ಚಂದ್ರಮಂಡಲ ಪೋಲುವ ಇಂದಿರಾ ಮೊಗವನು
ಚಂದದಿಂದಲಿ ಬಿಡದೆ ಈಕ್ಷಿಸುವ ಲೋಚನ
ಮಂದಹಾಸ ಶೀತಳವಾಗಿ ಪಾದವನು
ಪೊಂದಿದ ಭಕ್ತರನ ನೋಡುವ ಲೋಚನ
ವಂದಿಸಿ ಕೊಂಡಾಡಿ ಒಂದೇ ಭಕುತಿಯಲ್ಲಿ ದೇವನ ನಂಬಲು
ನಂದದಿಂದಲಿ ಸುಧಾ ಬಿಂದುಗರೆವ ಲೋಚನ
ಅಂದು ಪ್ರಹ್ಲಾದಗೆ ಕಂಭದಿಂದಲಿ ಒಲಿದು
ಬಂದು ಹೇರಳವಾಗಿ ಕಿಡಿ ತೋರಿದ ಲೋಚನ
ವೃಂದಾದೊಳಗೆ ಸಕಲ ವೃಕ್ಷ ಜಾತಿಗೆ ಮಿಗಿಲು
ಎಂದೆನಿಸುವ ತುಳಸಿ ಪೆತ್ತ ಲೋಚನ
ಕಂದರ್ಪ ಪಿತ ನಮ್ಮ ವಿಜಯ ವಿಠಲ ನಿನ್ನ
ದ್ವಂದ್ವಾನಂತ ಪೊಳೆವ ಸುಲೋಚನ ||೧||
ಸರಸೀರುಹ ದಳಮರಿಸಿದ ಲೋಚನ
ಕರಿಯ ಮೇಲೆ ದಯಾ ಹರಿಸಿದ ಲೋಚನ
ಕುರುಬಲದಾಯುಷ್ಯ ಹರಿಸಿದ ಲೋಚನ
ಅರುಣ ವರುಣದ ರೇಖೆ ಸ್ಫುರಿತದ ಲೋಚನ
ಕರುಣಿ ಜಿತಾಮನ್ಯು ವಿಜಯವಿಠಲ ಸರ್ವ
ವರ್ಣಾಶ್ರಮದಲ್ಲಿ ಭರಿತ ಲೋಚನ ||೨||
ಜಲನಿಧಿಯ ಮೇಲೆ ತಿರಹಿದ ಲೋಚನ
ಸುಲಲಿತವಾಗಿದ್ದ ಸುಂದರ ಲೋಚನ
ಜಲಜಾಪ್ತ ಶಶಿಯಂತೆ ಒಪ್ಪುವ ಲೋಚನ
ಕಳಂಕವಿಲ್ಲದ ನಿರ್ದೋಷ ಲೋಚನ
ಒಳಗೆ ಹೊರಗೆ ನೋಟ ತುಂಬಿದ ಲೋಚನ
ಸಲೆ ವಿಶಾಲವಾಗಿ ಮಿರುಗುವ ಲೋಚನ
ಬಲು ದೈವಾ ಸುಕೃತ ವಿಜಯ ವಿಠಲ ತಿಮ್ಮ
ಕೆಲಕಾಲ ಜಾಗರವಾಗಿದ್ದ ಲೋಚನ ||೩||
ದಟ್ಟದಾರಿದ್ರ್ಯನ್ನ ದೃಷ್ಟಿಯಿಂದ ನೋಡೆ
ಅಷ್ಟ ಭಾಗ್ಯದ ನೀವಾಭೀಷ್ಟದ ಲೋಚನ
ಕಷ್ಟವಾದರು ಮನ್ನಿಸಿದರೂ ನಿಮಿಷಕ್ಕೆ
ಶ್ರೇಷ್ಠನ್ನ ಮಾಡುವ ಸ್ವಾತಂತ್ರ್ಯ ಲೋಚನ
ಸೃಷ್ಟಿಯೊಳಗೆ ಸಗರ ಕುಲ ಹೆಣಗಲು
ಸುಟ್ಟು ಕಳೆದ ಪರಾಕ್ರಮ ಲೋಚನ
ಶ್ರೇಷ್ಠನಾಮಾ ಸಿರಿ ವಿಜಯ ವಿಠಲರೇಯ
ಇಷ್ಟಾರ್ಥ ಪಾಲಿಪ ಶುಭಕರ ಲೋಚನ ||೪||
ಸರ್ವಬೊಮ್ಮಾಂಡಗಳನ್ನು ಒಳಗಿಟ್ಟ ಲೋಚನ
ಗೀರ್ವಾಣ ಮುನಿ ಜನಕೆ ಮಹಿಮೆ ತೋರಿದ ಲೋಚನ
ಉರ್ವಿಯಾ ಪತಿಗಳನು ಪುಟ್ಟಿಸಿದ ಲೋಚನ
ಸರ್ವಪ್ರಾಣಿಗಳಿಗೆ ಸಾಕಲ್ಯವಾದ ಲೋಚನ
ಚಾರ್ವಾಕ ಖಳರನ್ನು ಜರೆವಂತ ಲೋಚನ
ಸರ್ವಕಾಲದಲ್ಲಿ ಎವೆ ಹಾಕದಿದ್ದ ಲೋಚನ
ಸರ್ವಶಾಸ್ತ್ರಾಭೃತ ವಿಜಯವಿಠಲರೇಯ
ಗೀರ್ವಾಣ ಭಜನೆಯರಿತು ಭಕ್ತರಿಗೀವ ಲೋಚನ ||೫||
ಗುರು ತನುಜನಾ ನಡುಗಿಸಿಕೊಂಡ ಲೋಚನ
ಸಿರಿರಂಗ ಪ್ರಭುರಂಗ ವಿಜಯ ವಿಠಲನ ಲೋಚನ ||೬||
Sri Venkateshwara Lochana Suladi
caMdramaMDala pOluva iMdiraa mogavanu
caMdadiMdali biDade IkShisuva lOcana
maMdahaasa SItaLavaagi paadavanu
poMdida bhaktarana nODuva lOcana
vaMdisi koMDADi oMdE bhakutiyalli dEvana naMbalu
naMdadiMdali sudhaa biMdugareva lOcana
aMdu prahlaadage kaMbhadiMdali olidu
baMdu hEraLavaagi kiDi tOrida lOcana
vRuMdaadoLage sakala vRukSha jaatige migilu
eMdenisuva tuLasi petta lOcana
kaMdarpa pita namma vijaya viThala ninna
dvaMdvaanaMta poLeva sulOcana ||1||
sarasIruha daLamarisida lOcana
kariya mEle dayaa harisida lOcana
kurubaladaayuShya harisida lOcana
aruNa varuNada rEKe sphuritada lOcana
karuNi jitaamanyu vijayaviThala sarva
varNaashramadalli bharita lOcana ||2||
jalanidhiya mEle tirahida lOcana
sulalitavaagidda suMdara lOcana
jalajaapta shashiyaMte oppuva lOcana
kaLaMkavillada nirdOSha lOcana
oLage horage nOTa tuMbida lOcana
sale vishaalavaagi miruguva lOcana
balu daivaa sukRuta vijaya viThala timma
kelakaala jaagaravaagidda lOcana ||3||
daTTadaaridryanna dRuShTiyiMda nODe
aShTa bhaagyada nIvaabhIShTada lOcana
kaShTavaadaru mannisidarU nimiShakke
shrEShThanna maaDuva svaataMtrya lOcana
sRuShTiyoLage sagara kula heNagalu
suTTu kaLeda paraakrama lOcana
SrEShThanaamaa siri vijaya viThalarEya
iShTaartha paalipa Subhakara lOcana ||4||
sarvabommaaMDagaLannu oLagiTTa lOcana
gIrvaaNa muni janake mahime tOrida lOcana
urviyA patigaLanu puTTisida lOcana
sarvapraaNigaLige saakalyavaada lOcana
caarvaaka KaLarannu jarevaMta lOcana
sarvakaaladalli eve haakadidda lOcana
sarvashaastraabhRuta vijayaviThalarEya
gIrvaaNa bhajaneyaritu bhaktarigIva lOcana ||5||
guru tanujanaa naDugisikoMDa lOcana
siriraMga prabhuraMga vijaya viThalana lOcana ||6||
