ಬಾರೋ ಗುರು ರಾಘವೇಂದ್ರ | ಶ್ರೀ ಗುರು ಶ್ರೀಶವಿಠಲ ದಾಸರು | Baaro Guru Raghavendra | Sri Guru Shrisha Vithala

ಸಾಹಿತ್ಯ : ಶ್ರೀ ಗುರು ಶ್ರೀಶವಿಠಲ ದಾಸರು

Kruti:Sri Guru Shrisha Vithala Dasaru

ಬಾರೋ ಗುರು ರಾಘವೇಂದ್ರ | ಬಾರಯ್ಯ ಬಾಬಾ ||ಪ||

ಹಿಂದು ಮುಂದಿಲ್ಲೆನಗೆ ನೀ ಗತಿ ಎಂದು ನಂಬಿದೆ ನಿನ್ನ ಪಾದವ 

ಬಂಧನವ ಬಿಡಿಸೆನ್ನ ಕರಪಿಡಿ ನಂದಕಂದ ಮುಕುಂದ ಬಂಧು ||ಅಪ||

ಸೇವಕನೆಲೋ ನಾನು ಧಾವಿಸಿ ಬಂದೆನೋ | ಸೇವೆ ನೀಡೆಲೋ ನೀನು ||

ಸೇವಕನ ಸೇವೆಯನು ಸೇವಿಸಿ ಸೇವ್ಯ ಸೇವಕ ಭಾವವೀಯುತ |

ಠಾವುಗಾಣಿಸಿ ಪೊರೆಯೋ ಜಗದೊಳು ಪಾವನಾತ್ಮಕ ಕಾವ ಕರುಣಿ ||೧||

ಕರೆದರೆ ಬರುವಿಯೆಂದು ಸಾರುವುದು ಡಂಗುರ ತ್ವರಿತದಿ ಒದಗೋ ಬಂದು ||

ಜರಿಯ ಬೇಡವೋ ಬರಿದೇ ನಿನ್ನಯ ವಿರಹ ತಾಳದೆ ಮನದಿ ಕೊರಗುವೆ |

ಹರಿಯ ಸ್ಮರಣೆಯ ನಿರುತದಲಿಯನಗ್ಹರುಷದಲಿ ನೀನಿರುತ ಕೊಡುತಲಿ ||೨||

ನರಹರಿ ಪ್ರಿಯನೇ ಬಾ ಗುರು ಶ್ರೀಶವಿಠಲನ ಕರುಣ ಪಾತ್ರನೆ ಬೇಗ ಬಾ ||

ಗುರುವರನೆ ಪರಿಪೋಷಿಸೆನ್ನನು ಮರೆಯದಲೆ ತವ ಚರಣ |

ಕೋಟೆಯಲಿರಿಸಿ ಚರಣಾಂಬುಜವ ತೋರುತ ತ್ವರಿತದಲಿ ಓಡೋಡಿ ಬಾಬಾ ||೩||  

bArO guru rAGavEMdra | bArayya bAbA ||pa||

 

hiMdu muMdillenage nI gati eMdu naMbide ninna pAdava 

baMdhanava biDisenna karapiDi naMdakaMda mukuMda baMdhu ||apa||

 

sEvakanelO nAnu dhAvisi baMdenO | sEve nIDelO nInu ||

sEvakana sEveyanu sEvisi sEvya sEvaka BAvavIyuta |

ThAvugANisi poreyO jagadoLu pAvanAtmaka kAva karuNi ||1||

 

karedare baruviyeMdu sAruvudu DaMgura tvaritadi odagO baMdu ||

jariya bEDavO baridE ninnaya viraha tALade manadi koraguve |

hariya smaraNeya nirutadaliyanag~haruShadali nIniruta koDutali ||2||

 

narahari priyanE bA guru SrISaviThalana karuNa pAtrane bEga bA ||

guruvarane paripOShisennanu mareyadale tava charaNa |

kOTeyalirisi caraNAMbujava tOruta tvaritadali ODODi bAbA ||3||