ನಿನಗೆ ನೀನೆ ಕೃಷ್ಣ | ಹಯವದನ ಅಂಕಿತ | Ninage Neene Krishna | Sri Vadirajaru

ಸಾಹಿತ್ಯ : ಶ್ರೀ ವಾದಿರಾಜರು (ಹಯವದನ)

Kruti:Sri Vadirajaru (Hayavadana)

ನಿನಗೆ ನೀನೆ ಕೃಷ್ಣ ದಯಮಾಡಿ ಸಲಹಯ್ಯ

ಎನಗೊಂದು ಸಾಧನ ಲೇಸು ಕಾಣಬಾರದು ||ಪ||

ಸ್ನಾನಮಾಡಿಯೆ ನಿನ್ನ ಸಂಪಾದಿಸೇನೆಂದರೆ

ಸ್ನಾನಮಾಡದೇ ಕಪ್ಪೆ ಸರ್ವಕಾಲದಲಿ

ಧ್ಯಾನ ಮಾಡಿಯೇ ನಿನ್ನ ಸಂಪಾದಿಸೇನೆಂದರೆ

ಧ್ಯಾನ ಮಾಡದೇ ಬಕಪಕ್ಷಿಯು ಸರ್ವದಾ ||೧||

ಜಪವ ಮಾಡಿಯೇ ನಿನ್ನ ಕೃಪೆಗೊಳಗಾಗುವೆನೆನೆ

ಜಪದಲ್ಲಿ ಮನಸ್ಸೆನ್ನಾಧೀನವಿಲ್ಲ

ಉಪವಾಸವೇ ಉಚಿತ ಸಾಧನವೆಂಬೆನೆ

ಉಪವಾಸವೇ ಇರದೆ ಉರಗನು ತಾ ಸರ್ವದಾ ||೨||

ಸಂನ್ಯಾಸ ಸುಖಸಾಧನವು ಎಂತೆಂಬೆನೆ

ಸಂನ್ಯಾಸಿಯಾಗಿರನೆ ರಾವಣನು

ಕನ್ಯಾದಾನವೆ ಮುಖ್ಯ ಸಾಧನವೆಂಬೆನೆ

ಕನ್ಯಾದಾನವ ಕೊಡನೆ ಕಂಸಗೆ ಜರಾಸಂಧ ||೩||

ಜಾತಿಲಿ ನಿಮ್ಮ ದಯ ಸಂಪಾದಿಸೇನೆಂದರೆ

ಜಾತಿಲಿ ಕಶ್ಯಪಸುತರು ದೈತ್ಯರಾಗಿರರೆ

ಭೂತಿ ನಿಮ್ಮ ದಯ ಸಂಪಾದಿಸೇನೆಂದರೆ

ಭೂತಿಯಾಗಿರನೆ ಈ ದುರುಳ ದುರ್ಯೋಧನ  ||೪||

ಬಂಧುತ್ವವೇ ಗತಿ ಸಾಧನವೆಂಬೆನೆ

ಬಂಧುತ್ವವಿರದೆ ಶಿಶುಪಾಲನಿಗೆ

ಒಂದಲಿಂದುಚಿತ ಕಾಣೆ ಹಯವದನರಾಯನೆ

ಎಂದೆಂದಿಗೂ ದಾಸನೆಂದೆನಿಸೊ ||೫||

ninage nIne kRuShNa dayamaaDi salahayya

enagoMdu saadhana lEsu kaaNabaaradu ||pa||

snaanamaaDiye ninna saMpaadisEneMdare

snaanamaaDadE kappe sarvakaaladali

dhyaana mADiyE ninna saMpaadisEneMdare

dhyaana maaDadE bakapakShiyu sarvadaa ||1||

japava maaDiyE ninna kRupegoLagaaguvenene

japadalli manassennaadhInavilla

upavaasavE ucita saadhanaveMbene

upavaasavE irade uraganu taa sarvadaa ||2||

saMnyaasa sukhasaadhanavu eMteMbene

saMnyaasiyaagirane raavaNanu

kanyaadaanave mukhya saadhanaveMbene

kanyaadaanava koDane kaMsage jaraasaMdha ||3||

jaatili nimma daya saMpaadisEneMdare

jaatili kaSyapasutaru daityaraagirare

bhUti nimma daya saMpaadisEneMdare

bhUtiyaagirane I duruLa duryOdhana  ||4||

baMdhutvavE gati saadhanaveMbene

baMdhutvavirade SiSupaalanige

oMdaliMducita kaaNe hayavadanaraayane

eMdeMdigU daasaneMdeniso ||5||