ರತುನ ದೊರಕಿತಲ್ಲ | ರಚನೆ - ಜಗನ್ನಾಥ ದಾಸರು | Ratuna Dorakitalla | Jagannatha Dasara Kruti

ಸಾಹಿತ್ಯ : ಶ್ರೀ ಜಗನ್ನಾಥ ದಾಸರು (ಜಗನ್ನಾಥ ವಿಠಲ)

Kruti:Sri Jagannatha Dasaru (Jagannatha vittala)

ರತುನ ದೊರಕಿತಲ್ಲ ಎನಗೆ ದಿವ್ಯ-

ರತುನ ದೊರಕಿತಲ್ಲ||ಪ||

ರತುನ ದೊರಕಿತು ಎನ್ನ ಜನ್ಮ ಪ-

ವಿತ್ರವಾಯಿತು ಈ ದಿನವು ನಾ

ಯತನಗೈಯುತ ಬರುತಿರಲು ಪ್ರ-

ಯತನವಿಲ್ಲದೆ ವಿಜಯರಾಯರೆಂಬ ||ಅಪ||

ಪಥದೀ ನಾ ಬರುತಿರಲು ಥಳಥಳವೆಂದು

ಅತಿಕಾಂತಿ ಝಳಪಿಸಲು ಬೆರಗಾಗುತ

ಅತಿಚೋದ್ಯವ ಕಾಣಲು ಸೇವಿಸುತಿರೆ

ಸತತ ಕರಪಿಡಿದಾದರಿಸಿ ಮನೋ

ರಥವ ಪೂರೈಸುತಲಿ ದಿವ್ಯ ಸ-

ನ್ಮತಿಯ ಪಾಲಿಸಿ ಮೋಕ್ಷಸುಪಥವ

ಅತಿಶಯದಿ ತೋರುತಲಿ ಪೊರೆಯುವ ||೧||

ಜ್ಞಾನವೆಂಬೋ ಪುತ್ಥಳಿ ಕಂಬಿಯಲಿ

ಆಣಿಮುತ್ತಿನ ಭಕ್ತಿಲಿ ಸುಕೃತಮಾಲಾ

ನಾನಾ ವಿಧ ಹವಳದಲಿ ಸೇರಿಸುತಿರೆ

ಪ್ರಾಣಪದಕವೆಂಬೊ ಮಾಲಾನು-

ಮಾನವಿಲ್ಲದೆ ಕೊರಳಿಗ್ಹಾಕುತ

ಗಾನದಿಂ ಕುಣಿಯುತಲಿ ಪಾಡುತ

ದೀನಜನರುದ್ಧಾರ ಗೈಯುವ ||೨||

ಶೋಧಿಸಿ ಗ್ರಂಥಗಳ ಸುಳಾದಿಯ

ಮೋದದಿಂದಲಿ ಬಹಳ ಕವಿತೆ ಮಾಡಿ

ಸಾಧುಜನಕೆ ಸುಕಾಲ ಆನಂದವಿತ್ತು

ವಾದಿ ಜನರನು ಗೆದ್ದು ವಾದಿಸಿ

ಮಾಧವ ಜಗನ್ನಾಥವಿಠಲನ

ಪಾದಕಮಲಕೆ ಮಧುಪನಂದದಿ

ಸಾದರದಿ ತೋರಿಸುತ ಮೆರೆಯುವ ||೩||

ratuna dorakitalla enage divya-

ratuna dorakitalla||pa||

ratuna dorakitu enna janma pa-

vitravaayitu I dinavu naa

yatanagaiyuta barutiralu pra-

yatanavillade vijayaraayareMba ||apa||

pathadI naa barutiralu thaLathaLaveMdu

atikaaMti jhaLapisalu beragaaguta

atichOdyava kaaNalu sEvisutire

satata karapiDidaadarisi manO

rathava pUraisutali divya sa-

nmatiya paalisi mOkShasupathava

atishayadi tOrutali poreyuva ||1||

j~jaanaveMbO putthaLi kaMbiyali

ANimuttina bhaktili sukRutamaalaa

naanaa vidha havaLadali sErisutire

praaNapadakaveMbo maalaanu-

maanavillade koraLig~haakuta

gaanadiM kuNiyutali paaDuta

dInajanaruddhaara gaiyuva ||2||

shOdhisi graMthagaLa suLaadiya

mOdadiMdali bahaLa kavite maaDi

saadhujanake sukaala aanaMdavittu

vaadi janaranu geddu vaadisi

maadhava jagannaathaviThalana

paadakamalake madhupanaMdadi

saadaradi tOrisuta mereyuva ||3||