Bhajane - Dasara Hadugalu ಭಜನೆ - ದಾಸರ ಹಾಡುಗಳು

Posts

Showing posts from June, 2022

ಇದೇ ಹಾದಿ ನೀ ಹಿಡಿ | ಶ್ರೀ ವೆಂಕಟೇಶ ವಿಠ್ಠಲ ದಾಸರು | Ide Haadi Ni Hidi | Sri Venkatesha Vithala Dasaru

ರಚನೆ : ಶ್ರೀ ವೆಂಕಟೇಶ ವಿಠಲ ದಾಸರು Krithi : Sri Venkatesha Vittalal Dasaru ಇದೇ ಹಾದಿ ನೀ ಹಿಡಿ ಹಿಡಿ ನಿ- ನ್ನೆದುರಿಗೆ ವೈಕುಂಠ ನಡಿ ನಡಿ ||ಪ|| ಎದುರಿಗೆ ಕಾಂಬುವುದೇ ಮಾರುತಿ ಗುಡಿ ಬಲಕ್ಕ ಮಾರಿ ಮಾಡಿ ಕುದುರೆ ಹೊಡಿ ||ಅಪ|| ಹಗರಿಹಳ್ಳದ ಮ್ಯಾಲ ಕಳ್ಳರೈದಾರು ಮಂದಿ ಸುಳ್ಳು ಹೇಳಿ ತಪ್ಪಿಸ್ಯಾರೋ ಹಾದಿ ಬಲ್ಲವರ ಸಂಗಡ ಸಂಗವ ಮಾಡುತ ಹಳ್ಳ ದಾಟಿದರೆ ನೀ ಪಾರಾದಿ ||೧|| ಆನೆ ಆಡುತಾವೆ ಏಳೆಂಟು ನಿನಗ್ ಅಡ್ಡ ಬರುತಾವೆ ಮುಗ್ಗಟ್ಟು ಏನು ಹೇಳಲಿ ನಾ ತಿಳಿದಷ್ಟು ನಿನ್ನ ಮನದಾಗ ಇರಲಿ ಈ ಗುಟ್ಟು ||೨|| ಎಂಟು ದಳದ ಕಮಲದ ಒಳಗ ಹದಿ- ನೆಂಟು ಆಡುತಾವ ತಿಳಿಬ್ಯಾಗ ಗಂಟೆ ಹೊಡಿ ನಿನ್ನ ಪುರದಾಗ ವೆಂ- ಕಟೇಶ ವಿಠ್ಠಲ ಕಾಂಬುವ ನಿನಗ ||೩|| idE haadi nI hiDi hiDi ni- nnedurige vaikuMTha naDi naDi ||pa|| edurige kaaMbuvudE maaruti guDi balakka maari maaDi kudure hoDi ||apa|| hagarihaLLada myaala kaLLaraidaaru maMdi suLLu hELi tappisyaarO haadi ballavara saMgaDa saMgava maaDuta haLLa daaTidare nI paaraadi ||1|| Ane ADutaave ELeMTu ninag aDDa barutaave muggaTTu Enu hELali naa tiLidaShTu ninna manadaaga irali I guTTu ||2|| eMTu daLada kamalada oLaga hadi- neMTu ADutaava tiLibyaaga gaMTe hoDi ninna puradaaga veM- kaTE...

ರಚನೆ : ಶ್ರೀ ಮೋಹನ ದಾಸರು Krithi: Sri Mohana Dasaru ಲಾಲಿ ಲಾಲಿ ತ್ರಿಭುವನ ಲಾಲಿ ||ಪ|| ಅಂಜನದೇವಿಯ ಕಂದಗೆ ಲಾಲಿ ಕಂಜಾಕ್ಷಿಗೆ ಮುದ್ರಿಕೆಯಿತ್ತಗೆ ಲಾಲಿ ಅಂಜದೆ ಅಸುರರ ಕೊಂದಗೆ ಲಾಲಿ ಸಂಜೀವನ ಗಿರಿ ತಂದಗೆ ಲಾಲಿ ||೧|| ಕುಂತಿಯುದರದಿ ಬಂದಗೆ ಲಾಲಿ ದಂತಿಯ ಗಗನಕ್ಕೆ ಒಗೆದಗೆ ಲಾಲಿ ಭ್ರಾಂತನ ಉದರವ ಬಗೆದಗೆ ಲಾಲಿ ಚಿಂತಾಮಣಿ ಭೀಮರಾಯಗೆ ಲಾಲಿ ||೨|| ಸೋಹಂ ಎಂಬರ ತರಿದಾಗೆ ಲಾಲಿ ದಾಸೋಹಂ ಎಂಬರ ಪೊರೆದಗೆ ಲಾಲಿ ಮೋಹನ್ನ ವಿಠ್ಠಲನ್ನ ಭಜಿಪಗೆ ಲಾಲಿ ಸ್ನೇಹದಿ ಭಕುತರ ಪೊರೆವಗೆ ಲಾಲಿ ||೩|| laali laali tribhuvana laali ||pa|| aMjanadEviya kaMdage laali kaMjaakShige mudrikeyittage laali aMjade asurara koMdage laali saMjIvana giri taMdage laali ||1|| kuMtiyudaradi baMdage laali daMtiya gaganakke ogedage laali bhraaMtana udarava bagedage laali chiMtaamaNi bhImaraayage laali ||2|| sOhaM eMbara taridaage laali daasOhaM eMbara poredage laali mOhanna viThThalanna bhajipage laali snEhadi bhakutara porevage laali ||3||

ಸಾಹಿತ್ಯ : ಶ್ರೀ ಕನಕದಾಸರು Kruti: Sri Kanaka Dasaru ಮುತ್ತು ಬಂದಿದೆ ಕೇರಿಗೆ ಜನರೆಲ್ಲ ಕೇಳಿ ||ಪ|| ಭಕ್ತಿಯುಳ್ಳವರೆಲ್ಲ ಕಟ್ಟಿಕೊಳ್ಳಿ ಸೆರಗಿನಲ್ಲಿ ||ಅಪ|| ಥಳಥಳಿಸುವ ಮುತ್ತು ಕಮಲನೇತ್ರದ ಮುತ್ತು ಕಲುಷಪರ್ವತಕಿದು ಕುಲಿಶವಾಗಿಪ್ಪ ಮುತ್ತು ಹಲಧರಾನುಜನೆಂಬ ಪವಿತ್ರ ನಾಮದ ಮುತ್ತು ಒಲಿದು ಭಜಿಪರ ಭವ ತರಿದು ಕಾಯುವ ಮುತ್ತು ||೧|| ಅಂಜದಿದ್ದವರಿಗೆ ಅಂಜಿಕೆ ತೋರುವ ಮುತ್ತು ಭಂಜಿಸಿದ ಇತರ ಭಯವ ತೋರುವ ಮುತ್ತು ಸಂಜೀವರಾಯರ ಹೃದಯದೊಳಗಿನ ಮುತ್ತು ಕಂಜಭವಾದಿಗಳು ಶಿರಸಾ ವಹಿಸುವ ಮುತ್ತು ||೨|| ಜ್ಞಾನವೆಂಬೊ ದಾರದಲ್ಲಿ ಪೋಣಿಸುವ ಮುತ್ತು ಜ್ಞಾನಿಗಳ ಮನದಲ್ಲಿ ಮೆರೆವ ಮುತ್ತು ಆನಂದತೀರ್ಥರ ಮನದಳೊಪ್ಪುವ ಮುತ್ತು ಶ್ರೀನಿಧಿ ಆದಿಕೇಶವನೆಂಬೊ ಆಣಿಮುತ್ತು ||೩|| muttu baMdide kErige janarella kELi ||pa|| bhaktiyuLLavarella kaTTikoLLi seraginalli ||apa|| thaLathaLisuva muttu kamalanEtrada muttu kaluShaparvatakidu kuliSavaagippa muttu haladharaanujaneMba pavitra naamada muttu olidu bhajipara bhava taridu kaayuva muttu ||1|| aMjadiddavarige aMjike tOruva muttu bhaMjisida itara bhayava tOruva muttu saMjIvaraayara hRudayadoLagina muttu kaMjabhavaadigaLu Sirasaa vahisuva muttu ||2|| j~jaanaveMbo daaradalli pONisuva muttu j~...

ಸಾಹಿತ್ಯ : ಶ್ರೀ ಇಂದಿರೇಶ ದಾಸರು (ಇಂದಿರೇಶ) Kruti: Sri Indiresha Dasaru (Indiresha) ಗೋಪಿ ಬಾಲನೆ ಬಹುಗುಣಶೀಲನೆ ಗೋವುಗಳ ಪಾಲನೆ ನೋಡುವೆ ಬಾ ಬಾ ಬಾ ||ಪ|| ಗೋಪ ರೂಪನೆ ಪಾಪ ದೂರನೆ ನೀಪದೊಳು ಕುಳಿತು ಗೋಪೇರ ವಸ್ತ್ರವ ಶ್ರೀಪತಿ ನೀಡಿದೆ ಬಾ ಬಾ ಬಾ ||೧|| ಸಿಂಧು ಮಂದಿರ ಸುಂದರಾಂಬರ ಮಂದಹಾಸವ ಮಾಡಿ ವಂದಾರುಗಳನೆ ಆನಂದದಿ ನೋಡುವೆ ಬಾ ಬಾ ಬಾ ||೨|| ದೋಷದೂರನೆ ವಾಸುದೇವನೆ ಶೇಷಗಿರಿಯಲಿ ನಿಂತು ದಾಸ ಜನರ ಇಂದಿರೇಶನೆ ಕಾಯುವಿ ಬಾ ಬಾ ಬಾ ||೩|| gOpi baalane bahuguNashIlane gOvugaLa paalane nODuve baa baa baa ||pa|| gOpa rUpane paapa dUrane nIpadoLu kuLitu gOpEra vastrava shrIpati nIDide baa baa baa ||1|| siMdhu maMdira suMdaraaMbara maMdahaasava maaDi vaMdaarugaLane AnaMdadi nODuve baa baa baa ||2|| dOShadUrane vaasudEvane shEShagiriyali niMtu daasa janara iMdirEshane kaayuvi baa baa baa ||3||

ರಚನೆ : ಶ್ರೀ ವಾದಿರಾಜರು (ಹಯವದನ) Kruti:Sri Vadirajaru (Hayavadana) ದಿಮ್ಮಿಸಾಲೆ ರಂಗ ದಿಮ್ಮಿಸಾಲೆ ದಿಮ್ಮಿಸಾಲೆನ್ನಿರೊ ಗೋಮಕ್ಕಳೆಲ್ಲ ನೆರೆದು ||ಪ|| ಗೋಪಾಂಗನೇರ ಮೇಲೆ ಒಪ್ಪಿ ಭಸ್ಮ ಸೂಸುತ ||ಅಪ|| ಶಂಖನಾದ ಕೊಳಲು ಭೇರಿ ಪೊಂಕದಿ ಪಂಚಮಹಾವಾದ್ಯದಿ ಅಂಕವತ್ಸಲನ ನಿರಾತಂಕದಿಂದ ಹಿಡಿವ ಬನ್ನಿ ||೧|| ಗಂಧ ಕಸ್ತೂರಿ ಪುನುಗು ಚೆಂದದಿಂದ ಲೇಪ ಮಾಡಿ ನಂದಗೋಪಸುತನ ಮೇಲೆ ತಂದು ಸೂಸಿ ಭಸ್ಮವ ||೨|| ಎರಳೆಗಣ್ಣಿನ ಬಾಲೇರು ಹರುಷದಿಂದ ಬಂದು ನಿಂತು ವರದ ಕೇಶವನ ಮೇಲೆ ಪರಿದು ಸೂಸಿ ಭಸ್ಮವ ||೩|| ಮತ್ತೆ ಕುಶಲದ ಬಾಲೆಯರು ಎತ್ತರದಲಿ ಬಂದು ನಿಂತು ಚಿತ್ತಜನಯ್ಯನ ಮೇಲೆತ್ತಿ ಸೂಸಿ ಭಸ್ಮವ ||೪|| ವಾದಿರಾಜಗೊಲಿದು ಬಂದು ಸೋದೆಪುರದಲ್ಲಿ ನಿಂದ ಮೋದಿ ಹಯವದನನ ಮೇಲೆ ಪರಿದು ಸೂಸಿ ಭಸ್ಮವ ||೫|| dimmisaale raMga dimmisaale dimmisaalenniro gOmakkaLella neredu ||pa|| gOpaaMganEra mEle oppi bhasma sUsuta ||apa|| SaMkhanaada koLalu bhEri poMkadi paMcamahaavaadyadi aMkavatsalana niraataMkadiMda hiDiva banni ||1|| gaMdha kastUri punugu ceMdadiMda lEpa maaDi naMdagOpasutana mEle taMdu sUsi bhasmava ||2|| eraLegaNNina baalEru haruShadiMda baMdu niMtu varada kESavana mEle paridu sUsi bhasmava ||3|| matte kuSalada baaleyaru ettaradali baMdu ...

ರಚನೆ : ಶ್ರೀ ಜಗನ್ನಾಥ ದಾಸರು (ಜಗನ್ನಾಥ ವಿಠಲ) Kruti:Sri Jagannatha Dasaru (Jagannatha vittala) ದಯಮಾಡೆ ದಯಮಾಡೆ ತಾಯೆ ವಾಗ್ದೇವಿ ||ಪ|| ದಯದಿಂದ ನೀ ಎನ್ನ ನೋಡೇ ವಾಗ್ದೇವಿ ||ಅಪ|| ಹಿತದಿ ಸನ್ಮತಿಯ ಶ್ರೀಮತಿದೇವಿ ನೀ ನೀಡೆ ವ್ರತತಿಜನೇತ್ರೆ ಭಾರತಿ ನೀ ದಯಮಾಡೇ ||೧|| ಸುಮುಖೀ ತ್ವಚ್ಚರಣಾಬ್ಜಧ್ರುಮಛಾಯಾಶ್ರಿತರ ಸುಮತಿಗಳೊಳಗಿಟ್ಟು ಮಮತೆಯಿಂ ಸಲಹೇ ||೨|| ಜಗನ್ನಾಥವಿಠಲನಂಘ್ರಿಗಳ ಸೇವೆಯೊಳು ಸುಗುಣೆ ಸನ್ಮತಿಕೊಟ್ಟು ಬೇಗೆನ್ನ ಸಲಹೇ ||೩|| dayamaaDe dayamaaDe taaye vaagdEvi ||pa|| dayadiMda nI enna nODE vaagdEvi ||apa|| hitadi sanmatiya SrImatidEvi nI nIDe vratatijanEtre bhaarati nI dayamaaDE ||1|| sumukhI tvaccaraNaabjadhrumaCaayaaSritara sumatigaLoLagiTTu mamateyiM salahE ||2|| jagannaathaviThalanaMGrigaLa sEveyoLu suguNe sanmatikoTTu bEgenna salahE ||3||

ರಚನೆ : ಶ್ರೀ ಕನಕದಾಸರು Kruti: Sri Kanakadasaru ಬಂದೆವಯ್ಯ ಗೋವಿಂದಶೆಟ್ಟಿ- ನಿನ್ನ ಹರಿವಾಣ ತೀರ್ಥಪ್ರಸಾದ ಉಂಟೆನಲಾಗಿ ||ಪ|| ಅಪ್ಪವು ಅತಿರಸ ತುಪ್ಪವು ಬಿಸಿಹಾಲು ಒಪ್ಪುವ ಯಾಲಕ್ಕಿ ಶುಂಠಿ ಮೆಣಸು ಅಪರೂಪವಾದ ಕಜ್ಜಾಯರಾಶಿಗಳ ಛಪ್ಪನ್ನ ದೇಶಕ್ಕೆ ಮಾರುವ ಶೆಟ್ಟಿ ||೧|| ಒಡೆದ ಮಡಕೆ ತಂದು ಅರೆದು ನಾಮವ ಮಾಡಿ ಕೊಡುವೆ ನೀ ಕಾಸಿಗೆ ಒಂದೊಂದನು ಒಡಲು ತುಂಬಿ ಮಿಕ್ಕ ಅನ್ನವ ಮಾರಿಸಿ ಒಡವೆಯ ಗಳಿಸುವ ಕಡುಲೋಭಿ ಶೆಟ್ಟಿ ||೨|| ಶೇಷಗಿರಿಯಲ್ಲಿ ವಾಸವಾಗಿಹ ಶೆಟ್ಟಿ ದೇಶದೇಶಕ್ಕೆ ಹೆಸರಾದ ಶೆಟ್ಟಿ ಕಾಸುಕಾಸಿಗೆ ಬಡ್ಡಿಗಳಿಸಿಕೊಂಬ ಆದಿ ಕೇಶವ ನಾರಾಯಣ ತಿಮ್ಮ ಶೆಟ್ಟಿ ||೩|| baMdevayya gOviMdaSeTTi- ninna harivaaNa tIrthaprasaada uMTenalaagi ||pa|| appavu atirasa tuppavu bisihaalu oppuva yaalakki SuMThi meNasu aparUpavaada kajjaayaraaSigaLa Cappanna dESakke maaruva SeTTi ||1|| oDeda maDake taMdu aredu naamava maaDi koDuve nI kaasige oMdoMdanu oDalu tuMbi mikka annava maarisi oDaveya gaLisuva kaDulObhi SeTTi ||2|| SEShagiriyalli vaasavaagiha SeTTi dESadESakke hesaraada SeTTi kaasukaasige baDDigaLisikoMba Adi kESava naaraayaNa timma SeTTi ||3||

ರಚನೆ : ಶ್ರೀ ಪುರಂದರ ದಾಸರು (ಪುರಂದರ ವಿಠಲ) Kruti: Sri Purandara Dasaru (Purandara vittala) ಕೃಷ್ಣಮೂರುತಿ ಕಣ್ಣಮುಂದೆ ನಿಂತಂತೆ ಇದೆ ||ಪ|| ಕಷ್ಟಗಳೆಲ್ಲವ ಪರಿಹರಿಸಿ ಮನ- ದಿಷ್ಟಾರ್ಥಗಳನೆಲ್ಲ ಕೊಟ್ಟು ರಕ್ಷಿಸುವ ||ಅಪ|| ಮಸ್ತಕದಲಿ ಮಾಣಿಕ್ಯದ ಕಿರೀಟ | ಕಸ್ತೂರಿತಿಲಕದಿ ಹೊಳೆವ ಲಲಾಟ | ಹಸ್ತದಿ ಕೊಳಲೂದುವ ಓರೆನೋಟ | ಕೌಸ್ತುಭ ಎಡಬಲದಲ್ಲಿ ಓಲ್ಯಾಟ ||೧|| ಮಘಮಘಿಸುವ ಸೊಬಗಿನ ಸುಳಿಗುರುಳು | ಚಿಗುರುತುಲಸಿವನಮಾಲೆಯ ಕೊರಳು | ಬಗೆಬಗೆ ಹೊನ್ನುಂಗುರವಿಟ್ಟ ಬೆರಳು | ಸೊಗಸಿನ ನಾಭಿಯು ತಾವರೆಯರಳು ||೨|| ಉಡುದಾರ ವಡ್ಯಾಣ ಸಕಲಾಭರಣ | ಬೆಡಗುಪೀತಾಂಬರ ಶತರವಿಕಿರಣ | ಕಡಗ ಗಗ್ಗಗೆ ಪೆಂಡೆಯನಿಟ್ಟ ಚರಣ | ಒಡೆಯ ಪುರಂದರವಿಠಲನ ಕರುಣ ||೩|| kRuShNamUruti kaNNamuMde niMtaMte ide ||pa|| kaShTagaLellava pariharisi mana- diShTArthagaLanella koTTu rakShisuva ||apa|| mastakadali mANikyada kirITa | kastUritilakadi hoLeva lalATa | hastadi koLalUduva OrenOTa | kaustuBa eDabaladalli OlyATa ||1|| maGamaGisuva sobagina suLiguruLu | cigurutulasivanamAleya koraLu | bagebage honnuMguraviTTa beraLu |...

ರಚನೆ : ಶ್ರೀ ಕನಕದಾಸರು Kruti: Sri Kanakadasaru ಎನ್ನ ಕಂದ ಹಳ್ಳಿಯ ಹನುಮ ||ಪ|| ಚೆನ್ನಾಗೈದಾರಾ ಲಕ್ಷ್ಮಣದೇವರು ||ಅಪ|| ತುಪ್ಪ ಪಂಚಾಮೃತವಂದು ಅಡವಿಗಡ್ಡೆಗಳಿಂದು ಕರ್ಪೂರ ವೀಳ್ಯವಂದು ಕುರುಕು ಇಂದು ಸುಪ್ಪತ್ತಿಗೆ ಮಂಚವಂದು ಹುಲ್ಲುಹಾಸಿಗೆಯಿಂದು ಶ್ರೀಪತಿ ರಾಘವ ಕ್ಷೇಮದಲೈದಾರೇ ||೧|| ನವವಸ್ತ್ರಗಳು ಅಂದು ನಾರಸೀರೆಗಳಿಂದು ಹೂವಿನ ಗಂಟು ಅಂದು ಜಡೆಗಳಿಂದು ಜವ್ವಾಜಿಕಸ್ತೂರಿಯಂದು ಭಸಿತ ಧೂಳಿಂದು ಶ್ರೀವರ ರಾಘವ ಕ್ಷೇಮದಲೈದಾರೇ ||೨|| ಕನಕರಥಗಳಂದು ಕಾಲುನಡಿಗೆಯಿಂದು ಘನ ಛತ್ರ ಚಾಮರವಂದು ಬಿಸಿಲು ಇಂದು ಸನಕಾದಿಗಳೋಲೈಪ ಆದಿಕೇಶವ ನಮ್ಮ ಹನುಮೇಶ ರಾಘವ ಕ್ಷೇಮದಲೈದಾರೇ ||೩|| enna kaMda haLLiya hanuma ||pa|| cennaagaidArA lakShmaNadEvaru ||apa|| tuppa paMcaamRutavaMdu aDavigaDDegaLiMdu karpUra vILyavaMdu kuruku iMdu suppattige maMcavaMdu hulluhaasigeyiMdu SrIpati raaGava kShEmadalaidaarE ||1|| navavastragaLu aMdu naarasIregaLiMdu hUvina gaMTu aMdu jaDegaLiMdu javvaajikastUriyaMdu bhasita dhULiMdu SrIvara raaghava kShEmadalaidaarE ||2|| kanakarathagaLaMdu kaalunaDigeyiMdu Gana Catra caamaravaMdu bisilu iMdu sanakaadigaLOlaipa AdikESava namma hanumESa raaghava kShEmadalaidaarE ||3||

ರಚನೆ : ಶ್ರೀ ವಾದಿರಾಜರು (ಹಯವದನ) Kruti:Sri Vadirajaru (Hayavadana) ಲಕ್ಷ್ಮೀ ರಮಣಗೆ ಮಾಡಿದಳು ಉರುಟಾಣಿ ||ಪ|| ಇಳೆಯೊಳಗತಿಜಾಣೆ ಸುಂದರ ಫಣಿವೇಣಿ ||ಅಪ|| ಮಚ್ಛ ಕಚ್ಛಪ ಕಿರನೆ ಕೇಸರಿಯಂದದ ಮುಖನೆ ಸ್ವಚ್ಛಮುಖವ ತೋರೈ ಕುಂಕುಮ ಹಚ್ಚುವೆನು ||೧|| ಬಲಿಯ ದಾನವ ಬೇಡಿ ಇಳೆಯ ಈರಡಿ ಮಾಡಿ ಅಳೆದಡಿಗಳ ತೋರೈ ಅರಿಶಿನ ಹಚ್ಚುವೆನು ||೨|| ದುರುಳ ಕ್ಷತ್ರಿಯರನ್ನು ಕೊರಳ ತರಿದ ಹರಿಯೆ ಹರುಷದಿಂ ಕೊರಳ ತೋರೈ ಗಂಧವ ಹಚ್ಚುವೆನು ||೩|| ದಶರಥನಲಿ ಜನಿಸಿ ದಶಮುಖನ ಸಂಹರಿಸಿ ಶಶಿಮುಖಿಯ ತಂದವನೆ ಕುಸುಮ ಮುಡಿಸುವೆನು ||೪|| ಹದಿನಾರು ಸಾಸಿರ ಸುದತಿಯರನಾಳಿದನೆ ಪದುಮ ಕರವ ತೋರೈ ವೀಳ್ಯವ ಕೊಡುವೆನು ||೫|| ವಸನರಹಿತನಾಗಿ ವಸುಧೆಯ ತಿರುಗಿದೆ ಬಿಸಜನಾಭನೆ ನಿನಗೆ ವಸನ ಉಡಿಸುವೆನು ||೬|| ವರ ತುರಗವನೇರಿ ಕಲಿಯ ಸಂಹರಿಸುವಿ ಸಿರಿಹಯವದನನೆ ಆರತಿಯೆತ್ತುವೆನು ||೭|| lakShmI ramaNage maaDidaLu uruTaaNi ||pa|| iLeyoLagatijaaNe suMdara phaNivENi ||apa|| macCa kacCapa kirane kEsariyaMdada mukhane svacCamukhava tOrai kuMkuma haccuvenu ||1|| baliya daanava bEDi iLeya IraDi maaDi aLedaDigaLa tOrai ariSina haccuvenu ||2|| duruLa kShatriyarannu koraLa tarida hariye haruShadiM koraLa tOrai gaMdhava haccuvenu ||3|| daSarathanali janisi daSamukhana saMharisi SaSim...

ರಚನೆ : ಶ್ರೀ ಪುರಂದರ ದಾಸರು (ಪುರಂದರ ವಿಠಲ) Kruti: Sri Purandara Dasaru (Purandara vittala) ವಂದಿಸುವುದಾದಿಯಲಿ ಗಣನಾಥನ ||ಪ|| ಸಂದೇಹ ಸಲ್ಲ ಶ್ರೀಹರಿಯಾಜ್ಞೆಯಿದಕುಂಟು ||ಅಪ|| ಹಿಂದೆ ರಾವಣ ತಾನು ವಂದಿಸದೆ ಗಜಮುಖನ ನಿಂದು ತಪವನು ಗೈದು ವರ ಪಡೆಯಲು ಒಂದು ನಿಮಿಷದಿ ಬಂದು ವಿಘ್ನವನು ಆಚರಿಸಿ ತಂದ ವರಗಳನೆಲ್ಲ ಧರೆಗೆ ಇಳಿಸಿದನು ||೧|| ಅಂದಿನಾ ಬಗೆಯರಿತು ಹರಿ ಬಂದು ಧರ್ಮಜಗೆ ಮುಂದೆ ಗಣಪನ ಪೂಜಿಸೆಂದು ಪೇಳೆ ಒಂದೆ ಮನದಲಿ ಬಂದು ಪೂಜಿಸಲು ಗಣನಾಥನ ಹೊಂದಿಸಿದ ನಿರ್ವಿಘ್ನದಿಂದ ರಾಜ್ಯವನು ||೨|| ಇಂದು ಜಗವೆಲ್ಲ ಉಮೆನಂದನನ ಪೂಜಿಸಲು ಚೆಂದದಿಂದಲಿ ಸಕಲ ಸಿದ್ಧಿಗಳನಿತ್ತು ತಂದೆ ಸಿರಿ ಪುರಂದರವಿಠ್ಠಲನ ಸೇವೆಯೊಳು ಬಂದ ವಿಘ್ನವ ಕಳೆದಾನಂವನು ಕೊಡುವ ||೩|| vaMdisuvudaadiyali gaNanaathana ||pa|| saMdEha salla SrIhariyaaj~jeyidakuMTu ||apa|| hiMde raavaNa taanu vaMdisade gajamukhana niMdu tapavanu gaidu vara paDeyalu oMdu nimiShadi baMdu viGnavanu Acarisi taMda varagaLanella dharege iLisidanu ||1|| aMdinaa bageyaritu hari baMdu dharmajage muMde gaNapana pUjiseMdu pELe oMde manadali baMdu pUjisalu gaNanaathana hoMdisida nirviGnadiMda raajyavanu ||2|| iMdu jagavella umenaMdanana pUjisalu ceMdadiMd...

Search This Blog

Posts

ಕೋಟೀಶ್ವರ ಸುಳಾದಿ | ಶ್ರೀ ವಿಜಯದಾಸರ ಕೃತಿ | Koteeshwara Sulaadi | Sri Vijayadasara Kruti

ಇದೇ ಹಾದಿ ನೀ ಹಿಡಿ | ಶ್ರೀ ವೆಂಕಟೇಶ ವಿಠ್ಠಲ ದಾಸರು | Ide Haadi Ni Hidi | Sri Venkatesha Vithala Dasaru

ಲಾಲಿ ಲಾಲಿ ತ್ರಿಭುವನ ಲಾಲಿ | ಶ್ರೀ ಮೋಹನ ದಾಸರ ಕೃತಿ | Laali Laali Tribhuvana Laali | Sri Mohana Dasaru

ಮುತ್ತು ಬಂದಿದೆ ಕೇರಿಗೆ | ಶ್ರೀ ಕನಕದಾಸರ ಕೃತಿ | Muttu Bandide Kerige | Sri Kanaka Dasaru

ಗೋಪಿ ಬಾಲನೆ ಬಹುಗುಣ | ಶ್ರೀ ಇಂದಿರೇಶ ದಾಸರು | Gopi Balane | Sri Indiresha Dasaru

ದಿಮ್ಮಿಸಾಲೆ ರಂಗ | ಶ್ರೀ ವಾದಿರಾಜರ ಕೃತಿ | Dimmisale Ranga | Sri Vadirajaru

ದಯಮಾಡೆ ತಾಯೆ ವಾಗ್ದೇವಿ | ಶ್ರೀ ಜಗನ್ನಾಥ ದಾಸರು | Daya Made Taye Vagdevi | Sri Jagannatha Dasaru

ಬಂದೆವಯ್ಯ ಗೋವಿಂದಶೆಟ್ಟಿ | ಶ್ರೀ ಕನಕದಾಸರು | Bandevayya Govinda | Sri Kanaka Dasaru

ಕೃಷ್ಣಮೂರುತಿ ಕಣ್ಣಮುಂದೆ | ಶ್ರೀ ಪುರಂದರವಿಠಲ | Krishna Mooruthi | Sri Purandara Vithala

ಎನ್ನ ಕಂದ ಹಳ್ಳಿಯ ಹನುಮ | ಶ್ರೀ ಕನಕದಾಸರ ಕೃತಿ | Enna Kanda Halliya Hanuma | Sri Kanaka Dasaru

ಲಕ್ಷ್ಮೀ ರಮಣಗೆ ಮಾಡಿದಳು ಉರುಟಾಣಿ | ಶ್ರೀ ವಾದಿರಾಜರು | Lakshmi Ramanage | Sri Vadirajaru

ವಂದಿಸುವುದಾದಿಯಲಿ | ಶ್ರೀ ಪುರಂದರವಿಠ್ಠಲ | Vandisuvudadiyali | Sri Purandara Dasaru

Popular posts from this blog

ನಾರಾಯಣ ನಾರಾಯಣ ಗೋವಿಂದ | ಪುರಂದರ ವಿಠಲ | Narayana Narayana Govinda | Purandara Vithala

ಶ್ರೀನಿವಾಸ ಕಲ್ಯಾಣ | ಸ್ತ್ರೀಯರೆಲ್ಲರು ಬನ್ನಿರೆ | ಹಯವದನ | Srinivasa Kalyana | Vadirajaru

ಶ್ರೀ ಕಂಕಣಾಕಾರ ಸುಳಾದಿ | ಶ್ರೀ ವಿಜಯ ದಾಸರ ರಚನೆ | Sri Kankanakara Suladi | Sri Vijaya Dasaru