ನಾರಾಯಣ ನಾರಾಯಣ ನಾರಾಯಣ ನಾರಾಯಣ
ನಾರಾಯಣನ್ಯಾರೇ ಪೇಳೆ ಸಖಿ| ನಾರಾಯಣನ್ಯಾರೇ ಪೇಳೆ ಸಖಿ ||ಪ||
ಕ್ಷೀರಸಾಗರದಲ್ಲಿ ಶಯನವ ಮಾಡಿದ ಆದಿನಾರಾಯಣ ನೋಡೇ ಸಖಿ ||ಅಪ||
ಕಾಲಿಲ್ಲದಲೆ ಓಡಿ ಎವೆಯಿಕ್ಕದಲೆ ನೋಡಿ ಮಿಂಚಿನಂತ್ಹೊಳೆಯುವನ್ಯಾರೆ ಸಖಿ|
ವೇದವ ತಂದು ಸುರರಿಗೆ ಕೊಟ್ಟಂಥ ಮತ್ಸ್ಯಾವತಾರನ್ನ ನೋಡೆ ಸಖಿ ||೧||
ತಲೆಯ ತಗ್ಗಿಸುವನು ಕಡಲೊಳು ಆಡುವ| ಕಡೆದರೆ ಕಡಗೋಲನ್ಯಾರೆ ಸಖಿ|
ಸುರರು ದೈತ್ಯರು ಕೂಡಿ ಶರಧಿಯ ಮಥಿಸಲು ಕೂರ್ಮಾವತಾರನೆ ಇಂದುಮುಖಿ ||೨||
ಮಾರಿ ತಗ್ಗಿಸುವನು ಮಣ್ಣು ಚಿಮ್ಮಿ ಬಿಡುವ ಕೋರೆದಾಡೆಯವನ್ಯಾರೇ ಸಖಿ|
ದುರುಳನ್ನ ಕೊಂದು ಧರಣಿಯ ತಂದಂಥ ವರಾಹವತಾರನೇ ವಾರಿಜಾಕ್ಷಿ ||೩||
ಕಂಬದಿಂದಲಿ ಬಂದು ಕರುಳನ್ನ ಬಗೆದು ಕೊರಳೊಳು ಹಾಕಿದವನ್ಯಾರೆ ಸಖಿ|
ನರಮೃಗ ರೂಪದಿ ಉದರವ ಸೀಳಿದ ನಾರಸಿಂಹನ ರೂಪ ನೋಡೆ ಸಖಿ ||೪||
ಪುಟ್ಟ ಪಾದದಿಂದ ಸೃಷ್ಟಿಯನಳೆದ ದಿಟ್ಟ ಬ್ರಹ್ಮಚಾರಿ ಯಾರೇ ಸಖಿ|
ಕೊಟ್ಟಿದ್ದು ಸಾಲದೆ ಮೆಟ್ಟಿದ ಶಿರವನ್ನು ಪುಟ್ಟ ವಾಮನ ರೂಪ ನೋಡೇ ಸಖಿ ||೫||
ಕೋಪದಿಂದಲಿ ಬಂದು ಕೊಡಲಿಯನ್ನೆ ಪಿಡಿದು ಕುಲವನ್ನೆ ಸವರಿದವನ್ಯಾರೇ ಸಖಿ|
ರಕ್ತದೊಳಗೆ ಸ್ನಾನ ತರ್ಪಣ ಮಾಡಿದ ವಿಪ್ರ ಭಾರ್ಗವರಾಮ ನೋಡೆ ಸಖಿ ||೬||
ಶೀಘ್ರದಿಂದಲಿ ಬಂದು ಶಬರಿ ಎಂಜಲನುಂಡು ಸೇತುವೆ ಬಂಧನ ಯಾರೇ ಸಖಿ|
ದಶರಥನುದರದಿ ಶಿಶುವಾಗಿ ಜನಿಸಿದ ಕೌಸಲ್ಯಾರಾಮನ್ನ ನೋಡೇ ಸಖಿ ||೭||
ಬ್ರಹ್ಮಾಂಡದೊಳಗೆಲ್ಲಾ ಬಂಡಿಯ ಹೊಡೆದೋನು ಪಾರ್ಥ ಸಾರಥಿ ಇವನ್ಯಾರೇ ಸಖಿ|
ಮಥುರೆಯಲಿ ಹುಟ್ಟಿ ಗೋಕುಲದಿ ಬೆಳೆದ ಗೋಪಾಲಕೃಷ್ಣನ್ನ ನೋಡೇ ಸಖಿ ||೮||
ಮರದೊಳಗೆ ನಿಂತು ಮಾನವ ಕಾಯ್ದಂಥ ಮಾಧವ ಇವನ್ಯಾರೆ ಹೇಳೆ ಸಖಿ|
ತ್ರಿಪುರರ ಸತಿಯರ ವ್ರತಭಂಗ ಮಾಡಿದ ಬೌದ್ಧವತಾರನೇ ಚಂದ್ರಮುಖಿ ||೯||
ಹಯವನೇರಿ ಬಂದು ಧರಣಿಯಲ್ಲಾ ತಿರುಗಿ ಗಿರಿಯಲ್ಲಿ ನಿಂತವನ್ಯಾರೇ ಸಖಿ|
ವೇದಾಂತ ವೇದ್ಯ ಶ್ರೀಪುರಂದರ ವಿಠಲನ್ನ ಲಕ್ಷ್ಮೀರಮಣನ್ನ ನೋಡೇ ಸಖಿ ||೧೦||
nArAyaNa nArAyaNa nArAyaNa nArAyaNa
nArAyaNanyArE pELe saKi| nArAyaNanyArE pELe saKi ||pa||
kShIrasAgaradalli Sayanava mADida AdinArAyaNa nODE saKi ||apa||
kAlilladale ODi eveyikkadale nODi miMcinaMt~hoLeyuvanyAre saKi|
vEdava taMdu surarige koTTaMtha matsyAvatAranna nODe saKi ||1||
taleya taggisuvanu kaDaloLu ADuva| kaDedare kaDagOlanyAre saKi|
suraru daityaru kUDi Saradhiya mathisalu kUrmAvatArane iMdumuKi ||2||
mAri taggisuvanu maNNu cimmi biDuva kOredADeyavanyArE saKi|
duruLanna koMdu dharaNiya taMdaMtha varAhavatAranE vArijAkShi ||3||
kaMbadiMdali baMdu karuLanna bagedu koraLoLu hAkidavanyAre saKi|
naramRuga rUpadi udarava sILida nArasiMhana rUpa nODe saKi ||4||
puTTa pAdadiMda sRuShTiyanaLeda diTTa brahmacAri yArE saKi|
koTTiddu sAlade meTTida Siravannu puTTa vAmana rUpa nODE saKi ||5||
kOpadiMdali baMdu koDaliyanne piDidu kulavanne savaridavanyArE saKi|
raktadoLage snAna tarpaNa mADida vipra BArgavarAma nODe saKi ||6||
SIGradiMdali baMdu Sabari eMjalanuMDu sEtuve baMdhana yArE saKi|
daSarathanudaradi SiSuvAgi janisida kausalyArAmanna nODE saKi ||7||
brahmAMDadoLagellA baMDiya hoDedOnu pArtha sArathi ivanyArE saKi|
mathureyali huTTi gOkuladi beLeda gOpAlakRuShNanna nODE saKi ||8||
maradoLage niMtu mAnava kAydaMtha mAdhava ivanyAre hELe saKi|
tripurara satiyara vrataBaMga mADida bauddhavatAranE caMdramuKi ||9||
hayavanEri baMdu dharaNiyallA tirugi giriyalli niMtavanyArE saKi|
vEdAMta vEdya SrIpuraMdara viThalanna lakShmIramaNanna nODE saKi ||10||
