ವೀರ ಹನುಮ ಬಹು | ಶ್ರೀ ಪುರಂದರ ವಿಠಲ | Veera Hanuma Bahu | Sri Purandara Dasaru

ಸಾಹಿತ್ಯ : ಶ್ರೀ ಪುರಂದರ ದಾಸರು Kruti: Sri Purandara Dasaru

ವೀರ ಹನುಮ ಬಹು ಪರಾಕ್ರಮ ||ಪ|| ಸುಜ್ಞಾನವಿತ್ತು ಪಾಲಿಸೆನ್ನ ಜೀವರೋತ್ತಮ ||ಅಪ|| ರಾಮದೂತನೆನಿಸಿಕೊಂಡೆ ನೀ | ರಾಕ್ಷಸರ ವನವನೆಲ್ಲ ಕಿತ್ತು ಬಂದೆ ನೀ || ಜಾನಕಿಗೆ ಮುದ್ರೆಯಿತ್ತು ಜಗತಿಗೆಲ್ಲ ಹರುಷವಿತ್ತು ಚೂಡಾಮಣಿಯ ರಾಮಗಿತ್ತು ಲೋಕಕೆ ಮುದ್ದೆನಿಸಿ ಮೆರೆವ ||೧|| ಗೋಪಿಸುತನ ಪಾದ ಪೂಜಿಸಿ | ಗದೆಯ ಧರಿಸಿ ಬಕಾಸುರನ ಸಂಹರಿಸಿದೆ || ದ್ರೌಪದಿಯ ಮೊರೆಯ ಕೇಳಿ ಮತ್ತೆ ಕೀಚಕನ್ನ ಕೊಂದು ಭೀಮನೆಂಬ ನಾಮ ಧರಿಸಿ ಸಂಗ್ರಾಮ ಧೀರನಾಗಿ ಜಗದಿ ||೨|| ಮಧ್ಯಗೇಹನಲ್ಲಿ ಜನಿಸಿ ನೀ | ಬಾಲ್ಯದಲ್ಲಿ ಮಸ್ಕರೀಯ ರೂಪಗೊಂಡೆ ನೀ || ಸತ್ಯವತಿಯ ಸುತನ ಭಜಿಸಿ ಸಮ್ಮುಖದಿ ಭಾಷ್ಯ ಮಾಡಿ ಸಜ್ಜನರ ಪೊರೆವ ಮುದ್ದು ಪುರಂದರ ವಿಠಲ ದಾಸ ||೩|| vIra hanuma bahu parAkrama ||pa|| suj~jAnavittu pAlisenna jIvarOttama ||apa|| rAmadUtanenisikoMDe nI | rAkShasara vanavanella kittu baMde nI || jAnakige mudreyittu jagatigella haruShavittu cUDAmaNiya rAmagittu lOkake muddenisi mereva ||1|| gOpisutana pAda pUjisi | gadeya dharisi bakAsurana saMhariside || draupadiya moreya kELi matte kIcakanna koMdu BImaneMba nAma dharisi saMgrAma dhIranAgi jagadi ||2|| madhyagEhanalli janisi nI | bAlyadalli maskarIya rUpagoMDe nI || satyavatiya sutana Bajisi sammuKadi BAShya mADi sajjanara poreva muddu puraMdara viThala dAsa ||3||