ಊರಿಗೆ ಬಂದರೆ ದಾಸಯ್ಯ | ಪುರಂದರ ವಿಠಲ | Oorige Bandare Dasayya | Sri Purandara Dasaru

ಸಾಹಿತ್ಯ : ಶ್ರೀ ಪುರಂದರ ದಾಸರು (ಪುರಂದರ ವಿಠಲ) Kruti: Sri Purandara Dasaru (Purandara vittala)

ಊರಿಗೆ ಬಂದರೆ ದಾಸಯ್ಯ ನಮ್ಮ ಕೇರಿಗೆ ಬಾ ಕಂಡ್ಯ ದಾಸಯ್ಯ ||ಪ|| ಕೇರಿಗೆ ಬಂದರೆ ದಾಸಯ್ಯ ಗೊಲ್ಲ, ಕೇರಿಗೆ ಬಾ ಕಂಡ್ಯ ದಾಸಯ್ಯ ||ಅಪ|| ಕೊರಳೊಳು ವನಮಾಲೆ ಧರಿಸಿದನೆ ಕಿರು ಬೆರಳಲಿ ಬೆಟ್ಟವನೆತ್ತಿದನೆ || ಇರುಳು ಹಗಲು ನಿನ್ನ ಕಾಣದೆ ಇರಲಾರೆ, ಮರುಳು ಮಾಡಿದಂಥ ದಾಸಯ್ಯ ||೧|| ಕಪ್ಪು ವರ್ಣದ ದಾಸಯ್ಯ ಕಂದರ್ಪನ ಪಿತನೆಂಬೋ ದಾಸಯ್ಯ || ಅಪ್ಪಿಕೊಂಡು ನಿನ್ನ ಮನಸಿಗೆ ಬಂದರೆ, ಅಪ್ಪವ ಕೊಡುವೆನು ದಾಸಯ್ಯ ||೨|| ಮುಂದೇನು ದಾರಿ ದಾಸಯ್ಯ, ಚೆಲ್ವ ಪೊಂಗೊಳಲೂದುತ ದಾಸಯ್ಯ || ಹಾಂಗೆ ಪೋಗದಿರು ದಾಸಯ್ಯ, ಹೊನ್ನುಂಗುರ ಕೊಡುವೆನು ದಾಸಯ್ಯ ||೩|| ಸಣ್ಣ ನಾಮದ ದಾಸಯ್ಯ ನಮ್ಮ ಸದನಕೆ ಬಾ ಕಂಡ್ಯ ದಾಸಯ್ಯ || ಸದನಕೆ ಬಂದರೆ ದಾಸಯ್ಯ, ಮಣಿಸರವನು ಕೊಡುವೆನು ದಾಸಯ್ಯ ||೪|| ಸಿಟ್ಟು ಮಾಡದಿರು ದಾಸಯ್ಯ, ಸಿರಿ ಪುರಂದರ ವಿಠಲ ದಾಸಯ್ಯ || ರಟ್ಟು ಮಾಡದಿರು ದಾಸಯ್ಯ ತಂಬಿಟ್ಟು ಕೊಡುವೆನು ದಾಸಯ್ಯ ||೫|| Urige baMdare dAsayya namma kErige bA kaMDya dAsayya ||pa|| kErige baMdare dAsayya golla, kErige bA kaMDya dAsayya ||apa|| koraLoLu vanamAle dharisidane kiru beraLali beTTavanettidane || iruLu hagalu ninna kANade iralAre, maruLu mADidaMtha dAsayya ||1|| kappu varNada dAsayya kaMdarpana pitaneMbO dAsayya || appikoMDu ninna manasige baMdare, appava koDuvenu dAsayya ||2|| muMdEnu dAri dAsayya, celva poMgoLalUduta dAsayya || hAMge pOgadiru dAsayya, honnuMgura koDuvenu dAsayya ||3|| saNNa nAmada dAsayya namma sadanake bA kaMDya dAsayya || sadanake baMdare dAsayya, maNisaravanu koDuvenu dAsayya ||4|| siTTu mADadiru dAsayya, siri puraMdara viThala dAsayya || raTTu mADadiru dAsayya taMbiTTu koDuvenu dAsayya ||5||