ಓಡಿ ಬಾರಯ್ಯ ವೈಕುಂಠಪತಿ | ಶ್ರೀ ಪುರಂದರ ವಿಠಲ | Odi Barayya Vaikunta pati | Sri Purandara Dasaru

ರಚನೆ : ಶ್ರೀ ಪುರಂದರ ದಾಸರು (ಪುರಂದರ ವಿಠಲ)

Kruti: Sri Purandara Dasaru (Purandara vittala)

ಓಡಿ ಬಾರಯ್ಯ ವೈಕುಂಠಪತಿ ನಿನ್ನ 

ನೋಡುವೆ ಮನದಣಿಯೆ ||ಪ||

ನೋಡಿ ಮುದ್ದಾಡಿ ಮಾತಾಡಿ ಸಂತೋಷದಿ ಕೂಡಿ

ಪಾಡಿ ಪೊಗಳುವೆನು ಪರಮ ಪುರುಷ ಹರಿ ||ಅಪ||

ಕೆಂದಾವರೆ ಪೋಲ್ವ ಪಾದಗಳಿಂದ ರಂಗ 

ಧಿಂಧಿಮಿ ಧಿಮಿಕೆಂದು ಕುಣಿಯುತಲಿ ||

ಅಂದುಗೆ ಕಿರುಗೆಜ್ಜೆ ನಲಿದಾಡುತ ಬಾರೋ ಅರ-

ವಿಂದ ನಯನ ಗೋವಿಂದ ನೀ ಬಾರೋ ||೧||

ಕೋಟಿ ಸೂರ್ಯ ಪ್ರಕಾಶದಂತೆ

ಕಿರೀಟ ಕುಂಡಲ ಬಾವುಲಿ ಪೊಳೆಯೆ 

ಲಲಾಟದಿ ಕಸ್ತೂರಿ ತಿಲಕವಿಡುವೆ ರಂಗ

ಕೂಟ ಗೋಪಾಲರ ಆಟ ಸಾಕೊ ಈಗ ||೨||

ಎಣ್ಣೂರಿಗತಿರಸ ದಧಿ ಘೃತವೊ ರಂಗ

ಎನ್ನಯ್ಯ ನಿನಗೆ ಕೊಡುವೆ ಬಾರೊ

ಚಿಣ್ಣರ ಒಡನಾಟ ಸಾಕು ಬಿಡೋ ರಂಗ

ಬೆಣ್ಣೆಯ ಮೆಲುವುದು ಬೇಡ ಎನ್ನ ಕಂದ ||೩||

ತುರುಬಿನ ಮೇಲೆ ನಲಿಯುತಲಿರುತಿಹ

ಮರುಗ ಮಲ್ಲಿಗೆ ಜಾಜಿ ತುಲಸಿಯ ದಂಡೆ

ಕರದಲಿ ಪಿಡಿದು ಪೊಂಗೊಳಲನೆ ಊದುತ

ಸರಸದಿಂದಲಿ ನೀ ನಲಿನಲಿದಾಡುತ ||೪||

ಮಂಗಳಾಂಗ ಮೋಹನ ಕಾಯರಂಗ 

ಸಂಗೀತಲೋಲ ಸದ್ಗುಣ ಶೀಲ ||

ಅಂಗನೆಯರಿಗೆಲ್ಲ ಅತಿಪ್ರಿಯನಾದ ಶುಭ-

ಮಂಗಳ ಮೂರುತಿ ಪುರಂದರ ವಿಠಲ ||೫||

ODi bArayya vaikuMThapati ninna 

nODuve manadaNiye ||pa||

 

nODi muddADi mAtADi saMtOShadi kUDi

pADi pogaLuvenu parama puruSha hari ||apa||

 

keMdAvare pOlva pAdagaLiMda raMga 

dhiMdhimi dhimikeMdu kuNiyutali ||

aMduge kirugejje nalidADuta bArO ara-

viMda nayana gOviMda nI bArO ||1||

kOTi sUrya prakaaSadaMte

kirITa kuMDala baavuli poLeye 

lalaaTadi kastUri tilakaviDuve raMga

kUTa gOpaalara ATa saako Iga ||2||

eNNUrigatirasa dadhi GRutavo raMga

ennayya ninage koDuve baaro

ciNNara oDanaaTa saaku biDO raMga

beNNeya meluvudu bEDa enna kaMda ||3||

turubina mEle naliyutalirutiha

maruga mallige jaaji tulasiya daMDe

karadali piDidu poMgoLalane Uduta

sarasadiMdali nI nalinalidaaDuta ||4||

 

maMgaLAMga mOhana kAyaraMga 

saMgItalOla sadguNa SIla ||

aMganeyarigella atipriyanAda SuBa-

maMgaLa mUruti puraMdara viThala ||5||