ಧ್ರುವತಾಳ
ಬಾಲಾ ಗೋಪಾಲ ಗುಣಶೀಲಾ ವಿಶಾಲ ಮಹಿಮಾ
ಕಾಲಾ ದೇಶತಃ ಪೂರ್ಣ ನೀಲವರ್ಣ ಕಾಳಿಂಗಮದಭಂಗ
ಕಾಳಿಂದಿಯಾ ರಮಣ ಮೂಲಾವತಾರಾಭೇದ
ಲೀಲಾ ವಿನೋದ ಏಳೇಳು ಲೋಕವ ಆಳುವ ಬಲುದೈವ
ಪಾಲು ಮೊಸರು ಕದ್ದ ಲಾಲಾಸುರಿವ ಶುದ್ಧ
ಆಳಿನ ಮನೋರಥ ಫಾಲಲೋಚನ ವಿನುತ
ಬಾಲೆರ ಮಾನಭಂಗ ಮೌಳಿ ಮುಕುಟ ತುಂಗ
ಲೋಲ ಮನ್ನಾರಿಗುಡಿ ಪಾಲಾ ವಿಜಯವಿಠಲ
ಸೋಳಾಸಾಸಿರ ವಾಮಲೋಚನೇರ ಪ್ರೀಯಾ
ಮಟ್ಟ ತಾಳ
ಅರಿಧರ ಶಿರಿಧರ ಧರಾಧರ ಗಿರಿಧರ
ಸುರಹರ ಸುರವರ ಮುರಹರ ನರವರ
ಕರಿವರತ್ಪರಾತ್ಪರ ವಿಜಯವಿಠಲ ಪೀತಾಂ-
ಬರಧರ ಧಾರ ನಿರುತರ ಪರಿಪೂರ್ಣ
ಶಿರಿಮನ್ನಾರಾದಾ ವರನಿಲಯಾ ಕೃಷ್ಣಾ
ತ್ರಿವಿಡಿ ತಾಳ
ಋಷಿ ಹರಿತಾನೆಂಬಾಂಗೀರಸ ಕುಲದುದುಭವಾ
ವಸುಧಿಯನು ಶೋಧಿಸಿಕೊಳುತ
ಹಸನಾದ ನೆಲವೆ ಕಾಣಿಸದೆ ಇರಲು ತಾ
ಪಸಿಗಾನು ಬಂದಿಲ್ಲಿ ನಸುನಗುತ
ವಸುದೇವ ಸುತನ ಮೆಚ್ಚಿಸುವೆನೆಂದು ಮನಸು
ವಶಮಾಡಿಕೊಂಡು ರಚಿಸಿದನು ತಪವನು
ವಸುಮತೀಶ್ವರ ನಮ್ಮ ವಿಜಯವಿಠಲನ ಸ್ಮ-
ರಿಸುತಲೀ ಪರಿಯಾ ದಿವಸ ಕಳೆಯುತಿರೆ
ಅಟ್ಟತಾಳ
ಮನ್ಯು ಅಧಿಕವಾದ ಮನ್ನಾಸುರ ದೈತ್ಯ
ತನ್ನೆದುರಲಿ ಒಬ್ಬರನ್ನು ಕಾಣೆನೆಂದೂ
ಉನ್ಮತ್ತದಿಂದ ಸನ್ನು ಮುನಿಯ ತಪ-
ವನ್ನೆ ಕೆಡಿಸಲಾಗಿ ಖಿನ್ನ ಮನಸಿನಲ್ಲಿ
ತನ್ನೊಳು ತಾನೆ ಕಾವನ್ನನಯ್ಯನ ಪಾದ-
ವನ್ನು ನೆನೆಸಲು ಸನ್ನಿಧಿಯಾದನು
ಅನಾಥರೊಡೆಯಾ ವಿಜಯವಿಠಲನು ಬಂದು
ಮನ್ನಿಸಿದನು ಋಷಿ ಅನ್ನವಾದವನು
ಆದಿತಾಳ
ಮರುಳ ಮನ್ನಾಸುರನ ಒರೆಸಿ ಮುನಿಯ ಕಾಯ್ದ
ಹರಿಪೆಸರಾದ ಮನ್ನಾರ ಕೃಷ್ಣನೆಂದು ಇಲ್ಲಿ
ಕರೆಸಿಕೊಂಡು ಮೆರೆದನು ತರುಣೇರಸಹಿತದಲ್ಲಿ
ಹರಿದ್ರಾ ನದಿಯೊಳು ಪರಿಪರಿ ಲೀಲೆ ಅ-
ಪರಿಮಿತವಾಗಿ ಆಡಿ ಸುರರು ಭೂಸುರರಿಂದ
ಹಿರಿದು ಸೇವೆಕೊಳ್ಳುತ್ತ ಧರೆಗೆ ದಕ್ಷಿಣದ್ವಾರಾವೆಂದೆನಿಸಿದೆ
ಸರಿಯಾರು ನಿನಗೆ ಸುರತರುವೆ ಕಿಂಕರರಿಗೆ
ಕರುಣಿ ಮನ್ನಾರಿ ಗುಡಿ ವರರಾಜಗೋಪಾಲ
ಅಮರವಿಭವ ವಿಜಯವಿಠಲ ಅರಿದವರೊಡನಿಪ್ಪ
ಜತೆ
ಮಾವಾರಿ ಮನ್ನಾರಿ ನಿಲಯಾ ರಾಜಗೋಪಾಲ
ಗೋವಾಋಷಿಗೆ ಒಲಿದ ವಿಜಯವಿಠಲರೇಯ
dhruvataaLa
baalaa gOpaala guNashIlaa vishaala mahimaa
kaalaa dEshataH pUrNa nIlavarNa kaaLiMgamadabhaMga
kaaLiMdiyaa ramaNa mUlaavataaraabhEda
lIlaa vinOda ELELu lOkava ALuva baludaiva
paalu mosaru kadda laalaasuriva shuddha
ALina manOratha PaalalOcana vinuta
baalera maanabhaMga mouLi mukuTa tuMga
lOla mannaariguDi paalaa vijayaviThala
sOLaasaasira vaamalOcanEra prIyaa
maTTa taaLa
aridhara shiridhara dharaadhara giridhara
surahara suravara murahara naravara
karivaratparaatpara vijayaviThala pItaaM-
baradhara dhaara nirutara paripUrNa
shirimannaaraadaa varanilayaa kRuShNaa
triviDi taaLa
RuShi haritaaneMbaaMgIrasa kuladudubhavaa
vasudhiyanu shOdhisikoLuta
hasanaada nelave kaaNisade iralu taa
pasigaanu baMdilli nasunaguta
vasudEva sutana meccisuveneMdu manasu
vashamaaDikoMDu racisidanu tapavanu
vasumatIshvara namma vijayaviThalana sma-
risutalI pariyaa divasa kaLeyutire
aTTataaLa
manyu adhikavaada mannaasura daitya
tannedurali obbarannu kANeneMdU
unmattadiMda sannu muniya tapa-
vanne keDisalaagi Kinna manasinalli
tannoLu taane kaavannanayyana paada-
vannu nenesalu sannidhiyaadanu
anaatharoDeyaa vijayaviThalanu baMdu
mannisidanu RuShi annavaadavanu
AditaaLa
maruLa mannaasurana oresi muniya kaayda
haripesaraada mannaara kRRuShNaneMdu illi
karesikoMDu meredanu taruNErasahitadalli
haridraa nadiyoLu paripari lIle a-
parimitavaagi ADi suraru bhUsurariMda
hiridu sEvekoLLutta dharege dakShiNadvaaraaveMdeniside
sariyaaru ninage surataruve kiMkararige
karuNi mannaari guDi vararaajagOpaala
amaravibhava vijayaviThala aridavaroDanippa
jate
maavaari mannaari nilayaa raajagOpaala
gOvaaRuShige olida vijayaviThalarEya
