ಬಾ ಬಾ ಭಕುತರ ಹೃದಯ ಮಂದಿರ
ಬಾ ಬಾ ಜಗದೋದ್ಧಾರ || ಪ ||
ಬಾ ಬಾ ವೇಂಕಟಾಚಲ ವಿಹಾರ
ಬಾ ಬಾನೇಕಾವತಾರ ಧೀರ-ಶೂರ || ಅಪ ||
ದಕ್ಷ ಕಮಲಾಕ್ಷ ರಾಕ್ಷಸ ಕುಲ ಶಿಕ್ಷ
ಲಕ್ಷ್ಮಣಾಗ್ರಜ ಲಕ್ಷ್ಮೀವಕ್ಷ
ಪಕ್ಷಿವಾಹನ ಪೂರ್ಣಲಕ್ಷಣ ಸರ್ವೇಶ
ಮೋಕ್ಷದಾಯಕ ಪಾಂಡವ ಪಕ್ಷ
ಅಕ್ಷಯವಂತ ಸೂಕ್ಷ್ಮಾಂಬರ ಧರಾ-
ಧ್ಯಕ್ಷ ಪ್ರತ್ಯಕ್ಷದ ದೈವ
ಅಕ್ಷತನಾರೇರ ತಕ್ಷಣದಲಿ ತಂದ
ಅಕ್ಷರ ಪುರುಷ ಗೋವಿಂದ ||೧||
ಜಾಂಬೂನಾದಾಂಬರ ಸಾಂಬಜನಕ-ನೀ
ಲಾಂಬುದ ವರ್ಣಸುಪೂರ್ಣ
ಸಾಂಬವಿನುತ ಸುಗುಣಾಂಬುಧಿ ನಾನಾ ವಿ
ಡಂಬನ ತೋರಿದ ಮಹಿಮ
ಕಾಂಬೆ ನಿನ್ನ ಚರಣಾಂಬುಜ ಮನದೊಳು
ಜಾಂಬವಂತನ ಪರಿಪಾಲಾ ವಿ-
ಶ್ವಂಭರಂಬರಗ್ಗಣಿಯ ಪಡೆದ ವೃ-
ತ್ತುಂಬರೇಶಾಂಬುಧಿ ಶಾಯಿ ||೨||
ತಾಳ ಜಾಗಟೆ ಮದ್ದಳೆ ದುಂದುಭಿ ಭೇರಿ
ಕಹಳೆ ಹೆಗ್ಗಾಳೆ ತಮ್ಮಟೆ ನಿ-
ಸ್ಸಾಳೆ ಪಟಹ ತಂಬೂರಿ ಪಣವ ಕಂಸಾಳೆ
ಕಂಬುಡಿಕ್ಕಿ ವಾದ್ಯ
ಸೂಳೈಸುತಲಿರೆ ಭಾಗವತರು ಸಂ
ಮೇಳದಿ ಕುಣಿದೊಲಿದಾಡೆ
ಸಾಲುಪಂಜಿನ ಗುಂಜಿ ಛತ್ರ ಚಾಮರ ಧ್ವಜ
ಢಾಲುಗಳು ಒಪ್ಪಿರಲು || ೩ ||
ಮೂರು ನಾಮಂಗಳ ಧರಿಸಿದ ದಾಸರು
ವೀರ ಮಾರುತಿ ಮತದವರು
ಸಾರುತ್ತ ಬೊಮ್ಮಾದಿ ಸುರರುಗಳನ್ನು
ತಾರತಮ್ಯದಿಂದ ತಿಳಿದು
ಬಾರಿಬಾರಿಗೆ ನಿಮ್ಮ ಹಾರೈಸಿ ಆನಂದ
ವಾರಿಧಿಯಲಿ ಮಗ್ನರಾಗಿ
ತಾರರು ಮನಸಿಗೆ ಮುರಡು ದೇವತೆಗಳ
ಸಾರ ಹೃದಯ ನಿಂದಿಹರು || ೪ ||
ಬಂಗಾರ ರಥದೊಳು ಶೃಂಗಾರವಾದ ಶ್ರೀ
ಮಂಗಳಾಂಗ ಕಳಿಂಗ
ಭಂಗ ನರಸಿಂಗ ಅಂಗಜ ಜನಕ ಸಾ-
ರಂಗ ರಥಾಂಗ ಪಾಣಿ
ಸಂಗ ನಿಸ್ಸಂಗ ಮಾತಂಗ ವಿಹಂಗ ಪ್ಲ-
ವಂಗ ನಾಯಕ ಪರಿಪಾಲ
ಸಂಗೀತ ಲೋಲ ಗೋಪಾಂಗನೆಯರ ಅಂತ-
ರಂಗ ಸಂತಾಪ ವಿದೂರ || ೫ ||
ತಡಮಾಡಲಾಗದೆ ಪೊಡವೀಶ ನೀನಿಂದು
ತಡೆಯದಲೆ ಪೊರಟರೆ
ತಡೆವರಿನ್ನಾರೈಯ ವಡೆಯ ವೇದವೇದ್ಯ
ಕಡೆಗಣ್ಣಿನಿಂದ ನೋಡಿದಲೆ
ನಡೆವುದು ನುಡಿವುದು ಅಡಿಗಡಿಗೆ ನೀನು
ಬಿಡದೆ ಒಳಗೆ ಹೊರಗಿದ್ದು
ಸಡಗರ ದೈವವೆ ನುಡಿಯ ಲಾಲಿಸುವುದು
ವಡನೊಡನೆ ಪಾಲಿಸುತ್ತ|| ೬ ||
ಹತ್ತವತಾರದ ಹರಿಯೆ ಘನಸಿರಿಯೆ
ನಾನು ಮತ್ತೊಬ್ಬರನು ಹೀಗೆ ಕರೆಯೆ
ನಿನ್ನ ಭೃತ್ಯರ ಸಂಗದೊಳಾಡುವ ದೊರೆಯೆ ಎ-
ನ್ಹತ್ತಿಲಿ ಆಡುವ ಮರಿಯೆ
ಚಿತ್ತದೊಲ್ಲಭ ನಮ್ಮ ವಿಜಯವಿಠ್ಠಲರೇಯ
ಎತ್ತನೋಡಲು ನಿನಗೆ ಸರಿಯೆ
ಅತ್ತಿತ್ತ ಪೋಗದೆ ಇತ್ತ ಬಾರೈಯ ಎ-
ನ್ಹತ್ತಿಲಿ ವೆಂಕಟದೊರೆಯ || ೭ ||
bA bA Bakutara hRudaya maMdira
bA bA jagadOddhAra || pa ||
bA bA vEMkaTAcala vihAra
bA bAnEkAvatAra dhIra-SUra || apa ||
dakSha kamalAkSha rAkShasa kula SikSha
lakShmaNAgraja lakShmIvakSha
pakShivAhana pUrNalakShaNa sarvESa
mOkShadAyaka pAMDava pakSha
akShayavaMta sUkShmAMbara dharA-
dhyakSha pratyakShada daiva
akShatanArEra takShaNadali taMda
akShara puruSha gOviMda ||1||
jAMbUnAdAMbara sAMbajanaka-nI
lAMbuda varNasupUrNa
sAMbavinuta suguNAMbudhi nAnA vi
DaMbana tOrida mahima
kAMbe ninna caraNAMbuja manadoLu
jAMbavaMtana paripAlA vi-
SvaMBaraMbaraggaNiya paDeda vRu-
ttuMbarESAMbudhi SAyi ||2||
tALa jAgaTe maddaLe duMduBi BEri
kahaLe heggALe tammaTe ni-
ssALe paTaha taMbUri paNava kaMsALe
kaMbuDikki vAdya
sULaisutalire BAgavataru saM
mELadi kuNidolidADe
sAlupaMjina guMji Catra cAmara dhvaja
DhAlugaLu oppiralu || 3 ||
mUru nAmaMgaLa dharisida dAsaru
vIra mAruti matadavaru
sArutta bommAdi surarugaLannu
tAratamyadiMda tiLidu
bAribArige nimma hAraisi AnaMda
vAridhiyali magnarAgi
tAraru manasige muraDu dEvategaLa
sAra hRudaya niMdiharu || 4 ||
baMgAra rathadoLu SRuMgAravAda SrI
maMgaLAMga kaLiMga
BaMga narasiMga aMgaja janaka sA-
raMga rathAMga pANi
saMga nissaMga mAtaMga vihaMga pla-
vaMga nAyaka paripAla
saMgIta lOla gOpAMganeyara aMta-
raMga saMtApa vidUra || 5 ||
taDamADalAgade poDavISa nIniMdu
taDeyadale poraTare
taDevarinnAraiya vaDeya vEdavEdya
kaDegaNNiniMda nODidale
naDevudu nuDivudu aDigaDige nInu
biDade oLage horagiddu
saDagara daivave nuDiya lAlisuvudu
vaDanoDane pAlisutta|| 6 ||
hattavatArada hariye Ganasiriye
naanu mattobbaranu hIge kareye
ninna BRutyara saMgadoLaaDuva doreye e-
nhattili ADuva mariye
cittadollaBa namma vijayaviThThalarEya
ettanODalu ninage sariye
attitta pOgade itta bAraiya e-
nhattili veMkaTadoreya || 7 ||
