ತಾರಮ್ಮಯ್ಯ ಯದುಕುಲ | ಪುರಂದರ ವಿಠ್ಠಲ | Tarammayya Yadukula | Purandara Vithala

ಸಾಹಿತ್ಯ : ಶ್ರೀ ಪುರಂದರ ದಾಸರು (ಪುರಂದರ ವಿಠಲ)

Kruti: Sri Purandara dasaru (Purandara vittala)

ತಾರಮ್ಮಯ್ಯ ಯದುಕುಲ ವಾರಿಧಿ ಚಂದ್ರಮನ ||ಪ||

ಮಾರ ಜನಕನ ಮೋಹನಾಂಗನ | 

ಸೇರಿ ಸುಖಿಸೇ ಹಾರೈಸಿ ಬಂದೆವು ||ಅಪ||

ಬಿಲ್ಲು ಹಬ್ಬಗಳಂತೆ ಅಲ್ಲಿ ಬೀದಿ ಶೃಂಗಾರವಂತೆ |

ಮಲ್ಲರ ಕಾಳಗ ಮದ್ದಾನೆಯಂತೆ 

ಫುಲ್ಲಾಕ್ಷನು ತಾನಲ್ಲಿಗೆ ತೆರಳಿದ ||೧||

ಮಧುರಾಪುರವಂತೆ ಅಲ್ಲಿ ಮಾವ ಕಂಸನಂತೆ |

ಒದಗಿದ ಮದಗಜ ತುರಗ ಸಾಲಿನಲ್ಲಿ 

ಮದನ ಮೋಹನ ಕೃಷ್ಣ ಮಧುರೆಗೆ ತೆರಳಿದ ||೨||

ಅತ್ತೆ ಮಾವನ ಬಿಟ್ಟು ಬಂದೆವು ಹಿತ್ತಲ ಬಾಗಿಲಿಂದ 

ಭಕ್ತವತ್ಸನಲ ಬಹು ನಂಬಿದೆವು 

ಉತ್ಸಾಹ ಭಂಗವ ಮಾಡಿದನಮ್ಮ ||೩||

ರಂಗನ ನೆರೆನಂಬಿ ಬಂದೆವು ಸಂಗ ಸುಖವ ಬಯಸಿ |

ಭಂಗಿಸಿ ನಮ್ಮನು ಹ್ಯಾಂಗೆ ಪೋದನಮ್ಮ 

ಮಂಗಳ ಮೂರುತಿ ಮದನ ಗೋಪಾಲನ ||೪||

ಶೇಷಗಿರಿಯ ಮೇಲೆ ಹರಿ ತಾ ವಾಸವಾಗಿಹ ಕಾಣೆ ||

ಸಾಸಿರ ನಾಮದ ಒಡೆಯನೆಂದೆನಿಸಿದ 

ಶ್ರೀಶ ಪುರಂದರ ವಿಠ್ಠಲರಾಯನ ||೫||

tArammayya yadukula vAridhi chaMdramana ||pa||

mAra janakana mOhanAMgana | 

sEri suKisE hAraisi baMdevu ||apa||

 

billu habbagaLaMte alli bIdi SRuMgAravaMte |

mallara kALaga maddAneyaMte 

PullAkShanu tAnallige teraLida ||1||

 

madhurApuravaMte alli mAva kaMsanaMte |

odagida madagaja turaga sAlinalli 

madana mOhana kRuShNa madhurege teraLida ||2||

 

atte mAvana biTTu baMdevu hittala bAgiliMda 

Baktavatsanala bahu naMbidevu 

utsAha BaMgava mADidanamma ||3||

 

raMgana nerenaMbi baMdevu saMga suKava bayasi |

BaMgisi nammanu hyAMge pOdanamma 

maMgaLa mUruti madana gOpAlana ||4||

 

SEShagiriya mEle hari tA vAsavAgiha kANe ||

sAsira nAmada oDeyaneMdenisida 

SrISa puraMdara viThThalarAyana ||5||