿಣಿಯನು ವಾರಿಜಮುಖಿಯನು ಕಂಡು ಮಾತಾಡಿ ||೨|| ರಾಮರ ಕ್ಷೇಮವ ರಮಣಿಗೆ ಪೇಳಿ ತಾಮಸ ಮಾಡದೆ ಮುದ್ರಿಕೆ ನೀಡಿ ಪ್ರೇಮದಿಂ ಜಾನಕಿ ಕುರುಹನು ಕೊಡಲಾಗ ಆ ಮಹಾ ವನದೊಳು ಫಲವನು ಬೇಡಿ ||೩|| ಕಣ್ಣಿಗೆ ಪ್ರಿಯವಾದ ಹಣ್ಣನು ಕೊಯ್ದು ಹಣ್ಣಿನ ನೆವದಲಿ ಅಸುರರ ಹೊಯ್ದು ಪಣ್ಣಪಣ್ಣನೆ ಹಾರಿ ನೆಗೆನೆಗೆದಾಡುತ ಬಣ್ಣಿಸಿ ಅಸುರರ ಬಲವನು ಮುರಿದ್ಯೋ ||೪|| ಶೃಂಗಾರವನದೊಳಗೆ ಇದ್ದ ರಕ್ಕಸರ ಅಂಗವನಳಿಸಿದೆ ಅತಿರಣಶೂರ ನುಂಗಿ ಅಸ್ತ್ರಗಳ ಅಕ್ಷಯಕುವರನ ಭಂಗಿಸಿ ಬಿಸುಟಿಯೊ ಬಂದ ರಕ್ಕಸರ ||೫|| ದೂರು ಪೇಳಿದರೆಲ್ಲ ರಾವಣನೊಡನೆ ಚೀರುತ್ತ ಕರೆಸಿದ ಇಂದ್ರಜಿತುವನೆ ಚೋರಕಪಿಯನು ಹಿಡಿತಹುದೆನ್ನುತ ಶೂರರ ಕಳುಹಿದ ನಿಜಸುತರೊಡನೆ ||೬|| ಪಿಡಿದನು ಇಂದ್ರಜಿತು ಕಡುಕೋಪದಿಂದ ಹೆಡೆಮುರಿ ಕಟ್ಟಿದ ಬ್ರಹ್ಮಾಸ್ತ್ರದಿಂದ ಗುಡುಗುಡುಗುಟ್ಟುತ ಕಿಡಿಕಿಡಿಯಾಗುತ ನಡೆದನು ಲಂಕೆಯ ಒಡೆಯನಿದ್ದೆಡೆಗೆ ||೭|| ಕಂಡನು ರಾವಣನುದ್ದಂಡ ಕಪಿಯನು ಮಂಡೆಯ ತೂಗುತ್ತ ಮಾತಾಡಿಸಿದನು ಭಂಡುಮಾಡದೆ ಬಿಡೆನೋಡು ಕಪಿಯೆನೆ ಗಂಡುಗಲಿಯು ದುರಿದುರಿಸಿ ನೋಡಿದನು ||೮|| ಛಲವ್ಯಾಕೊ ನಿನಗಿಷ್ಟು ಎಲವೊ ಕೋಡಗನೆ ನೆಲೆಯಾವುದ್ಹೇಳೊ ನಿನ್ನೊಡೆಯನ್ಹೆಸರನ್ನು ಬಲವಂತ ರಾಮರ ಬಂಟ ಬಂದಿಹೆನೊ ಹಲವು ಮಾತ್ಯಾಕೊ ಹನುಮನು ನಾನೆ ||೯|| ಬಡರಾವಣನೆ ನಿನ್ನ ಬಡಿದು ಹಾಕುವೆನೊ ಒಡೆಯನಪ್ಪಣೆಯಿಲ್ಲ ಎಂದು ತಾಳಿದೆನೂ ಹುಡಿಯೇಳಿಸುವೆನು ಖುಲ್ಲ ರಕ್ಕಸನೆ ತೊಡೆವೆನೊ ನಿನ್ನ ಪಣೆಯ ಅಕ್ಷರವ ||೧೦|| ನಿನ್ನಂಥ ದೂತರು ರಾಮನ ಬಳಿಯೊಳು ಇನ್ನೆಷ್ಟು ಮಂದಿ ಉಂಟು ಹೇಳೊ ನೀ ತ್ವರಿಯಾ ನನ್ನಂಥ ದೂತರು ನಿನ್ನಂಥ ಪ್ರೇತರು ಇನ್ನೂರು ಮುನ್ನೂರು ಕೋಟಿ ಕೇಳರಿಯಾ |೧೧|| ಕಡುಕೋಪದಿಂದಲಿ ಖೂಳರಾವಣನು ಸುಡಿರೆಂದ ಬಾಲವ ಸುತ್ತಿ ವಸನವನು ಒಡೆಯನ ಮಾತಿಗೆ ತಡೆಬಡೆಯಿಲ್ಲದೆ ಒಡನೆ ಮುತ್ತಿದರು ಗಡಿಮನೆಯವರು ||೧೨|| ತಂದರು ವಸನವ ತಂಡತಂಡದಲಿ ಒಂದೊಂದು ಮೂಟೆ ಎಂಬತ್ತು ಕೋಟಿಯಲಿ ಚಂದದಿ ಹರಳಿನ ತೈಲದೊಳದ್ದಿಸೆ ನಿಂದ ಹನುಮನು ಬಾಲವ ಬೆಳೆಸುತ ||೧೩|| ಶಾಲು ಸಕಲಾತಿಯು ಸಾಲದೆಯಿರಲು ಬಾಲೆರ ವಸ್ತ್ರವ ಸೆಳೆದುತಾರೆನಲು ಬಾಲವ ನಿಲ್ಲಿಸೆ ಬೆಂಕಿಯನಿಡುತಲಿ ಕಾಲಮೃತ್ಯುವ ಕೆಣಕಿದರಲ್ಲಿ ||೧೪|| ಕುಣಿಕುಣಿದಾಡುತ ಕೂಗಿ ಬೊಬ್ಬಿಡುತ ಇಣಿಕಿನೋಡುತ ಅಸುರರನಣಕಿಸುತ ಝಣಝಣಝಣರೆನೆ ಬಾಲದಗಂಟೆಯು ಮನದಿ ಶ್ರೀರಾಮರ ಪಾದವ ನೆನೆಯುತ ||೧೫|| ಮಂಗಳಂ ಶ್ರೀರಾಮಚಂದ್ರ ಮೂರುತಿಗೆ ಮಂಗಳಂ ಸೀತಾದೇವಿ ಚರಣಂಗಳಿಗೆ ಮಂಗಳವೆನುತ ಲಂಕೆಯ ಸುಟ್ಟು ಲಂಘಿಸಿ ಅಸುರನ ಗಡ್ಡಕೆ ಹಿಡಿದ ||೧೬|| ಹತ್ತಿತು ಅಸುರನ ಗಡ್ಡಮೀಸೆಗಳು ಸುತ್ತಿತು ಹೊಗೆ ಬ್ರಹ್ಮಾಂಡಕೋಟಿಯೊಳು ಚಿತ್ತದಿ ರಾಮರು ಕೋಪಿಸುವರು ಎಂದು ಚಿತ್ರದಿ ನಡೆದನು ಅರಸನಿದ್ದೆಡೆಗೆ ||೧೭|| ಸೀತೆಯಕ್ಷೇಮವ ರಾಮರಿಗ್ಹೇಳಿ ಪ್ರೀತಿಯಿಂ ಕೊಟ್ಟಕುರುಹ ಕರದಲಿ ಸೇತುವೆ ಕಟ್ಟಿ ಚತುರಂಗ ಬಲಸಹ ಮುತ್ತಿತು ಲಂಕೆಯ ಸೂರೆಗೈಯುತಲಿ ||೧೮|| ವೆಗ್ಗಳವಾಯಿತು ರಾಮರ ದಂಡು ಹಿಗ್ಗಿತು ಲಂಕೆಯ ಕೋಟೆಯ ಕಂಡು ಹೆಗ್ಗದ ಕಾಯ್ವರ ನುಗ್ಗುಮಾಡುತಿರೆ ಝಗ್ಗನೆ ಪೇಳ್ದರು ರಾವಣಗಂದು ||೧೯|| ರಾವಣಮೊದಲಾದ ರಾಕ್ಷಸರ ಕೊಂದು ಭಾವಶುದ್ಧದಲಿ ವಿಭೀಷಣ ಬಾಳೆಂದು ದೇವಿ ಸೀತೆಯನೊಡಗೊಂಡು ಅಯೋಧ್ಯದಿ ದೇವ ಶ್ರೀರಾಮರು ರಾಜ್ಯವಾಳಿದರು ||೨೦|| ಶಂಖದೈತ್ಯನ ಕೊಂದೆ ಶರಣು ಶರಣಯ್ಯ ಶಂಖಗಿರಿಯಲಿ ನಿಂದೆ ಹನುಮಂತರಾಯ ಪಂಕಜಾಕ್ಷ ಹಯವದನನ ಕಟಾಕ್ಷದಿ ಬಿಂಕದಿ ಪಡೆದೆಯೊ ಅಜನಪದವಿಯ ||೨೧|| eShTu saahasavaMta nIne balavaMta diTTamUruti bhaLire bhaLire hanumaMta ||pa|| aTTuva KaLarede meTTi tuLidu tale kuTTi ceMDaaDida diTTa nInahudo ||apa|| raamarappaNeyiMda sharadhiya daaTi A mahaalaMkeya kaMDe kirITi svaamikaaryavanu prEmadi naDesidi I mahiyoLu ninagaarai saaTi ||1|| dUradiMdasurana puravannu nODi bharadi shrIraamara smaraNeya maaDi haaride haruShadi harisi laMkiNiyanu vaarijamuKiyanu kaMDu maataaDi ||2|| raamara kShEmava ramaNige pELi taamasa maaDade mudrike neeDi prEmadiM jaanaki kuruhanu koDalaaga A mahaa vanadoLu Palavanu bEDi ||3|| kaNNige priyavAda haNNanu koydu haNNina nevadali asurara hoydu paNNapaNNane haari negenegedaaDuta baNNisi asurara balavanu muridyO ||4|| shRuMgaaravanadoLage idda rakkasara aMgavanaLiside atiraNashUra nuMgi astragaLa akShayakuvarana bhaMgisi bisuTiyo baMda rakkasara ||5|| dUru pELidarella raavaNanoDane cIrutta karesida iMdrajituvane cOrakapiyanu hiDitahudennuta shUrara kaLuhida nijasutaroDane ||6|| piDidanu iMdrajitu kaDukOpadiMda heDemuri kaTTida brahmaastradiMda guDuguDuguTTuta kiDikiDiyaaguta naDedanu laMkeya oDeyaniddeDege ||7|| kaMDanu raavaNanuddaMDa kapiyanu maMDeya tUgutta maataaDisidanu bhaMDumaaDade biDenODu kapiyene gaMDugaliyu duridurisi nODidanu ||8|| Calavyaako ninagiShTu elavo kODagane neleyaavud~hELo ninnoDeyanhesarannu balavaMta raamara baMTa baMdiheno halavu maatyaako hanumanu naane ||9|| baDaraavaNane ninna baDidu haakuveno oDeyanappaNeyilla eMdu taaLidenU huDiyELisuvenu Kulla rakkasane toDeveno ninna paNeya akSharava ||10|| ninnaMtha dUtaru raamana baLiyoLu inneShTu maMdi uMTu hELo nI tvariyaa nannaMtha dUtaru ninnaMtha prEtaru innUru munnUru kOTi kELariyaa |11|| kaDukOpadiMdali KULaraavaNanu suDireMda baalava sutti vasanavanu oDeyana maatige taDebaDeyillade oDane muttidaru gaDimaneyavaru ||12|| taMdaru vasanava taMDataMDadali oMdoMdu mUTe eMbattu kOTiyali caMdadi haraLina tailadoLaddise niMda hanumanu baalava beLesuta ||13|| shaalu sakalaatiyu saaladeyiralu baalera vastrava seLedutaarenalu baalava nillise beMkiyaniDutali kaalamRutyuva keNakidaralli ||14|| kuNikuNidaaDuta kUgi bobbiDuta iNikinODuta asuraranaNakisuta JaNaJaNaJaNarene baaladagaMTeyu manadi shrIraamara paadava neneyuta ||15|| maMgaLaM shrIraamacaMdra mUrutige maMgaLaM sItaadEvi caraNaMgaLige maMgaLavenuta laMkeya suTTu laMGisi asurana gaDDake hiDida ||16|| hattitu asurana gaDDamIsegaLu suttitu hoge brahmaaMDakOTiyoLu cittadi raamaru kOpisuvaru eMdu citradi naDedanu arasaniddeDege ||17|| sIteyakShEmava raamarig~hELi prItiyiM koTTakuruha karadali sEtuve kaTTi caturaMga balasaha muttitu laMkeya sUregaiyutali ||18|| veggaLavaayitu raamara daMDu higgitu laMkeya kOTeya kaMDu heggada kaayvara nuggumaaDutire Jaggane pELdaru raavaNagaMdu ||19|| raavaNamodalaada raakShasara koMdu bhaavashuddhadali vibhIShaNa baaLeMdu dEvi sIteyanoDagoMDu ayOdhyadi dEva shrIraamaru raajyavaaLidaru ||20|| shaMKadaityana koMde sharaNu sharaNayya shaMKagiriyali niMde hanumaMtaraaya paMkajaakSha hayavadanana kaTaakShadi biMkadi paDedeyo ajanapadaviya ||21||