ಯಂತ್ರೋದ್ಧಾರಕ ಪ್ರಾಣ ದೇವರ ಸುಳಾದಿ
ಯಂತ್ರೋದ್ಧಾರಕ ಹನುಮ ಸುರಸಾರ್ವಭೌಮ
ಯಂತ್ರಧಾರಕ ಎನಗೆ ಮನಸಿನೊಳಗೆ
ಯಂತ್ರ ವಾಹನನ ಪೂರ್ಣದಯದಿಂದ ಸಕ-
ಲಾಂತರಿಯಾಮಿಯಾಗಿ ಚರಾಚರದಲ್ಲಿ
ತಂತ್ರವನು ನಡಿಸುವ ಮಂತ್ರಿ ಈತನು ಕಾಣೊ ಸ್ವಾ-
ತಂತ್ರ ಪುರುಷ ವಿಜಯವಿಠಲನ್ನ ನಿಜ ಭಕ್ತ
ಅಂತ್ರವಿಲ್ಲದ ತನ್ನ ಸ್ತುತಿಪರನ್ನ ಪೊರೆವ || ೧ ||
ಮಟ್ಟತಾಳ
ವ್ಯಾಸರಾಯರು ತಮ್ಮ ಮೀಸಲ ಮನದಲ್ಲಿ ನಿಧಿ-
ದ್ಯಾಸನ ಧ್ಯಾನದಲಿ ಶ್ರೀಶನ ಪೂಜಿಸಲು
ಆ ಸಮಯದೊಳು ನೀ ಸುಳಿದು ನಿಂದು
ಈ ಶಿಲೆಯೊಳಗೆ ಪ್ರಕಾಶಮಾನವಾಗೆ
ತ್ರಿಸಾಮಾ ವಿಜಯವಿಠಲನ ಸೇವೆ ಹಾ-
ರೈಸಿ ಇಲ್ಲೆ ಮೆರೆದೆ ದಾಸರನ ಪೊರೆದೆ || ೨ ||
ತ್ರಿವಿಡಿತಾಳ
ಮೂರುಕೋಟಿ ಬೀಜಾಕಾರ ಮಂತ್ರವ ಜಪಿಸಿ
ಧಾರಿಯನು ಎರೆದು ನಿನ್ನಯ ಸುಂದರ
ಮೂರುತಿಯನು ನಿರ್ಮಾಣವನು ಮಾಡಿದರು
ಆರುಕೋಣೆ ವಲಯಾಕಾರ ವಾನರ ಬದ್ಧ
ಚಾರು ಶೋಭಿತ ತುಂಗಾತೀರದಲ್ಲಿ ವಾಸ
ವೀರ ವಿಜಯವಿಠಲನ್ನ
ಕಾರುಣ್ಯದಲ್ಲಿ ಅನುಗುಣವಾಗಿ ನಿಂದೆ || ೩ ||
ಧೃವತಾಳ
ಒಂದು ಕೋಟಿ ಬೀಜ ಮಂತ್ರದಿಂದ ಸುತ್ತ ಯಂತ್ರವ ಬರಿಸಿ
ಅಂದು ಪ್ರಾಣ ಪ್ರತಿಷ್ಠೆಯ ಮಾಡಿ ನಿಂದಿರಿಸಿದರು ನಿನ್ನ
ಮಂದಹಾಸದಿ ವ್ಯಾಸ ಮುನಿಗಳು ಒಂದು ಕರದಲಿ ಜಪದಮಾಲೆ
ಒಂದು ಕರ ನಾಭಿ ಕೆಳಗೆ ಚಂದದಿಂದ
ಪದುಮಾಸನದಿಂದ ಕುಳಿತು ನಿತ್ಯ ನಿತ್ಯಾನಂದ ವಿಜಯವಿಠಲನ್ನ
ವಂದಿಸಿ ವರಗಳ ಕೊಡುತ ಬಂದ ನರರ ಪಾಲಿಸುತ್ತ || ೪ ||
ಆದಿತಾಳ
ಭೂತ ಪ್ರೇತ ಪಿಶಾಚ ಪೀಡೆ ವಾತ ಶೀತ ಜ್ವರ ಮಿಕ್ಕಾದ
ಯಾತನೆ ನಾನಾ ಕಠಿಣ ಭೀತಿ ಮತ್ತೆ
ಯಾತರ್ಯಾತರರ್ಥಪೇಕ್ಷಿತ ತೆರದಲೆ
ಆತುರದಿಂದಲೆ ಕೊಟ್ಟು ಪಾತಕವ ಹರಿಸಿ
ಭೂತಭೃತ್ ವಿಜಯವಿಠಲನ
ದೂತರೊಳು ಶ್ರೇಷ್ಠನೀತ || ೫ ||
ಜತೆ
ವ್ಯಾಸಮುನಿ ಪೂಜಿಪ ಯಂತ್ರೋದ್ಧಾರಕ ಹನುಮ
ಈಶಾನಾ ವಿಜಯವಿಠಲನ ದಾಸರ ಪ್ರೇಮ || ೬ ||
Yantroddharaka Prana Devara Suladi
yaMtrOddhAraka hanuma surasArvaBauma
yaMtradhAraka enage manasinoLage
yaMtra vAhanana pUrNadayadiMda saka-
lAMtariyAmiyAgi carAcaradalli
taMtravanu naDisuva maMtri Itanu kANo svA-
taMtra puruSha vijayaviThalanna nija Bakta
aMtravillada tanna stutiparanna poreva || 1 ||
maTTatALa
vyAsarAyaru tamma mIsala manadalli nidhi-
dyAsana dhyAnadali SrISana pUjisalu
A samayadoLu nI suLidu niMdu
I SileyoLage prakASamAnavAge
trisAmA vijayaviThalana sEve hA-
raisi ille merede dAsarana porede || 2 ||
triviDitALa
mUrukOTi bIjAkAra maMtrava japisi
dhAriyanu eredu ninnaya suMdara
mUrutiyanu nirmANavanu mADidaru
ArukONe valayAkAra vAnara baddha
cAru SOBita tuMgAtIradalli vAsa
vIra vijayaviThalanna
kAruNyadalli anuguNavAgi niMde || 3 ||
dhRuvatALa
oMdu kOTi bIja maMtradiMda sutta yaMtrava barisi
aMdu prANa pratiShTheya mADi niMdirisidaru ninna
maMdahAsadi vyAsa munigaLu oMdu karadali japadamAle
oMdu kara nABi keLage caMdadiMda
padumAsanadiMda kuLitu nitya nityAnaMda vijayaviThalanna
vaMdisi varagaLa koDuta baMda narara pAlisutta || 4 ||
AditALa
BUta prEta piSAca pIDe vAta SIta jvara mikkAda
yAtane nAnA kaThiNa BIti matte
yAtaryAtararthapEkShita teradale
AturadiMdale koTTu pAtakava harisi
BUtaBRut vijayaviThalana
dUtaroLu SrEShThanIta || 5 ||
jate
vyAsamuni pUjipa yaMtrOddhAraka hanuma
ISAnA vijayaviThalana dAsara prEma || 6 ||
