ಸಾಗಿ ಬಾರೋ ಗುರು ರಾಘವೇಂದ್ರ | ಶ್ಯಾಮಸುಂದರ | Saagi Baaro Guru Raghavendra | Shyamasundara

ಸಾಹಿತ್ಯ : ಶ್ರೀ ಶ್ಯಾಮಸುಂದರ ದಾಸರು

Kruti: Sri Shyamasundara Dasaru

ಸಾಗಿ ಬಾರೋ ಗುರು ರಾಘವೇಂದ್ರರಾಯ ವರಸತ್ಕವಿಗೇಯಾ ||ಪ||

ಕೂಗುತ ಕರೆಯುತ ಭಾಗವತರ ಮೊರೆಯ ಲಾಲಿಸೋ ಮುನಿವರ್ಯ ||ಅಪ||

ಪಾವನ ಘನ ವೃಂದಾವನ ಮಂದಿರನೇ ಸದ್ಗುಣ ಬಂಧುರನೇ

ಪಾವಮಾನಿ ಮತ ಶರಧಿಗೆ ಚಂದಿರನೇ ದರಸಮ ಕಂದರನೇ

ಛಾವಣಿಪುರ ಸುಜನಾವಳಿ ಕೋರಿಕೆಯ ಗರೆಯಲು ಶುಭಕಾಯ ||೧||

ಶರಣು ಜನರು ಮೈ ಮರೆದು ಕರೆಯಲಾಗಿ ನಿಲ್ಲದೆ ವರಯೋಗಿ

ಭರದಿ ಬಂದು ಕರ ಪಿಡಿಯುವ ದೊರೆ ನೀನು ಎಂದರಿತೆವು ಸುರಧೇನು

ಕರುಣಾಕರ ಗತಿ ನಾಯಕ ನೀನೆಂದು ಭಜಿಪೆವು ದಯಾಸಿಂಧು ||೨||

ಶ್ಯಾಮಸುಂದರನ ಪ್ರೇಮ ಪಡೆದಾತ ಜಗದೊಳಗೆ ಪ್ರಖ್ಯಾತ

ನಿಯಮದಿ ಭಜಿಪರ ಕಾಮಿತ ಕೊಡುವಾತ ದೈಶಿಕ ಕುಲನಾಥ

ಹೇಮಶಯ್ಯ ಸುಕುಮಾರ ಮಮತೆಯಿಂದ ಮಂತ್ರಾಲಯದಿಂದ ||೩||

sAgi bArO guru rAGavEMdrarAya varasatkavigEyA ||pa||

kUguta kareyuta BAgavatara moreya lAlisO munivarya ||apa||

pAvana Gana vRuMdAvana maMdiranE sadguNa baMdhuranE

pAvamAni mata Saradhige caMdiranE darasama kaMdaranE

ChAvaNipura sujanAvaLi kOrikeya gareyalu SuBakAya ||1||

SaraNu janaru mai maredu kareyalAgi nillade varayOgi

Baradi baMdu kara piDiyuva dore nInu eMdaritevu suradhEnu

karuNAkara gati nAyaka nIneMdu Bajipevu dayAsiMdhu ||2||

SyAmasuMdarana prEma paDedAta jagadoLage praKyAta

niyamadi Bajipara kAmita koDuvAta daiSika kulanAtha

hEmaSayya sukumAra mamateyiMda maMtrAlayadiMda ||3||