ವೃಂದಾವನದ ಸೇವೆಯ | ಶ್ರೀ ವಾದಿರಾಜರು | Vrundavanada Seveya | Sri Vadirajaru

ಸಾಹಿತ್ಯ : ಶ್ರೀ ವಾದಿರಾಜರು (ಹಯವದನ)

Kruti:Sri Vadirajaru (Hayavadana)

ವೃಂದಾವನದ ಸೇವೆಯ ಮಾಡಿ ||ಪ||

ವೃಂದಾವನದ ಸೇವೆಮಾಡಿದವರಿಗೆ ಭೂ -

ಬಂಧನ ಬಿಡುಗಡೆಯಾಗುವುದು ||ಅಪ||

ಏಳುತಾಲಿದಿರೆ ಕಂಡು ಕರವ ಮುಗಿದು ಬೇಗೀ-

ರೇಳು ಲೋಕದ ಮಾತೆಗೆ ನಮೋಯೆಂಬೋದಲ್ಲದೆ

ಏಳು ಪ್ರದಕ್ಷಿಣೆಯನು ಮಾಡಿದವರಿಗೆ

ಏಳು ಜನ್ಮದ ಪಾಪ ಹಿಂಗುವುದು ||೧||

ಸಾರಿಸಿ ರಂಗವಲ್ಲಿಯನಿಟ್ಟು ಮೇಲೆ ಪ-

ನ್ನೀರನೆರೆದು ಪ್ರತಿದಿವಸದಲ್ಲಿ

ಸಾರಿ ಸೇವೆಯ ಮಾಡಿದವರಿಗೊಲಿದು ಮುನ್ನ

ಸೇರಿಸುವಳು ತನ್ನ ಪದವಿಯನು ||೨||

ಒಡೆಯನ ಮನೆಗೆ ನೀರುತರುತಲೊಬ್ಬಳು

ಎಡಹಿ ಬಿದ್ದಳು ತನ್ನ ಕೊಡನೊಡೆಯೆ

ಸಿಡಿದು ಶ್ರೀತುಳಸಿಗೆ ತಂಪಾಗಲು ಮುನ್ನ

ಕೊಡಳೆ ಅವಳಿಗೆ ಮೋಕ್ಷಪದವಿಯನು ||೩||

ಕೇಶವ ಎಂಬ ಭೂಸುರಗೆ ಶುಕಯೋಗಿ ಉಪ-

ದೇಶಿಸಿದನು ತನ್ನ ಭಾಗವತದಲ್ಲಿ

ಕಾಸುವೀಸ ಹೊನ್ನು ಹಣ ಸವೆಯದಾಮುನ್ನ ನಿ-

ರಾಶೆಯಿಂದಲಿ ಮುಕ್ತಿ ದೊರಕುವುದು ||೪||

ಪೊಡವಿಗಧಿಕವಾದ ಸೋದೆ ಪುರದ ತ್ರಿವಿಕ್ರಮ

ಎಡಭಾಗದಲಿ ಲಕ್ಷ್ಮೀದೇವಿಯ ಸಹಿತ

ಸಡಗರದಿಂದಲ್ಲಿ ಹಯವದನನ ಪಾದ

ಬಿಡದೆ ಪೂಜಿಸಿ ಭಕ್ತಿ ಪಡೆವಿರಯ್ಯ ||೫||

vRuMdaavanada sEveya maaDi ||pa||

vRuMdaavanada sEvemaaDidavarige bhU -

baMdhana biDugaDeyaaguvudu ||apa||

ELutaalidire kaMDu karava mugidu bEgI-

rELu lOkada maatege namOyeMbOdallade

ELu pradakShiNeyanu maaDidavarige

ELu janmada paapa hiMguvudu ||1||

saarisi raMgavalliyaniTTu mEle pa-

nnIraneredu pratidivasadalli

saari sEveya maaDidavarigolidu munna

sErisuvaLu tanna padaviyanu ||2||

oDeyana manege nIrutarutalobbaLu

eDahi biddaLu tanna koDanoDeye

siDidu shrItuLasige taMpaagalu munna

koDaLe avaLige mOkShapadaviyanu ||3||

kEshava eMba bhUsurage shukayOgi upa-

dEshisidanu tanna bhaagavatadalli

kaasuvIsa honnu haNa saveyadaamunna ni-

raasheyiMdali mukti dorakuvudu ||4||

poDavigadhikavaada sOde purada trivikrama

eDabhaagadali lakShmIdEviya sahita

saDagaradiMdalli hayavadanana paada

biDade pUjisi bhakti paDevirayya ||5||