ಏ ರಂಗಧಾಮ ರಂಗ ಏ ರಂಗಧಾಮ ||ಪ||
ನಾರುವ ಮೈಯವನತ್ತಸಾರು ಮುಟ್ಟದಿರೊ ಎನ್ನ
ದೂರನಿಲ್ಲು ತರವಲ್ಲ ಏ ರಂಗಧಾಮ
ಸಾರ ಶ್ರುತಿಗಳ ತಂದು ವಾರಿಜಸಂಭವಗಿತ್ತೆ
ಧೀರ ಮತ್ಸ್ಯರೂಪ ಕಾಣೆ ಎಲೆ ಸತ್ಯಭಾಮೆ ||೧||
ಚೆಂದವಂತನೆಂದು ನಾ ಬಂದೆ ತರ್ಕಿಸಿ ನಿನ್ನ ಬೆನ್ನು
ಡೊಂಕಿದೇನೊ ಪೇಳೊ ಏ ರಂಗಧಾಮ
ಸಿಂಧುಮಥನವ ಮಾಡಲಂದು ಮಂದರ ಮುಳುಗೆ
ಬಂದು ನೆಗಹಿದ ಕೂರ್ಮ ಎಲೆ ಸತ್ಯಭಾಮೆ ||೨||
ನೋಡಿದರೆ ಮೈಯೊಳಗೆ ಮೂಡಿರುವ ರೋಮಗಳು
ಗಾಡಿಕಾರ ನೀನಾರಯ್ಯ ಏ ರಂಗಧಾಮ
ಕ್ರೋಡರೂಪದಿಂದಿಳೆಯ ದಾಡೆಯ ಮೇಲಿಟ್ಟು ತಂದ
ಕಾಡವರಾಹನು ಕಾಣೆ ಎಲೆ ಸತ್ಯಭಾಮೆ ||೩||
ಮನುಷ್ಯನಾಗಿದ್ದ ಮೇಲಣಕಾನನದ ಮೃಗರಾಜ
ಆನನವಿದೇನೊ ಪೇಳೊ ಏ ರಂಗಧಾಮ
ಮಾನಿನಿ ಕೇಳೆ ಪ್ರಹ್ಲಾದನ್ನ ಮಾನಭಂಗಕ್ಕೊದಗಿದ
ಶ್ರೀ ನರಸಿಂಹ ಕಾಣೆ ಎಲೆ ಸತ್ಯಭಾಮೆ ||೪||
ದೊರೆತನವುಳ್ಳವನೆಂದು ಮರುಳುಗೊಂಡೆ ನಾ ನಿನಗೆ
ತಿರುಕನೆಂಬೋದರಿಯದಾದೆನೊ ಏ ರಂಗಧಾಮ
ತರಳೆ ಸುರರಿಗಾಗಿ ಬಲಿಯ ತುಳಿದು ಪಾತಾಳಕೊತ್ತಿದ
ಗರುವ ವಾಮನ ಕಾಣೆ ಎಲೆ ಸತ್ಯಭಾಮೆ ||೫||
ಅಡವಿಯೊಳು ಕಟ್ಟಿಗೆಯ ಕಡಿವವನಂತೆ ಕೊಡಲಿಯ
ಪಿಡಿವುದೇನೊ ಪುಣ್ಯವಾಸ ಏ ರಂಗಧಾಮ
ಮಡುಹಿ ಕ್ಷತ್ರೇರನೆಲ್ಲ ಮುದದಿ ಸೇರ್ದ ಮಾತೆಗಾಗಿ
ಒಡೆಯನಾದ ಪರಶುರಾಮ ಎಲೆ ಸತ್ಯಭಾಮೆ ||೬||
ಊರಬಿಟ್ಟರಣ್ಯವನು ಸೇರಿ ಮುನಿಗಳಂತಿಪ್ಪ
ಕಾರಣವಿದೇನೊ ಪೇಳೊ ಏ ರಂಗಧಾಮ
ಕ್ರೂರ ರಾವಣನ ಗೆಲಿದು ನಾರಿ ಸೀತೆಯನು ತಂದ
ಧೀರ ರಾಘವನು ಕಾಣೆ ಎಲೆ ಸತ್ಯಭಾಮೆ ||೭||
ವಲ್ಲಭೆ ಜನರಿಗೆಲ್ಲ ನೀ ವಲ್ಲಭನಾಗಿ
ಗೊಲ್ಲನಂತೆ ಗೋವಕಾಯುವ ಕಾರಣವೇನೊ ಏ ರಂಗಧಾಮ
ಬಿಲ್ಲಹಬ್ಬಕ್ಕೆ ಹೋಗಿ ಮಲ್ಲ ಕಂಸನ ಕೊಂದ
ಬಲ್ಲಿದ ಶ್ರೀಕೃಷ್ಣ ಕಾಣೆ ಎಲೆ ಸತ್ಯಭಾಮೆ ||೮||
ನಗೆಗೇಡು ಮಾಡಿಕೊಂಡು ದಿಗ್ವಸನನಾಗಿ ನಿಂತ
ಹಗರಣವಿದೇನೊ ಪೇಳೊ ಏ ರಂಗಧಾಮ
ಮಿಗೆ ಮೂರುಪುರದ ಸತಿಯರ ವ್ರತವ ಕೆಡಿಸಿ
ಜಗವ ಮೋಹಿಸುವ ಬೌದ್ಧ ಎಲೆ ಸತ್ಯಭಾಮೆ ||೯||
ಕರದಿ ಖಡ್ಗವನೆ ಪಿಡಿದು ತರಳ ಅಶ್ವವನೇರಿ
ತಿರುಗುವುದಿದೇನು ಪೇಳೊ ಏ ರಂಗಧಾಮ
ವರ ಹಯವದನ ಹರುಷದಿಂದಲಾಡಿ ಪಾಡಿ ಕಲ್ಕಿಯಾದೆ
ಹರಿಲೋಚನೆ ಎಲೆ ಸತ್ಯಭಾಮೆ ||೧೦||
E raMgadhaama raMga E raMgadhaama ||pa||
naaruva maiyavanattasaaru muTTadiro enna
dUranillu taravalla E raMgadhaama
saara shrutigaLa taMdu vaarijasaMbhavagitte
dhIra matsyarUpa kaaNe ele satyabhaame ||1||
ceMdavaMtaneMdu naa baMde tarkisi ninna bennu
DoMkidEno pELo E raMgadhaama
siMdhumathanava maaDalaMdu maMdara muLuge
baMdu negahida kUrma ele satyabhaame ||2||
nODidare maiyoLage mUDiruva rOmagaLu
gaaDikaara nInaarayya E raMgadhaama
krODarUpadiMdiLeya daaDeya mEliTTu taMda
kaaDavaraahanu kaaNe ele satyabhaame ||3||
manuShyanaagidda mElaNakaananada mRugaraaja
AnanavidEno pELo E raMgadhaama
maanini kELe prahlaadanna maanaBaMgakkodagida
SrI narasiMha kaaNe ele satyabhaame ||4||
doretanavuLLavaneMdu maruLugoMDe naa ninage
tirukaneMbOdariyadaadeno E raMgadhaama
taraLe surarigaagi baliya tuLidu paataaLakottida
garuva vaamana kaaNe ele satyabhaame ||5||
aDaviyoLu kaTTigeya kaDivavanaMte koDaliya
piDivudEno puNyavaasa E raMgadhaama
maDuhi kShatrEranella mudadi sErda maategaagi
oDeyanaada paraSuraama ele satyabhaame ||6||
UrabiTTaraNyavanu sEri munigaLaMtippa
kaaraNavidEno pELo E raMgadhaama
krUra raavaNana gelidu naari sIteyanu taMda
dhIra raaGavanu kaaNe ele satyabhaame ||7||
vallabhe janarigella nI vallabhanaagi
gollanaMte gOvakaayuva kaaraNavEno E raMgadhaama
billahabbakke hOgi malla kaMsana koMda
ballida shrIkRuShNa kaaNe ele satyabhaame ||8||
nagegEDu maaDikoMDu digvasananaagi niMta
hagaraNavidEno pELo E raMgadhaama
mige mUrupurada satiyara vratava keDisi
jagava mOhisuva bauddha ele satyabhaame ||9||
karadi KaDgavane piDidu taraLa aSvavanEri
tiruguvudidREnu pELo E raMgadhaama
vara hayavadana haruShadiMdalADi paaDi kalkiyaade
harilOcane ele satyabhaame ||10||
