ಎಂಥಾ ಪಾವನ ಪಾದವೊ | ಶ್ರೀ ವಾದಿರಾಜರು | Entha Pavana Padavo | Sri Vadirajara kruti

ಸಾಹಿತ್ಯ : ಶ್ರೀ ವಾದಿರಾಜರು (ಹಯವದನ)

Kruti:Sri Vadirajaru (Hayavadana)

ಎಂಥಾ ಪಾವನ ಪಾದವೊ ಕೃಷ್ಣಯ್ಯ ಇ-

ನ್ನೆಂಥಾ ಚೆಲುವ ಪಾದವೊ ||ಪ||

ಎಂಥಾ ಪಾವನ ಪಾದ ಇಂತು ಜಗದಿ ಕೇಳು

ಪಂಥದೊಳಿದ್ದ ಕುರುಪತಿಯ ಉರುಳಿಸಿದ ||ಅಪ|| 

ಹಲವು ಕಾಲಗಳಿಂದಲ್ಲಿ ಮಾರ್ಗದಿ

ಶಿಲೆ ಶಾಪ ಪಡೆದಿರಲು

ಒಲಿದು ರಜದಿ ಪಾವನಗೈದು ಕರುಣದಿಂದ

ಬಾಲೆಯ ಮಾಡಿ ಸಲಹಿದ ಶ್ರೀಹರಿಯ  ||೧||

ಬಲಿಯ ದಾನವ ಬೇಡಿ ತ್ರೈಲೋಕವ-

ನಳೆದು ಏಕಾಂಘ್ರಿಯಲಿ

ಬೆಳೆದು ಭೇದಿಸಲಾಗ ನಳಿನಜಾಂಡವ ಸೋಕಿ

ಚೆಲುವ ಗಂಗೆಯ ಪೆತ್ತ ಜಲಜಾಸನಾರ್ಚಿತ ||೨||

ಚೆಂಡು ತರುವ ನೆವದಿ ಕಾಳಿಂಗನು-

ದ್ದಂಡ ಮಡುವ ಧುಮುಕಿ

ಚಂಡ ಕಾಳಿಂಗನ ಮಂಡೆಯೊಳು ಪಾದ_

ಪುಂಡರೀಕವನಿಟ್ಟು ತಾಂಡವನಾಡಿದ ||೩||

ಸಂತತ ಸೌಖ್ಯವೀವ ಕಾವೇರಿಯ

ಅಂತರಂಗದಿ ನೆಲೆಸಿ

ಸಂತೋಷದಿಂದ ಅನಂತನ ಮ್ಯಾಲೆ ನಿ-

ಶ್ಚಿಂತೆಯೊಳು ಲಕುಮಿ ಭೂಕಾಂತೇರು ಸೇವಿಪ ||೪||

ಒಲಿದು ಗಯಾಸುರನ ಶಿರದೊಳಿಟ್ಟು

ಹಲವು ಭಕ್ತರ ಪೊರೆದೆ

ನೆಲೆಸಿ ಉಡುಪಿಲಿ ಎನ್ನ ಹೃದಯಕಮಲದಲ್ಲಿ

ತೊಲಗದೆ ಇರುತಿಪ್ಪ ಸುಲಭ ಹಯವದನನ ||೫||

eMthaa paavana paadavo kRuShNayya i-

nneMthaa cheluva paadavo ||pa||

eMthaa paavana paada iMtu jagadi kELu

paMthadoLidda kurupatiya uruLisida ||apa|| 

halavu kaalagaLiMdalli maargadi

shile shaapa paDediralu

olidu rajadi paavanagaidu karuNadiMda

baaleya maaDi salahida shrIhariya  ||1||

baliya daanava bEDi trailOkava-

naLedu EkaaMghriyali

beLedu bhEdisalaaga naLinajaaMDava sOki

cheluva gaMgeya petta jalajaasanaarchita ||2||

cheMDu taruva nevadi kaaLiMganu-

ddaMDa maDuva dhumuki

chaMDa kaaLiMgana maMDeyoLu paada_

puMDarIkavaniTTu taaMDavanaaDida ||3||

saMtata soukhyavIva kaavEriya

aMtaraMgadi nelesi

saMtOShadiMda anaMtana myaale ni-

shchiMteyoLu lakumi bhUkaaMtEru sEvipa ||4||

olidu gayaasurana shiradoLiTTu

halavu bhaktara porede

nelesi uDupili enna hRudayakamaladalli

tolagade irutippa sulabha hayavadanana ||5||