ದಾಸನಾಗು ವಿಶೇಷನಾಗು | ಶ್ರೀ ಕನಕದಾಸರು | Dasanagu Visheshanagu | Sri Kanaka Dasaru

ಸಾಹಿತ್ಯ : ಶ್ರೀ ಕನಕದಾಸರು

Kruti: Sri Kanakadasaru

ದಾಸನಾಗು ವಿಶೇಷನಾಗು |ಪ|

ಏಸು ಕಾಯಂಗಳ ಕಳೆದು ೮೪ ಲಕ್ಷ ಜೀವ ರಾಶಿಯನ್ನು ದಾಟಿಬಂದ | 

ಈ ಶರೀರ ತಾನಲ್ಲ ತನ್ನದಲ್ಲ ಆಸೆ ತರವಲ್ಲ ಮುಂದೆ ಬಾಹೋದಲ್ಲ |ಅಪ|

ಆಶಾ ಕ್ಲೇಶ ದೋಷವೆಂಬೋ ಅಬ್ಧಿಯೊಳು ಮುಳುಗಿ ಯಮನ 

ಪಾಶಕ್ಕೊಳಗಾಗದೆ ನಿರ್ದೋಷಿಯಾಗು ಸಂತೋಷಿಯಾಗು|

ಕಾಶಿ ವಾರಣಾಸಿ ಕಂಚಿ ಕಾಳಹಸ್ತಿ ರಾಮೇಶ್ವರ 

ಈಸು ದೇಶ ತಿರುಗಿದರೆ ಬಾಹೋದೇನು ಅಲ್ಲಿ ಹೋದೇನು | 

ದೋಷನಾಶಿ ಕೃಷ್ಣವೇಣಿ ಗಂಗೆ ಗೋದಾವರಿ ಭವ 

ನಾಶೆ ತುಂಗೆ ಭದ್ರೆ ಯಮುನೆ ವಾಸದಲ್ಲಿ ಉಪವಾಸದಲ್ಲಿ  

ಮೀಸಲಾಗಿ ಮಿಂದು ಜಪ ತಪ ಹೋಮ ನೇಮಗಳ| 

ಏಸು ಬಾರಿ ಮಾಡಿದರು ಫಲವೇನು ಈ ಛಲವೇನು |೧|

ಅಂದಿಗೂ ಇಂದಿಗೂ ಒಮ್ಮೆ ಸಿರಿಕಮಲೇಶನನ್ನ 

ಒಂದು ಬಾರಿ ಅರುಹಿಂದ ನೆನೆಯಲಿಲ್ಲ ಮನ ದಣಿಯಲಿಲ್ಲ| 

ಬಂದು ಬಂದು ಭ್ರಮೆಗೊಂಡು ಮಾಯಾ ಮೋಹಕ್ಕೆ ಸಿಲುಕಿ 

ನೊಂದು ಬೆಂದು ಒಂದರಿಂದ ಉಳಿಯಲಿಲ್ಲ ಪಾಪ ಕಳೆಯಲಿಲ್ಲ|

ಸಂದೇಹವ ಮಾಡದಿರು ಅರಿವು ಎಂಬ ದೀಪವಿಟ್ಟು | 

ಇಂದು ಕಂಡ್ಯ ದೇಹದಲ್ಲಿ ಪಿಂಡಾಂಡ ಅಲ್ಲಿ ಬ್ರಹ್ಮಾಂಡ| 

ಇಂದು ಹರಿಯ ಧ್ಯಾನವನ್ನು ಮಾಡಿ ವಿವೇಕದಿ | ಮು-

ಕುಂದನಿಂದ ಮುಕ್ತಿ ಬೇಡು ಕಂಡ್ಯ ನೀ ನೋಡು ಕಂಡ್ಯ |೨|

ನೂರು ಬಾರಿ ಶರಣು ಮಾಡಿ ನೀರಲ್ ಮುಳುಗಲ್ಲ್ಯಾಕೆ 

ಪರನಾರಿಯರ ನೋಟಕ್ಕೆ ಗುರಿಯ ಮಾಡಿದಿ ಮನ ಸೆರೆಯ ಮಾಡಿದಿ

ಸೂರೆಯೊಳು ಸೂರೆ ತುಂಬಿ ಮ್ಯಾಲೆ ಹೂವಿನ ಹಾರ 

ಗೀರು ಗಂಧ ಅಕ್ಷತೆಯ ಧರಿಸಿದಂತೆ ನೀ ಮೆರೆಸಿದಂತೆ|

ಗಾರುಡಿಯ ಮತವ ಬಿಟ್ಟು ನಾದ ಬ್ರಹ್ಮನ ಪಿಡಿದು 

ಸಾರೆ ಸೂರಿ ಮುಕ್ತಿ ಕೊಳ್ಳೋ ಶಮನದಿಂದ ಮತ್ತೆ ಸುಮನದಿಂದ|   

ನಾರಾಯಣ ಅಚ್ಯುತ ಅನಂತಾದಿ ಕೇಶವನ 

ಸಾರಾಮೃತವನುಂಡು ಸ್ತುತಿಸೋ ಲಂಡ ಜೀವವೇ ಎಲೆ ಭಂಡ ಜೀವವೆ |೩|

dAsanAgu viSEShanAgu |pa|

Esu kAyaMgaLa kaLedu 84 lakSha jIva rASiyannu dATibaMda | 

I SarIra tAnalla tannadalla Ase taravalla muMde bAhOdalla |apa|

 

ASaa klESa dOShaveMbO abdhiyoLu muLugi yamana 

pASakkoLagAgade nirdOShiyAgu saMtOShiyAgu|

kASi vAraNAsi kaMci kALahasti rAmESvara 

Isu dESa tirugidare bAhOdEnu alli hOdEnu | 

dOShanASi kRuShNavENi gaMge gOdAvari Bava 

nAShe tuMge Badre yamune vAsadalli upavAsadalli 

mIsalAgi miMdu japa tapa hOma nEmagaLa| 

Esu bAri mADidaru PalavEnu I CalavEnu |1|

 

aMdigU iMdigU omme sirikamalESananna 

oMdu bAri aruhiMda neneyalilla mana daNiyalilla| 

baMdu baMdu BramegoMDu mAyA mOhakke siluki 

noMdu beMdu oMdariMda uLiyalilla pApa kaLeyalilla|

saMdEhava mADadiru arivu eMba dIpaviTTu | 

iMdu kaMDya dEhadalli piMDAMDa alli brahmAMDa| 

iMdu hariya dhyAnavannu mADi vivEkadi | mu-

kuMdaniMda mukti bEDu kaMDya nI nODu kaMDya |2|

 

nUru bAri SaraNu mADi nIral muLugalyAke 

paranAriyara nOTakke guriya mADidi mana sereya mADidi 

sUreyoLu sUre tuMbi myAle hUvina hAra 

gIru gaMdha akShateya dharisidaMte nI meresidaMte|

gAruDiya matava biTTu nAda brahmana piDidu 

sAre sUri mukti koLLo SamanadiMda matte sumanadiMda| 

nArAyaNa acyuta anaMtAdi kESavana 

sArAmRutavanuMDu stutisO laMDa jIvavE ele BaMDa jIvave |3|