ಧ್ರುವತಾಳ
ಧರೆಯವೊಳಗೆ ನಮ್ಮ ಗುರುರಾಘವೇಂದ್ರರಿನ್ನು |
ಇರುತಿಪ್ಪ ವಿವರ ಅರಿತಷ್ಟು ವರ್ಣಿಸುವೆ |
ಸ್ಥಿರವಾಗಿ ಮಂತ್ರಾಲಯ ಪುರ ತುಂಗಾತೀರದಿ |
ಹರಿಭಕ್ತ ಪ್ರಹ್ಲಾದ ವರಯಾಗ ಮಾಡಿ ಇಲ್ಲಿ |
ಸುರರಿಗಮೃತ ಉಣಿಸಿ ಪರಿಪರಿ ಕ್ರಿಯೆ ಮಾಡಿ |
ಪರಿಶುದ್ಧನಾದನೆಂದು ಅರಿದು ಈ ಸ್ಥಳದಲ್ಲಿ |
ಗುರುರಾಘವೇಂದ್ರರಾಯ ಶರೀರ ಪೋಗಾಡಿಸಿಲ್ಲಿ |
ಪರಲೋಕಕ್ಕೆ ಸಾಧನ ಪರಿಪೂರ್ತಿಯ ಮಾಡಿಕೊಂಡು |
ಸಿರಿಕೃಷ್ಣನ್ನ ಚರಣಕ್ಕೆರಗಿ ಸಂತೋಷದಲ್ಲಿ |
ಧರೆಯ ಮ್ಯಾಲಿದ್ದ ಜನರ ಪೊರೆಯಬೇಕೆಂದೆನುತಾ |
ಹರಿ ನೋಡಿದನು ಇವರ ಪರಮ ದಯಾಳುತನವ |
ಗುರುವಂತರ್ಯಾಮಿಯಾಗಿ ವರವಾನೀಡಲು ಜಗಕೆ |
ನರಹರಿ ತಾನೆ ನಿಂದು ನಿರುತಪೂಜೆಯಗೊಂಡು |
ಸಿರಿವುಳ್ಳ ಕೀರುತಿಯ ಸುರರಪಾಲಕ ಚಕ್ರಧರ |
ನಾರಾಯಣ ತಾನಿವರ ಸನ್ನಿಧನಾಗಿ |
ಇವರಿಗೆ ಫಲತಂದೀವ ಇಹಪರದಲ್ಲಿನ್ನು |
ಕರುಣಾಕರ ರಂಗ ಗೋಪಾಲವಿಠ್ಠಲ ತನ್ನ ಶರಣರ |
ಪೊರೆವಂಥ ಚರಿಯಾ ಪರಿಪರಿ ಉಂಟು || ೧ ||
ಮಟ್ಟತಾಳ
ನರಹರಿ ರಾಮ ಕೃಷ್ಣ ಸಿರಿವೇದವ್ಯಾಸ |
ಎರಡೆರಡು ನಾಲ್ಕು ಹರಿಯ ಮೂರುತಿಗಳು |
ಪರಿವಾರ ಸಹಿತವಾಗಿ ಸಿರಿ ಸಹಿತದಿ ನಿಂದು |
ಸುರಗುರುವರ್ಯರು ಮಧ್ವಾಚಾರ್ಯರೇ ಮೊದಲಾಗಿ |
ತರುವಾಯದಲಿನ್ನು ತಾರತಮ್ಯನುಸಾರ |
ಪರಿಪರಿ ಯತಿಗಳು ಇರುತಿಪ್ಪರು ಇಲ್ಲಿ |
ಹರುಷದಿಂದಲಿ ವೇದಗರೆದು ಶಾಸ್ತ್ರಗಳಿನ್ನು |
ಪರಿಪರಿ ಪುರಾಣಭಾರತಾಗಮದಲ್ಲಿ |
ಸರಿಸರಿ ಬಂದಂತೆ ಸರಿಗಮವೆನುತಲಿ |
ಭರದಿಂದಲಿ ಕುಣಿದು ಭಕುತಿಯಿಂದಲಿ ಇನ್ನು |
ಹರಿಯ ಪೂಜಿಸುತ ಹಗಲಿರುಳು ಬಿಡದೆ |
ಪರತತ್ವದ ವಿವರ ಪರಿಪರಿ ಹೇಳುವರು |
ಗರುಡವಾಹನ ರಂಗ ಗೋಪಾಲವಿಠ್ಠಲ ತನ್ನ|
ಶರಣರ ಪಾಲಿಸುತ ಇರುತಿಪ್ಪನಿಲ್ಲಿ || ೨ ||
ತ್ರಿವಿಡಿತಾಳ
ನರಹರಿರೂಪನಾಗಿ ವಾಸವಾಗಿ ಇಲ್ಲಿ |
ದುರಿತ ದುಷ್ಕೃತ ಬ್ರಹ್ಮಹತ್ಯೆಗಳೋಡಿಸುವ |
ಸಿರಿರಾಮನಾಗಿ ವಾಸವಾಗಿ ಇಲ್ಲಿ |
ಪರಿಪರಿಯಿಂದ ದೇಶಾಂತರ ಅನ್ನ ಕಳಕೊಂಡು |
ನರರಿಲ್ಲಿ ಬಂದರೆ | ಸ್ಥಿರಪಟ್ಟ ಕಟ್ಟುವ |
ಸಿರಿ ಕೃಷ್ಣನಾಗಿ ವಾಸವಾಗಿ ಇಲ್ಲಿ |
ಪರಿಪರಿಯಲಿ ಬಂದ ಪರಮಾತುರರಿಗೆ |
ವರವೀವ ಪುತ್ರೋತ್ಸವ ಮುಂಜಿ ಮದುವೆಯ |
ಹರಕೆಗಳ ಕೈಗೊಂಡು ಹರುಷ ಬಡಿಸುವ |
ಸಿರಿ ವೇದವ್ಯಾಸನಾಗಿ ವಾಸವಾಗಿ ಇಲ್ಲಿ
ಭರದಿಂದ ಬಂದ ದುರುವಾದಿಗಳನೆಲ್ಲ |
ಧುರದಿಂದಲೋಡಿಸಿ ಮುರಿದು ಕುಶಾಸ್ತ್ರವ |
ಹರಿಸರ್ವೋತ್ತಮನೆಂದು ಇರುವನಿಲ್ಲಿ ತೋರಿ |
ಶರಣಜನಕೆ ಇನ್ನು ವರಜ್ಞಾನ ಸುಧೆಯನು
ಕರೆದು ಕೊಡುತಲಿಪ್ಪ ಸಿರಿ ವಂದಿತಪಾದ ಗೋಪಾಲವಿಠ್ಠಲ |
ಪರಿಪರಿಯಲಿ ಇಲ್ಲಿ ವಾಲಗ ಕೈಕೊಳುತಿಪ್ಪ || ೩ ||
ಅಟ್ಟತಾಳ
ರಾಘವೇಂದ್ರನೆಂಬ ರೂಪವೇ ತಾನೇ ಆಗಿ |
ರಾಘವೇಂದ್ರನೆಂಬ ನಾಮ ಇಡಿಸಿಕೊಂಡು |
ರಾಘವೇಂದ್ರರಿನ್ನು ಮಾಡಿದಂಥ ಪುಣ್ಯ |
ಭೋಗವರಿತು ತನ್ನ ಭಾಗವತರ ಕೀರ್ತಿ |
ಸಾಗಿಸಿ ಸಲಹಲಿ ತ್ರಿಜಗದೊಳಗಿನ್ನು |
ಮೇಘ ಸುರಿದಂಥ ಅಮೋಘ ಕೀರುತಿಯನ್ನು |
ರಾಘವ ಇವರಿಗೆ ರಾಜ್ಯದಿ ತಂದೀವ |
ರಾಘವೇಂದ್ರ ಮೂರ್ತಿ ಗೋಪಾಲವಿಠ್ಠಲ |
ಭಾಗವತರಲ್ಲಿ ಬಹು ಪೂಜೆಯನುಗೊಂಬ || ೪ ||
ಆದಿತಾಳ
ದಿನದಿನಕಿಲ್ಲಿ ನೂತನ ಪೂಜೆಗಳಾಗುವವು |
ದಿನದಿನಕಿಲ್ಲಿ ನೂತನ ವಾರ್ತೆಗಳಾಗುವವು |
ದಿನದಿನಕಿಲ್ಲಿ ನೂತನ ಕೀರ್ತಿಗಳಾಗುವವು|
ದಿನದಿನಕಿಲ್ಲಿ ನೂತನ ಉತ್ಸವಗಳಾಗುವವು |
ಜನರ ಸಂದಣಿ ಪ್ರತಿದಿನ ವಿಪ್ರಭೋಜನ |
ಜನರ ಕೈಯಿಂದ ಪ್ರತಿ ಜನರೀಪ್ಸಿತ ತುಂಬುವರು |
ಜನುಮ ಸಫಲ ತಮ್ಮ ಜನನವನೀಗುವರು
ದಿನಸಪ್ತಶತ ಜಗನ್ನಾಥ ತಾನಿಲ್ಲಿ |
ಅನುವಾಗಿ ತಾನಿಂದು ಜನರ ಪಾಲಿಪುದು
ಅನುಮಾನ ಸಲ್ಲದು |
ಗುಣಗಣ ಪರಿಪೂರ್ಣ ಗೋಪಾಲವಿಠ್ಠಲ |
ಅಣೋರಣಿಯಾ ಎಂಬುವಗೆ ಎಣೆಯಾರೊ ಜಗದೊಳಗೆ || ೫ ||
ಜತೆ
ಮಂತ್ರಸಿದ್ಧಿಯಕ್ಷೇತ್ರ ಇದು ನೋಡಿ ಕೋವಿದರು |
ಮಂತ್ರಪ್ರತಿಪಾದ್ಯ ಗೋಪಾಲವಿಠ್ಠಲನಿಂದ || ೬ ||
dhruvatALa
dhareyavoLage namma gururAGavEMdrarinnu |
irutippa vivara aritaShTu varNisuve |
sthiravAgi maMtrAlaya pura tuMgAtIradi |
hariBakta prahlAda varayAga mADi illi |
surarigamRuta uNisi paripari kriye mADi |
pariSuddhanAdaneMdu aridu I sthaLadalli |
gururAGavEMdrarAya SarIra pOgADisilli |
paralOkakke sAdhana paripUrtiya mADikoMDu |
sirikRuShNanna caraNakkeragi saMtOShadalli |
dhareya myAlidda janara poreyabEkeMdenutaa |
hari nODidanu ivara parama dayALutanava |
guruvaMtaryAmiyAgi varavAnIDalu jagake |
narahari tAne niMdu nirutapUjeyagoMDu |
sirivuLLa kIrutiya surarapAlaka cakradhara |
nArAyaNa tAnivara sannidhanAgi |
ivarige PalataMdIva ihaparadallinnu |
karuNAkara raMga gOpAlaviThThala tanna SaraNara |
porevaMtha cariyA paripari uMTu || 1 ||
maTTatALa
narahari raama kRuShNa sirivEdavyAsa |
eraDeraDu nAlku hariya mUrutigaLu |
parivAra sahitavAgi siri sahitadi niMdu |
suraguruvaryaru madhvAcAryarE modalAgi |
taruvAyadalinnu tAratamyanusAra |
paripari yatigaLu irutipparu illi |
haruShadiMdali vEdagaredu SAstragaLinnu |
paripari purANaBAratAgamadalli |
sarisari baMdaMte sarigamavenutali |
BaradiMdali kuNidu BakutiyiMdali innu |
hariya pUjisuta hagaliruLu biDade |
paratatvada vivara paripari hELuvaru |
garuDavAhana raMga gOpAlaviThThala tanna|
SaraNara pAlisuta irutippanilli || 2 ||
triviDitALa
naraharirUpanAgi vAsavAgi illi |
durita duShkRuta brahmahatyegaLODisuva |
sirirAmanAgi vaasavaagi illi |
paripariyiMda dEshaaMtara anna kaLakoMDu |
nararilli baMdare | sthirapaTTa kaTTuva |
siri kRuShNanAgi vAsavAgi illi |
paripariyali baMda paramAturarige |
varavIva putrOtsava muMji maduveya |
harakegaLa kaigoMDu haruSha baDisuva |
siri vEdavyAsanaagi vAsavAgi illi
BaradiMda baMda duruvaadigaLanella |
dhuradiMdalODisi muridu kuSAstrava |
harisarvOttamaneMdu iruvanilli tOri |
SaraNajanake innu varaj~jAna sudheyanu
karedu koDutalippa siri vaMditapAda gOpAlaviThThala |
paripariyali illi vAlaga kaikoLutippa || 3 ||
aTTatALa
rAGavEMdraneMba rUpavE tAnE Agi |
rAGavEMdraneMba nAma iDisikoMDu |
rAGavEMdrarinnu mADidaMtha puNya |
BOgavaritu tanna BAgavatara kIrti |
sAgisi salahali trijagadoLaginnu |
mEGa suridaMtha amOGa kIrutiyannu |
rAGava ivarige rAjyadi taMdIva |
rAGavEMdra mUrti gOpAlaviThThala |
BAgavataralli bahu pUjeyanugoMba || 4 ||
AditALa
dinadinakilli nUtana pUjegaLAguvavu |
dinadinakilli nUtana vArtegaLAguvavu |
dinadinakilli nUtana kIrtigaLAguvavu|
dinadinakilli nUtana utsavagaLAguvavu |
janara saMdaNi pratidina vipraBOjana |
janara kaiyiMda prati janarIpsita tuMbuvaru |
januma saPala tamma jananavanIguvaru
dinasaptashata jagannaatha taanilli |
anuvaagi taaniMdu janara paalipudu
anumAna salladu |
guNagaNa paripUrNa gOpAlaviThThala |
aNOraNiyaa eMbuvage eNeyAro jagadoLage || 5 ||
jate
maMtrasiddhiyakShEtra idu nODi kOvidaru |
maMtrapratipAdya gOpAlaviThThalaniMda || 6 ||
