ರಾಮ ದೂತನ ಪಾದ | ಶ್ರೀ ಗೋಪಾಲ ವಿಠಲ | Rama Dutana Paada | Sri Gopala Vithala

ಸಾಹಿತ್ಯ : ಶ್ರೀ ಗೋಪಾಲ ದಾಸರು (ಗೋಪಾಲ ವಿಠಲ)

Kruti:Sri Gopala Dasaru (Gopala vittala)

ರಾಮ ದೂತನ ಪಾದ ತಾಮರಸವ ಕಂಡ | ಆ ಮನುಜನೆ ಧನ್ಯನು ||ಪ||

ಶ್ರೀ ಮನೋಹರನಂಘ್ರಿ ಭಜಕ ಸ್ತೋಮ ಕುಮುದಕೆ ಸೋಮನೆನಿಸುವ

ಭೂಮಿಯೊಳು ಯದುಗಿರಿಯ ಸೀಮೆಯ ಕಾಮವರದನ ಪ್ರೇಮದಿಂದಿಹ ||ಅಪ||

ಕೋತಿ ರೂಪದಿ ರಘುನಾಥನಾಜ್ಞೆಯ ತಾಳಿ ಪಾಥೋಧಿಯ ಲಂಘಿಸಿ 

ಖ್ಯಾತ ಲಂಕೆಯ ಪೊಕ್ಕು ಶೋಧಿಸಿ ಮಾತೆಯನು ಕಂಡೆರಗಿ ದಶಮುಖ 

ಪೋತ ಖಳಕುಲವ್ರಾತ ಘಾತಿಸಿ ಸೀತೆ ವಾರ್ತೆಯನಾಥಗರುಹಿದ ||೧||

ಪಾಂಡುಸುತನೆ ಪ್ರಚಂಡ ಗದೆಯನ್ನು ದೋರ್ದಂಡದಿ ಧರಿಸುತಲಿ

ಮಂಡಲದೊಳು ಭಂಡಕೌರವ ಚಂಡರಿಪುಗಳ ಖಂಡಿಸಿ ಶಿರ-

ಚೆಂಡನಾಡಿ ಸತಿಗೆ ಕರುಳಿನ ದಂಡೆ ಮುಡಿಸಿದ ಉದ್ಧಂಡ ವಿಕ್ರಮ ||೨||

ಧಾರುಣಿಯೊಳು ದ್ವಿಜನಾರಿ ಗರ್ಭದಿ ಬಂದು ಮೂರೊಂದಾಶ್ರಮ ಧರಿಸಿ

ಧೀರ ನೀನೇಳಧಿಕ ತ್ರಿದಶ ಸಾರಗ್ರಂಥಗಳ ವಿರಚಿಸುತ ಮಹಾ-

ಶೂರ ಶ್ರೀ ಗೋಪಾಲ ವಿಠಲನ ಚಾರುಚರಣಕೆ ಅರ್ಪಿಸಿದ ಗುರು ||೩||

rAma dUtana pAda tAmarasava kaMDa | A manujane dhanyanu ||pa||

 

SrI manOharanaMGri Bajaka stOma kumudake sOmanenisuva

BUmiyoLu yadugiriya sImeya kAmavaradana prEmadiMdiha ||apa||

kOti rUpadi raGunAthanAj~jeya tALi pAthOdhiya laMGisi 

KyAta laMkeya pokku SOdhisi mAteyanu kaMDeragi daSamuKa 

pOta KaLakulavrAta GAtisi sIte vArteyanAthagaruhida ||1||

 

pAMDusutane pracaMDa gadeyannu dOrdaMDadi dharisutali

maMDaladoLu BaMDakaurava caMDaripugaLa KaMDisi shira-

ceMDanADi satige karuLina daMDe muDisida uddhaMDa vikrama ||2||

 

dhAruNiyoLu dvijanAri garBadi baMdu mUroMdASrama dharisi

dhIra nInELadhika tridaSa sAragraMthagaLa viracisuta mahA-

SUra SrI gOpAla viThalana cArucaraNake arpisida guru ||3||