ಸೋದಾಪುರದಲಿ ನಿಂತ | ಗುರುಜಗನ್ನಾಥ ವಿಠಲ | Sodapuradali Ninta | Sri Guru Jagannatha Dasaru

ಸಾಹಿತ್ಯ : ಶ್ರೀ ಗುರು ಜಗನ್ನಾಥ ದಾಸರು

Kruti:Sri Guru Jagannatha Dasaru

ಸೋದಾಪುರದಲಿ ನಿಂತ ಸುಯತಿವರನ್ಯಾರೇ ಪೇಳಮ್ಮಯ್ಯ ||ಪ|| 

ಭೂದರ ಹಯಮುಖ ಪಾದವ ಭಜಿಸುವ 

ವಾದಿಜಗಕೆ ಮೃಗರಾಜ ಕಾಣಮ್ಮ ||ಅಪ|| 

ಅಂಚೆವಾಹನ ಪ್ರಪಂಚದಿ ಹೊಳೆವ ವಿರಿಂಚಿಗೆ ಸಮನೇನೆ ಪೇಳಮ್ಮಯ್ಯ || 

ಸಂಚಿತ ಕರ್ಮವ ಕುಂಚಿಸಿ ಭಕ್ತರ ಚಂಚಲ ಬಿಡಿಸುವನ್ಯಾರೇ || 

ಲಾಂಚಿತನಾಗಿಹನ್ಯಾರೇ ಚಂಚಲಾಕ್ಷಿ ತಿಳಿ ಪಂಚ ರೂಪಾತ್ಮಕ, 

ಮುಂಚಿಗೆ ಪ್ರಾಣ ವಿರಿಂಚಿ ಕಾಣಮ್ಮ ||೧|| 

ಮಂದಹಾಸ ಮುಖ ಕುಂದ ಕುಟ್ಮಲದಿಂದ ಶೋಭಿಪನ್ಯಾರೇ ಪೇಳಮ್ಮಯ್ಯ 

ವಂದಿಪ ಜನರಘ ವೃಂದ ಕಳೆದು ಆನಂದವ ನೀಡುವನ್ಯಾರೇ, 

ಬೃಂದಾವನ ಪ್ರತಿ ಸುಂದರ ಯತಿವರರಿಂದ ಪೂಜಿತನ್ಯಾರೇ || 

ಇಂದು ಮುಖಿಯೇ ಈತ, ಗಂಧವಾಹನನಾಗಿ ಮಂದಜಾಸರ ಪದನೈದುವನಮ್ಮ ||೨|| 

ಖ್ಯಾತ ಮಹಿಮೆ ಮಾಯಿವ್ರಾತ ವಿಘಾತನ, ಮಾಡಿಹನ್ಯಾರೇ ಪೇಳಮ್ಮಯ್ಯ || 

ಆತುರ ಜನರಿಗೆ ಮಾತಾಪಿತರಂತೆ, ನೀತ ಪಾಲಿಪನ್ಯಾರೇ || 

ದಾತ ಗುರು ಜಗನ್ನಾಥ ವಿಠಲನ ಪ್ರೀತಿಯ ಪಡೆದಿಹನ್ಯಾರೇ || 

ವೀತಭಯ ಪುರುಹೂತ ಪ್ರಮುಖನುತ, ಭೂತನಾಥನ ಪಿತ, ಮಾತರಿಶ್ವನಮ್ಮ ||೩||

sOdApuradali niMta suyativaranyArE pELammayya ||pa|| 

BUdara hayamuKa pAdava Bajisuva 

vAdijagake mRugarAja kANamma ||apa|| 

aMcevAhana prapaMcadi hoLeva viriMcige samanEne pELammayya || 

saMcita karmava kuMcisi Baktara caMcala biDisuvanyArE || 

lAMcitanAgihanyArE caMcalAkShi tiLi paMca rUpAtmaka, 

muMcige prANa viriMci kANamma ||1|| 

maMdahAsa muKa kuMda kuTmaladiMda SOBipanyArE pELammayya 

vaMdipa janaraGa vRuMda kaLedu AnaMdava nIDuvanyArE, 

bRuMdAvana prati suMdara yativarariMda pUjitanyArE || 

iMdu muKiyE Ita, gaMdhavAhananAgi maMdajAsara padanaiduvanamma ||2|| 

KyAta mahime mAyivrAta viGAtana, mADihanyArE pELammayya || 

Atura janarige mAtApitaraMte, nIta pAlipanyArE || 

dAta guru jagannAtha viThalana prItiya paDedihanyArE || 

vItaBaya puruhUta pramuKanuta, BUtanAthana pita, mAtariSvanamma ||3||